നെ​ൽ​ക​ർ​ഷ​ക​ർ പ്ര​തി​സ​ന്ധി​യി​ൽ; ജി​ല്ല​യി​ൽ 150 കോ​ടി​യു​ടെ ന​ഷ്ടം
Sunday, May 19, 2024 7:16 AM IST
തൃ​ശൂ​ർ: നെ​ല്ലു​ത്പാ​ദ​ന​ത്തി​ൽ ക​ന​ത്ത ന​ഷ്ട​മു​ണ്ടാ​യ ക​ർ​ഷ​ക​ർ​ക്കു മാ​ന്യ​മാ​യ ന​ഷ്ട​പ​രി​ഹാ​രം ന​ൽ​ക​ണ​മെ​ന്നു കേ​ര​ള ക​ർ​ഷ​ക​സം​ഘം. കാ​ലാ​വ​സ്ഥാ​വ്യ​തി​യാ​നം മു​ത​ൽ ആ​വ​ർ​ത്ത​ന​കൃ​ഷി​വ​രെ​യു​ള്ള വി​വി​ധ കാ​ര​ണ​ങ്ങ​ളാ​ൽ 150 കോ​ടി​യോ​ളം രൂ​പ​യു​ടെ ന​ഷ്ട​മാ​ണു തൃ​ശൂ​ർ ജി​ല്ല​യി​ലു​ണ്ടാ​യ​ത്.

2022-23 ൽ ​വി​രി​പ്പ്, മു​ണ്ട​ക​ൻ, പു​ഞ്ച എ​ന്നീ സീ​സ​ണു​ക​ളി​ലാ​യി 28,524 ഏ​ക്ക​റി​ലും കോ​ൾ​നി​ല​ങ്ങ​ളി​ൽ 26,656 ഏ​ക്ക​റി​ലു​മാ​ണ് കൃ​ഷി​യി​റ​ക്കി​യ​ത്. 1,12,001 ട​ണ്‍ നെ​ല്ല് ഉ​ത്പാ​ദി​പ്പി​ച്ചു. ഈ ​വ​ർ​ഷം 48,716 ഏ​ക്ക​റി​ൽ കൃ​ഷി​യി​റ​ക്കി 62,515 ട​ണ്‍ നെ​ല്ലാ​ണു ശേ​ഖ​രി​ച്ച​ത്. ഉ​ത്പാ​ദ​നം നേ​ർ​പ​കു​തി​യാ​ണു കു​റ​ഞ്ഞ​ത്. കോ​ൾ​മേ​ഖ​ല​യി​ലും കോ​ൾ​ഇ​ത​ര മേ​ഖ​ല​യി​ലും ന​ഷ്ടം ബാ​ധി​ച്ചി​ട്ടു​ണ്ട്. വൈ​ക്കോ​ൽ​മാ​ത്രം ആ​ശ്ര​യി​ച്ചു​നീ​ങ്ങു​ന്ന ക്ഷീ​ര​കൃ​ഷി​യും അ​വ​താ​ള​ത്തി​ലാ​ണ്.


നെ​ല്ലും വൈ​ക്കോ​ലും ഭാ​ഗി​ക​മാ​യും പൂ​ർ​ണ​മാ​യും ന​ഷ്ട​പ്പെ​ട്ട ആ​യി​ര​ക്ക​ണ​ക്കി​നു ചെ​റു​കി​ട​കൃ​ഷി​ക്കാ​രും നി​ര​വ​ധി പാ​ട​ശേ​ഖ​ര​ങ്ങ​ളു​മു​ണ്ട്. ഏ​ക​ദേ​ശം ഒ​രേ​ക്ക​റി​ന് 25,000 രൂ​പ മു​ത​ൽ 35,000 രൂ​പ​വ​രെ ഉ​ത്പാ​ദ​ന​ചെ​ല​വ് നേ​രി​ടേ​ണ്ടി​വ​രു​ന്ന ക​ർ​ഷ​ക​നു പി​ടി​ച്ചു​നി​ൽ​ക്കാ​ൻ ക​ഴി​യു​ന്നി​ല്ല.

ഉ​ത്പാ​ദ​ന​ചെ​ല​വി​ന്‍റെ ക്ര​മാ​തീ​ത​മാ​യ വ​ർ​ധ​ന, ഗു​ണ​മേ​ന്മ​യി​ല്ലാ​ത്ത വി​ത്ത്, വ​ളം മു​ത​ലാ​യ​വ മൂ​ല​മു​ള്ള ഉ​ത്പാ​ദ​ന​ക്കു​റ​വ്, പ്ര​തി​കൂ​ല​കാ​ലാ​വ​സ്ഥ, വ​ന്യ​മൃ​ഗ​ശ​ല്യം ഇ​വ​യെ​ല്ലാം പ​രി​ഗ​ണി​ക്ക​ണ​മെ​ന്നും വേ​ഗ​ത്തി​ലു​ള്ള പ​രി​ഹാ​ര​മാ​ർ​ഗ​മു​ണ്ടാ​ക​ണ​മെ​ന്നും ക​ർ​ഷ​ക​സം​ഘം ആ​വ​ശ്യ​പ്പെ​ട്ടു.

സ്വ​ന്തം ലേ​ഖ​ക​ൻ

Copyright @ 2022 , Rashtra Deepika Ltd.