കു​ടി​വെ​ള്ളം മു​ട്ടി​ച്ച് ജ​ല​ അ​ഥോ​റി​റ്റി​യു​ടെ​യും ദേ​ശീ​യ​പാ​ത അ​ധി​കൃ​ത​രു​ടെ​യും ക്രൂ​ര​ത
Monday, September 18, 2023 1:17 AM IST
വാ​ടാ​ന​പ്പി​ള്ളി: ചേ​റ്റു​വ പ​ട​ന്ന നി​വാ​സി​ക​ളു​ടെ കു​ടി​വെ​ള്ളം​മു​ട്ടി​ച്ച് ജ​ല അ​ഥോ​റി​റ്റി​യു​ടെ​യും ദേ​ശീ​യ​പാ​ത അ​ധി​കൃ​ത​രു​ടെ​യും ക്രൂ​ര​ത. രൂ​ക്ഷ​മാ​യ കു​ടി​വെ​ള്ള​ക്ഷാ​മം നേ​രി​ടു​ന്ന തീ​ര​ദേ​ശ​മേ​ഖ​ല​യാ​യ പ​ട​ന്ന​യി​ൽ കു​ടി​വെ​ള്ള​മെ​ത്തി​യി​ട്ട് മൂ​ന്നു​മാ​സ​ത്തി​ലേ​റെ​യാ​യി.

ദേ​ശീ​യ​പാ​ത വി​ക​സ​ന​പ്ര​വ​ർ​ത്ത​ന​ങ്ങ​ളു​ടെ ഭാ​ഗ​മാ​യി കാ​ന നി​ർ​മി​ക്കു​ന്ന​തി​ന് മ​ണ്ണു​മാ​ന്തി​യ​ന്ത്രം ഉ​പ​യോ​ഗി​ച്ച് കു​ഴി​യെ​ടു​ക്കു​മ്പോ​ള്‌ കു​ടി​വെ​ള്ള പൈ​പ്പു​ക​ൾ ത​ക​രു​കയാണ്. ത​ക​ർ​ന്ന പൈ​പ്പു​ക​ൾ യ​ഥാ​സ​മ​യം കേ​ടു​പാ​ടു​ക​ൾ തീ​ർ​ക്കാ​ൻ ജ​ല​ അ​ഥോ​റി​റ്റി ത​യാ​റാ​കു​ന്നി​ല്ല. ഇ​തോ​ടെ പൊ​ട്ടി​യ പൈ​പ്പ് ദേ​ശീ​യ​പാ​ത ക​രാ​ർ​ക​മ്പ​നി തോ​ഴി​ലാ​ളി​ക​ൾ സ്റ്റോ​പ്പ​റി​ട്ട് അ​ട​ച്ചു​വ​യ്ക്കു​ക​യാ​ണ് ചെ​യ്യു​ന്ന​ത്. ഇ​തു​മൂ​ലം പ​രി​സ​ര​പ്ര​ദേ​ശ​ങ്ങ​ളി​ൽ ല​ഭി​ക്കേ​ണ്ട​താ​യ കു​ടി​വെ​ള്ള​മാ​ണ് ത​ട​സ​പ്പെ​ടു​ന്ന​ത്.

മ​ണ്ണു​മാ​ന്തി യ​ന്ത്രം ഉ​പ​യോ​ഗി​ച്ച് കു​ഴി​യെ​ടു​ക്കു​ന്ന പ്ര​വൃ​ത്തി​ക​ൾ ന​ട​ക്കു​ന്ന​ത് രാ​ത്രി​സ​മ​യ​ങ്ങ​ളി​ലാ​യ​തി​നാ​ൽ ഇ​ത് നാ​ട്ടു​കാ​രു​ടെ ശ്ര​ദ്ധ​യി​ൽ​പ്പെ​ടു​ന്നി​ല്ല. സ്റ്റോ​പ്പ​റി​ട്ട് അ​ട​ച്ച പൈ​പ്പു​ക​ൾ മ​ണ്ണി​ട്ടു​മൂ​ടു​ക​യും ചെ​യ്യും. ചേ​റ്റു​വ​യി​ൽ പ​ല സ്ഥ​ല​ത്തും ഇ​തു​പോ​ലെ പൊ​ട്ടി​യ പൈ​പ്പു​ക​ൾ അ​ട​ച്ചു​മൂ​ടി​വ​ച്ചി​ട്ടു​ണ്ട്. തീ​ര​ദേ​ശ​മേ​ഖ​ല​യാ​യ ചേ​റ്റു​വ നി​വാ​സി​ക​ളു​ടെ കു​ടി​വെ​ള്ള​ത്തി​നാ​യു​ള്ള ഏ​ക ആ​ശ്ര​യം ജ​ല​ അ​ഥോ​റി​റ്റി​യു​ടെ പൈ​പ്പ് വെ​ള്ള​മാ​ണ്.

സ​മീ​പ​ത്ത് പു​ഴ​യാ​യ​തി​നാ​ൽ വീ​ട്ടു​കി​ണ​റു​ക​ളി​ൽ ഉ​പ്പു​വെ​ള്ള​മാ​ണ്. ജ​ല അ​ഥോ​റി​റ്റി​യു​ടെ കു​ടി​വെ​ള്ളം ത​ട​സ​പ്പെ​ടു​ന്ന​ത് ചൂ​ണ്ടി​ക്കാ​ണി​ച്ച് പൊ​തു​പ്ര​വ​ർ​ത്ത​ക​ൻ ല​ത്തീ​ഫ് കെ​ട്ടു​മ്മ​ൽ ജി​ല്ലാ ക​ള​ക്ട​ർ​ക്കും ദേ​ശീ​യ​പാ​ത അ​ഥോ​റി​റ്റി​ക്കും പ​രാ​തി ന​ൽ​കി. പ​രാ​തി സ്വീ​ക​രി​ച്ച ജി​ല്ലാ ക​ള​ക്ട​ർ തു​ട​ർ ന​ട​പ​ടി​ക്കാ​യി ജ​ല അ​ഥോ​റി​റ്റി​ക്കും ദേ​ശീ​യ​പാ​ത അ​ഥോ​റി​റ്റി​ക്കും നോ​ട്ടീ​സ് അ​യ​ച്ചു. ജി​ല്ലാ ക​ല​ക്ട​റു​ടെ ഇ​ട​പെ​ട​ൽ മൂ​ലം കു​ടി​വെ​ള്ള ക്ഷാ​മ​ത്തി​ന് ഉ​ട​ൻ പ​രി​ഹാ​രം കാ​ണാ​ൻ ക​ഴി​യു​മെ​ന്ന പ്ര​തീ​ക്ഷ​യി​ലാ​ണ് പ്ര​ദേ​ശ​വാ​സി​ക​ൾ. പ്ര​ദേ​ശ​ത്തെ കു​ടി​വെ​ള്ള പൈ​പ്പു​ക​ൾ പു​നഃ​സ്ഥാ​പി​ച്ച് തീ​ര​ദേ​ശ​വാ​സി​ക​ളു​ട കു​ടി​വെ​ള്ള ക്ഷാ​മ​ത്തി​ന് അ​ടി​യ​ന്ത​ര​മാ​യി പ​രി​ഹാ​രം കാ​ണ​ണ​മെ​ന്ന് പൊ​തു​പ്ര​വ​ർ​ത്ത​ക​ൻ ല​ത്തീ​ഫ് കെ​ട്ടു​മ്മ​ൽ ആ​വ​ശ്യ​പ്പെ​ട്ടു.