ചി​റ്റ​ക്കു​ന്നി​ൽ വീ​ണ്ടും തേ​ക്ക് മ​ര​ങ്ങ​ൾ മു​റി​ക്കാ​ൻ നീ​ക്കം
Sunday, May 26, 2024 8:08 AM IST
പു​ത്തൂ​ർ : 2018 ലെ ​പ്ര​ള​യ​ത്തി​ൽ അ​തി​ശ​ക്ത​മാ​യ കു​ഴ​ലീ​കൃ​ത മ​ണ്ണൊ​ലി​പ്പും, മ​ണ്ണി​ടി​ച്ചി​ലും സം​ഭ​വി​ച്ച പു​ത്തൂ​ർ പ​ഞ്ചാ​യ​ത്തി​ലെ ചി​റ്റ​ക്കു​ന്നി​ൽ തേ​ക്ക് പ്ലാ​ന്‍റേഷ​നി​ലെ മ​ര​ങ്ങ​ൾ മു​റി​ക്കാ​ൻ ന​ട​ത്തു​ന്ന നീ​ക്കം ത​ട​യാ​ൻ അ​ടി​യ​ന്തി​ര​മാ​യി ജി​ല്ലാ ക​ള​ക്ട​ർ ഇ​ട​പെ​ട​ണ​മെ​ന്ന് ജി​ല്ലാ പ​ഞ്ചാ​യ​ത്ത് പ്ര​തി​പ​ക്ഷ നേ​താ​വും ഡി ​സി സി ​വൈ​സ് പ്ര​സി​ഡ​ന്‍റു​മാ​യ അ​ഡ്വ. ജോ​സ​ഫ് ടാ​ജ​റ്റ് ആ​വ​ശ്യ​പ്പെ​ട്ടു. ഇ​ത് സം​ബ​ന്ധിച്ച് ജി​ല്ലാ ക​ള​ക്ട​ർ​ക്ക് ക​ത്ത് ന​ൽ​കി.

കെഎഫ്ഡി​സി യു​ടെ നി​യ​ന്ത്ര​ണ​ത്തി​ലു​ള്ള 2014 തേ​ക്ക് പ്ലാ​ന്‍റേ​ഷ​നി​ലെ എ​ണ്ണാ​യി​ര​ത്തോ​ളം വ​രു​ന്ന മ​ര​ങ്ങ​ൾ മു​റി​ക്കാ​നാ​ണ് ശ​ക്ത​മാ​യ മ​ഴ മു​ന്ന​റി​യി​പ്പ് നി​ല​നി​ൽ​ക്കു​ന്പോ​ൾ ധ്രു​ത​ഗ​തി​യി​ൽ നീ​ക്കം ന​ട​ത്തു​ന്ന​ത്. ഇ​ത് വ​ലി​യ തോ​തി​ലു​ള്ള മ​ണ്ണി​ടി​ച്ചി​ലി​ന് വ​ഴി​വെ​ക്കും. കേ​ന്ദ്ര വ​ന പ​രി​സ്ഥി​തി മ​ന്ത്രാ​ല​യ​ത്തി​ന്‍റ നി​ർ​ദ്ദേ​ശ​മ​നു​സ​രി​ച്ച് 30 ഡി​ഗ്രി​യെ​ക്കാ​ൾ കൂ​ടു​ത​ൽ ചെ​രി​വു​ള്ള സ്ഥ​ല​ങ്ങ​ളി​ലെ മ​ര​ങ്ങ​ൾ മു​റി​ച്ച് നീ​ക്കം ചെ​യ്യാ​ൻ പാ​ടി​ല്ല എ​ന്നി​രി​ക്കെ​യാ​ണ് തേ​ക്ക് മ​ര​ങ്ങ​ൾ മു​റി​ക്കാ​ൻ നീ​ക്കം ന​ട​ക്കു​ന്ന​ത്. 2018 ലെ ​മ​ഹാ​പ്ര​ള​യ​ത്തി​ൽ വ​ലി​യ മ​ണ്ണി​ടി​ച്ചി​ൽ ഉ​ണ്ടാ​യ സ്ഥ​ല​മാ​ണ് ഈ ​പ്ര​ദേ​ശം ഉ​ൾ​പ്പെ​ടു​ന്ന പു​ത്ത​ൻ​കാ​ട്.

