തൃ​ശൂ​ർ: മ​ഴ​ക്കാ​ല​ത്തി​നു​മു​ന്പേ തോ​ടു​ക​ൾ വൃ​ത്തി​യാ​ക്കാ​നു​ള്ള ടെ​ൻ​ഡ​ർ ന​ട​പ​ടി​ക​ൾ വൈ​കി​പ്പി​ച്ച​തി​ൽ പ്ര​തി​ഷേ​ധി​ച്ചു​ള്ള സ​മ​ര​ത്തി​നി​ടെ കോ​ർ​പ​റേ​ഷ​ൻ ഓ​ഫീ​സി​ൽ​നി​ന്നു വാ​ഹ​ന​ത്തി​ൽ മു​ങ്ങാ​ൻ ശ്ര​മി​ച്ച ഡെ​പ്യൂ​ട്ടി മേ​യ​റെ ത​ട​ഞ്ഞ് കോ​ൺ​ഗ്ര​സ് കൗ​ൺ​സി​ല​ർ​മാ​ർ.

പ്ര​തി​പ​ക്ഷ​നേ​താ​വ് രാ​ജ​ൻ ജെ.​പ​ല്ല​ന്‍റെ നേ​തൃ​ത്വ​ത്തി​ലാ​ണ് ഔ​ദ്യോ​ഗി​ക വാ​ഹ​ന​ത്തി​ൽ പോ​കാ​നൊ​രു​ങ്ങി​യ ഡെ​പ്യൂ​ട്ടി മേ​യ​ർ എം.​എ​ൽ. റോ​സി​യെ ത​ട​ഞ്ഞ​ത്. കാ​റി​ൽ​നി​ന്ന് ഇ​റ​ങ്ങി​യ ഡെ​പ്യൂ​ട്ടി മേ​യ​ർ പോ​ലീ​സി​ന്‍റെ അ​ടു​ത്തു​ചെ​ന്നു പ്ര​തി​ഷേ​ധ​ക്കാ​രെ മാ​റ്റ​ണ​മെ​ന്ന് ആ​വ​ശ്യ​പ്പെ​ട്ടു വീ​ണ്ടും വാ​ഹ​ന​ത്തി​ൽ ക​യ​റി പോ​കാ​ൻ ശ്ര​മി​ച്ചു. പോ​ലീ​സ് ഇ​ട​പെ​ട്ടു കോ​ൺ​ഗ്ര​സ് കൗ​ൺ​സി​ല​ർ​മാ​രെ നീ​ക്കാ​ൻ ശ്ര​മി​ച്ചെ​ങ്കി​ലും വ​ഴ​ങ്ങി​യി​ല്ല. ഇ​തോ​ടെ ഡെ​പ്യൂ​ട്ടി മേ​യ​ർ കാ​റി​ൽ​ത​ന്നെ ഇ​രു​ന്നു. കൗ​ൺ​സി​ല​ർ​മാ​ർ മു​ദ്രാ​വാ​ക്യം വി​ളി​ച്ചു വാ​ഹ​ന​ത്തി​നു മു​ന്പി​ൽ ഇ​രു​ന്നു.

സ​മ​ര​മു​ണ്ടെ​ന്ന​റി​ഞ്ഞു മേ​യ​റും സ്റ്റാ​ൻ​ഡിം​ഗ് ക​മ്മി​റ്റി ചെ​യ​ർ​മാ​ൻ​മാ​രും കോ​ർ​പ​റേ​ഷ​നി​ൽ വ​രാ​തെ മു​ങ്ങി​യെ​ന്നു സ​മ​രം ഉ​ദ്ഘാ​ട​നം ചെ​യ്ത രാ​ജ​ൻ പ​ല്ല​ൻ ആ​രോ​പി​ച്ചു. ഉ​പ​നേ​താ​വ് ഇ.​വി. സു​നി​ൽ​രാ​ജ് അ​ധ്യ​ക്ഷ​ത വ​ഹി​ച്ചു. കൗ​ൺ​സി​ല​ർ​മാ​രാ​യ ജ​യ​പ്ര​കാ​ശ്‌ പൂ​വ​ത്തി​ങ്ക​ൽ, കെ. ​രാ​മ​നാ​ഥ​ൻ, ശ്യാ​മ​ള മു​ര​ളീ​ധ​ര​ൻ, എ​ൻ.​എ. ഗോ​പ​കു​മാ​ർ, ലീ​ല വ​ർ​ഗീ​സ്, സി​ന്ധു ആ​ന്‍റോ, ശ്രീ​ലാ​ൽ ശ്രീ​ധ​ർ, വി​നേ​ഷ് ത​യ്യി​ൽ, നി​മ്മി റ​പ്പാ​യി, റെ​ജി ജോ​യ്, മേ​ഴ്‌​സി അ​ജി, എ​ബി വ​ർ​ഗീ​സ്, രെ​ന്യ ബൈ​ജു എ​ന്നി​വ​ർ പ​ങ്കെ​ടു​ത്തു.