പാ​വ​റ​ട്ടി: മു​ല്ല​ശേ​രി​യി​ലും എ​ള​വ​ള്ളി​യി​ലും ദു​രി​താ​ശ്വാ​സ ക്യാ​മ്പു​ക​ൾ തു​റ​ന്നു.

മു​ല്ല​ശേ​രി ഗ്രാ​മ​പ​ഞ്ചാ​യ​ത്തി​ലെ അ​ന്ന​ക​ര, പേ​ന​കം, മ​ധു​ക്ക​ര, എ​ല​വ​ത്തൂ​ർ എ​ന്നീ പ്ര​ദേ​ശ​ങ്ങ​ളി​ലാ​ണ് രൂ​ക്ഷ​മാ​യ വെ​ള്ള​ക്കെ​ട്ട് രൂ​പ​പ്പെ​ട്ടി​ട്ടു​ള്ള​ത്. പ​ര​പ്പു​ഴ പാ​ലം മു​ത​ൽ അ​ന്ന​ക​രവ​രെ റോ​ഡു​മു​റി​ഞ്ഞ് ശ​ക്ത​മാ​യി വെ​ള്ളം ഒ​ഴു​കു​ന്ന​തി​നാ​ൽ ഇ​തു​വ​ഴി​യു​ള്ള വാ​ഹ​ന ഗ​താ​ഗ​തം ഭാ​ഗി​ക​മാ​യി നി​യ​ന്ത്രി​ച്ചി​ട്ടു​ണ്ട്. പേ​ന​കം, എ​ല​വ​ത്തൂ​ർ, മ​ധു​ക്ക​ര, റോ​ഡു​ക​ളി​ൽ ക​ന​ത്ത വെ​ള്ള​ക്കെ​ട്ടാ​ണ്. ഈ ​മേ​ഖ​ല​യി​ലെ വീ​ടു​ക​ൾ ഒ​റ്റ​പ്പെ​ട്ട അ​വ​സ്ഥ​യി​ലാ​ണ്. മ​ഴ ശ​ക്ത​മാ​യി തു​ട​രു​ന്ന​തും വാ​ഴാ​നി ഡാ​മി​ൽ​നി​ന്നു​ള്ള വെ​ള്ളം ക​ടാം​തോ​ട് വ​ഴി​യും പ​ര​പ്പു​ഴ വ​ഴി​യും ഒ​ഴു​കി​യെ​ത്തി​യ​താ​ണ് ക​ന​ത്ത വെ​ള്ള​ക്കെ​ട്ടി​ന് ഇ​ട​യാ​ക്കി​യ​ത്. മു​ല്ല​ശേ​രി ഗ്രാ​മ​പ​ഞ്ചാ​യ​ത്തി​ൽ വെ​ള്ള​ക്കെ​ട്ട് രൂ​ക്ഷ​മാ​യ​തി​നെ തു​ട​ർ​ന്ന് ര​ണ്ട് ദു​രി​താ​ശ്വാ​സ ക്യാ​മ്പു​ക​ൾ ആ​രം​ഭി​ച്ചു.

അ​ന്ന​ക​ര ഗ​വ. എ​ൽ​പി സ്കൂ​ളി​ൽ ആ​രം​ഭി​ച്ച ദു​രി​താ​ശ്വാ​സ ക്യാ​മ്പി​ൽ 70 കു​ടും​ബ​ങ്ങ​ളും പെ​രു​വ​ല്ലൂ​ർ മി​നി അം​ബേ​ദ്ക​ർ ക​മ്യൂ​ണി​റ്റി ഹാ​ളി​ൽ ആ​രം​ഭി​ച്ച ദു​രി​താ​ശ്വാ​സ ക്യാ​മ്പി​ൽ ആ​റു കു​ടും​ബ​ങ്ങ​ളും എ​ത്തി​യി​ട്ടു​ണ്ട്. ത​ണ്ണീ​ർ കാ​യ​ൽ മേ​ഖ​ല​യി​ൽ വെ​ള്ള​ക്കെ​ട്ട് കൂ​ടി​വ​രു​ന്ന​തി​നാ​ൽ മു​ല്ല​ശേ​രി ഇ​എം​എ​സ് ക​മ്യൂ​ണി​റ്റി ഹാ​ളി​ൽ മൂ​ന്നാ​മ​ത്തെ ദു​രി​താ​ശ്വാ​സ ക്യാ​മ്പ് ആ​രം​ഭി​ക്കു​ന്ന​തി​നു​ള്ള ത​യാ​റെ​ടു​പ്പി​ലാ​ണ് അ​ധി​കൃ​ത​ർ. പേ​ന​ക​ത്തും പ​റ​മ്പ​ൻ​ത​ളി​യി​ലും ചെ​റി​യ​തോ​തി​ൽ കു​ന്നി​ടി​ഞ്ഞ​തോ​ടെ മൂ​ന്നു​വീ​ട്ടു​കാ​രെ മാ​റ്റി​താ​മ​സി​പ്പി​ച്ച​താ​യും മു​ല്ല​ശേ​രി പ​ഞ്ചാ​യ​ത്ത് പ്ര​സി​ഡ​ന്‍റ് ശ്രീ​ദേ​വി ജ​യ​രാ​ജ് അ​റി​യി​ച്ചു.