തു​ട​ർ​ന്ന് ന​ട​ന്ന വി​ദ​ഗ്ദസം​ഘ​ത്തി​ന്‍റെ പ​ഠ​ന​ത്തി​ന്‍റെ അ​ടി​സ്ഥാ​ന​ത്തി​ൽ ന​ട​ന്ന​ത് കു​ഴ​ലീ​കൃ​ത മ​ണ്ണൊ​ലി​പ്പ് ആ​ണെ​ന്നും അ​തി​നാ​ൽ ഈ ​പ്ര​ദേ​ശ​ത്തെ മ​ര​ങ്ങ​ൾ മു​റി​ച്ച് നീ​ക്ക​രു​തെന്നും ​തേ​ക്ക്, അ​ക്കേ​ഷ്യ, യൂക്കാ​ലി തു​ട​ങ്ങി ആ​ഴ​ത്തി​ൽ വേ​ര് ഓ​ടാ​ത്ത മ​ര​ങ്ങ​ൾ വെ​ച്ച്പി​ടി​പ്പി​ക്ക​രു​തെ​ന്നും ഉ​ത്ത​ര​വ് ഉ​ണ്ടാ​യി​രി​ട്ടു​ള്ള​തു​മാ​ണ്. 2019 ലും ​മ​ണ്ണി​ടി​ച്ചി​ൽ ഉ​ണ്ടാ​യി​രു​ന്നു. അ​വി​ടെ അ​ക്വാ​ഡ​ക്ട് നി​ർ​മ്മി​ച്ചാ​ണ് മ​ണ്ണി​ടി​ച്ചി​ലി​ന് താ​ൽ​ക്കാ​ലി​ക​മാ​യ പ​രി​ഹാ​രം ക​ണ്ട​ത്. തു​ട​ർ​ന്ന് 2023 ജൂ​ലൈ, ഓ​ഗ​സ്റ്റ് മാ​സ​ത്തി​ൽ ചി​റ്റ​ക്കു​ന്നി​ലെ ​മ​ര​ങ്ങ​ൾ മു​റി​ച്ച് നീ​ക്കി​യ​തി​നെ​തി​രെ ന​ട​ന്ന ജ​ന​കീ​യ പ്ര​തി​ഷേ​ധ​ത്തെ തു​ട​ർ​ന്ന് ജി​ല്ലാ ക​ള​ക്ട​ർ ഇ​ട​പെ​ട്ട് മ​രംമു​റി നി​ർ​ത്തി​വെ​ച്ച​താ​ണ്.


നാ​ല് ഹെ​ക്ടറി​ലെ മ​ര​ങ്ങ​ളാ​ണ് അ​ന്ന് മു​റി​ച്ച് നീ​ക്കി​യ​ത്. 26 ഹെ​ക്ട​റോ​ളം സ്ഥ​ല​ത്തെ മ​ര​ങ്ങ​ൾ ഇ​നി മു​റി​ച്ച് നീ​ക്കാ​നു​ണ്ട്. ഗു​രു​ത​ര​മാ​യ പ​ാരി​സ്ഥി​തി​ക പ്ര​ശ്ന​ങ്ങ​ൾ നി​ല​നി​ൽ​ക്കെ​യാ​ണ് ഇ​ട​വെ​ട്ടാ​ണെ​ന്നും അ​തി​നാ​ൽ മ​ണ്ണൊ​ലി​പ്പ് ഉ​ണ്ടാ​കി​ല്ലെ​ന്നു​മു​ള്ള വാ​ദ ഗ​തി​യി​ൽ കെഎഫ്ഡി​സിയു​ടെ മ​രം​മു​റി​ക്കാ​നു​ള്ള പു​തി​യ നീ​ക്കം. മാ​ത്ര​മ​ല്ല മ​ര​ങ്ങ​ൾ മു​റി​ച്ച്നീ​ക്കി​യ സ്ഥ​ല​ത്ത് പു​തി​യ​മ​ര​ങ്ങ​ൾ വെ​ച്ച് പി​ടി​പ്പി​ക്കാ​നു​ള്ള നീ​ക്കം ന​ട​ക്കു​ന്നു​ണ്ട്. അ​ത് 2017 ലെ ​കേ​ര​ള വ​നംവ​കു​പ്പി​ന്‍റെ ഗൈ​ഡ് ലൈ​നി​ൽ പ​റ​യു​ന്ന ത​ര​ത്തി​ൽ ആ​ഴ​ത്തി​ൽ വേ​രോ​ടു​ന്ന മ​ര​ങ്ങ​ൾ വെ​ച്ചു പി​ടി​പ്പി​ക്കാ​ൻ വേ​ണ്ട ഇ​ട​പെ​ട​ൽ ജി​ല്ലാ ക​ള​ക്ട​ർ ന​ട​ത്ത​ണ​മെന്ന് ക​ത്തി​ൽ ആ​വ​ശ്യ​പ്പെ​ട്ടു.

ഇ​ട​ക്കാ​ല​ത്ത് തേ​ക്ക്, അ​ക്കേ​ഷ്യ, യൂക്കാ​ലി തു​ട​ങ്ങി മ​ണ്ണൊ​ലി​പ്പി​നെ പ്ര​തി​രോ​ധി​ക്കാ​ൻ സ​ഹാ​യ​ക​മ​ല്ലാ​ത്ത മ​ര​ങ്ങ​ൾ വെ​ച്ചു പി​ടി​പ്പി​ക്കാ​ൻ ശ്ര​മം ന​ട​ത്തി​യി​രു​ന്നു. ആ​യ​ത് ആ​വ​ർ​ത്തി​ക്കാ​തി​രി​ക്കാ​ൻ ശ്ര​ദ്ധി​ക്ക​ണ​മെ​ന്നും ക​ത്തി​ൽ ആ​വ​ശ്യ​പ്പെ​ട്ടു. അ​ല്ലാ​ത്ത പ​ക്ഷം മ​ണ്ണി​ടി​ച്ചി​ൽ ഉ​ൾ​പ്പെ​ടെ​യു​ള്ള ഗു​രു​ത​ര​മാ​യ പ്ര​ശ്ന​ങ്ങ​ൾ​ക്ക് പ​രി​സ​ര​വാ​സി​ക​ൾ വി​ധേ​യ​രാ​കു​മെ​ന്ന് അ​ഡ്വ. ജോ​സ​ഫ് ടാ​ജ​റ്റ് പ​റ​ഞ്ഞു.