എ​ള​വ​ള്ളി ഗ്രാ​മ​പ​ഞ്ചാ​യ​ത്തി​ൽ ക​ന​ത്ത വെ​ള്ള​ക്കെ​ട്ടി​നെ തു​ട​ർ​ന്ന് വാ​ക മാ​ല​തി യു​പി സ്കൂ​ളി​ലും എ​ള​വ​ള്ളി ഗ​വ. ഹൈ​സ്കൂ​ളി​ലും ദു​രി​താ​ശ്വാ​സ ക്യാ​മ്പു​ക​ൾ തു​ട​ങ്ങി എ​ള​വ​ള്ളി ഹൈ​സ്കൂ​ളി​ൽ 81 കു​ടും​ബ​ങ്ങ​ളും വാ​ക മാ​ല​തി യു​പി സ്കൂ​ളി​ൽ ഒ​മ്പ​തു കു​ടും​ബ​ങ്ങ​ളു​മാ​ണ് എ​ത്തി​യി​ട്ടു​ള്ള​ത്. താ​മ​ര​പ്പി​ള്ളി, ചി​റ്റാ​ട്ടു​ക​ര, ക​ട​വ​ല്ലൂ​ർ മേ​ഖ​ല​ക​ളി​ൽ വെ​ള്ള​ക്കെ​ട്ട് വ​ർ​ധി​ച്ചു​വ​രു​ന്ന​തി​നാ​ൽ ചി​റ്റാ​ട്ടു​ക​ര ഹൈ​സ്കൂ​ളി​ലും ദു​രി​താ​ശ്വാ​സ​ക്യാ​മ്പ് ആ​രം​ഭി​ക്കാ​നു​ള്ള ത​യാ​റെ​ടു​പ്പി​ലാ​ണ് പ​ഞ്ചാ​യ​ത്ത് അ​ധി​കൃ​ത​ർ.

വാ​ക കാ​ക്ക​ത്തു​രു​ത്ത് പ്ര​ദേ​ശം വെ​ള്ള​ക്കെ​ട്ടി​നെ തു​ട​ർ​ന്ന് ഒ​റ്റ​പ്പെ​ട്ട നി​ല​യി​ലാ​ണ്. ഇ​വി​ടേ​ക്കു​ള്ള ഏ​ക റോ​ഡ് പൂ​ർ​ണ​മാ​യും മു​ങ്ങി​യ നി​ല​യി​ലാ​ണ്. 19 കു​ടും​ബ​ങ്ങ​ൾ ഇ​വി​ടെ താ​മ​സി​ക്കു​ന്നു​ണ്ട്. കാ​ക്ക​തു​രു​ത്തി​യി​ലേ​ക്ക് അ​ത്യാ​വ​ശ്യ​ഘ​ട്ട​ങ്ങ​ളി​ൽ പോ​കു​ന്ന​തി​നാ​യി ബോ​ട്ട് സൗ​ക​ര്യം ഏ​ർ​പ്പെ​ടു​ത്തി​യി​ട്ടു​ണ്ട്. ക​ണി​യാം​തു​രു​ത്തി​ലേ​ക്കു​ള്ള റോ​ഡും മു​ങ്ങി​യ നി​ല​യി​ലാ​ണ്. ഇ​വി​ടെ​നി​ന്നു 19 കു​ടും​ബ​ങ്ങ​ളെ ബ​ന്ധു​വീ​ടു​ക​ളി​ലേ​ക്കും ദു​രി​താ​ശ്വാ​സ​ക്യാ​മ്പു​ക​ളി​ലേ​ക്കു​മാ​യി മാ​റ്റി​യി​ട്ടു​ണ്ട്.