മൂ​വാ​റ്റു​പു​ഴ: ജ​ന​വാ​സ കേ​ന്ദ്ര​ത്തി​ൽ പ്ലൈ​വു​ഡ് ക​ന്പ​നി​ക്കു​വേ​ണ്ടി ജ​ലാ​ശ​യം നി​ക​ത്തി റോ​ഡ് നി​ർ​മി​ക്കാ​നു​ള്ള ശ്ര​മം നാ​ട്ടു​കാ​ർ ത​ട​ഞ്ഞു. പാ​യി​പ്ര മാ​നാ​റി​യി​ലാ​ണ് പൊ​തു​തോ​ടും കു​ള​വും നി​ക​ത്തി റോ​ഡ് നി​ർ​മി​ക്കു​വാ​ൻ പ്ലൈ​വു​ഡ് മാ​ഫി​യ ശ്ര​മി​ച്ച​ത്.

നാ​ട്ടു​കാ​രു​ടെ പ്ര​തി​ഷേ​ധം ശ​ക്ത​മാ​യ​തോ​ടെ സം​ഭ​വം അ​റി​ഞ്ഞ് സി​പി​എം ഏ​രി​യ സെ​ക്ര​ട്ട​റി അ​നീ​ഷ് എം. ​മാ​ത്യു​വി​ന്‍റെ നേ​തൃ​ത്വ​ത്തി​ൽ ജ​ന​പ്ര​തി​നി​ധി​ക​ളും സ്ഥ​ല​ത്തെ​ത്തി. ഇ​വ​ർ പ​ഞ്ചാ​യ​ത്ത് സെ​ക്ര​ട്ട​റി, വി​ല്ലേ​ജ് ഓ​ഫീ​സ​ർ തു​ട​ങ്ങി​യ​വ​രെ സ്ഥ​ല​ത്ത് വി​ളി​ച്ചു​വ​രു​ത്തി രേ​ഖ​ക​ൾ പ​രി​ശോ​ധി​ക്കു​വാ​ൻ ആ​വ​ശ്യ​പ്പെ​ട്ടു.

തു​ട​ർ​ന്ന് പ്ര​ദേ​ശ​ത്തെ സ്കെ​ച്ചും പ്ലാ​നും മ​റ്റും പ​രി​ശോ​ധി​ച്ച​തി​ൽ അ​ന​ധി​കൃ​മാ​യാ​ണ് ജ​ലാ​ശ​യ​ങ്ങ​ൾ അ​ട​ക്കം നി​ക​ത്തി റോ​ഡ് നി​ർ​മി​ച്ച​തെ​ന്ന് ക​ണ്ടെ​ത്തി. ഇ​തോ​ടെ നാ​ട്ടു​കാ​രു​ടെ വാ​ദം മു​ഖ​വി​ല​ക്കെ​ടു​ത്ത് റോ​ഡ് നി​ർ​മാ​ണം നി​ർ​ത്തി​വ​യ്‌​ക്കു​വാ​ൻ ഉ​ദ്യോ​ഗ​സ്ഥ​ർ നി​ർ​ദേ​ശം ന​ൽ​കി. മൂ​ടി​യ കു​ള​വും കി​ണ​റും തോ​ടും മ​ണ്ണ് നീ​ക്കി പൂ​ർ​വ സ്ഥി​തി​യി​ലാ​ക്കു​വാ​നും നി​ർ​ദേ​ശി​ച്ചു.

പ​ഞ്ചാ​യ​ത്ത് പ്ര​സി​ഡ​ന്‍റ് പി.​എം. അ​സീ​സ്, ബ്ലോ​ക്ക് പ​ഞ്ചാ​ഗം​ത്തം​ഗം എം.​എ. റി​യാ​സ്ഖാ​ൻ, പ​ഞ്ചാ​യ​ത്തം​ഗം ജ​യ​ശ്രീ ശ്രീ​ധ​ര​ൻ എ​ന്നി​വ​രും സ്ഥ​ല​ത്തെ​ത്തി​യി​രു​ന്നു. സം​ഘ​ർ​ഷാ​വ​സ്ഥ ക​ണ​ക്കി​ലെ​ടു​ത്ത് പോ​ലീ​സ് സം​ഘ​വും സ്ഥ​ല​ത്ത് നി​ല​യു​റ​പ്പി​ച്ചി​രു​ന്നു. സ്വ​കാ​ര്യ വ്യ​ക്തി​യു​ടെ ഏ​ക്ക​ർ ക​ണ​ക്കി​ന് ഭൂ​മി​യി​ൽ നാ​ല് പ്ലൈ​വു​ഡ് ക​ന്പ​നി​ക​ൾ സ്ഥാ​പി​ക്കാ​നാ​ണ് നീ​ക്കം ന​ട​ത്തു​ന്ന​ത്. ഇ​തി​ന് മു​ന്നോ​ടി​യാ​യി ഇ​തു​വ​ഴി റോ​ഡ് നി​ർ​മി​ക്കു​വാ​ൻ ദി​വ​സ​ങ്ങ​ളാ​യി ശ്ര​മം ന​ട​ത്തി​വ​രു​ക​യാ​യി​രു​ന്നു.

നൂ​റോ​ളം കു​ടും​ബ​ങ്ങ​ൾ അ​ധി​വ​സി​ക്കു​ന്ന സ്ഥ​ല​ത്താ​ണ് ക​ന്പ​നി​ക​ൾ ആ​രം​ഭി​ക്കാ​ൻ ഉ​ദ്ദേ​ശി​ക്കു​ന്ന​ത്. പ്ലൈ​വു​ഡ് മാ​ഫി​യ​ക്ക് സ​ഹാ​യ​ക​ര​മാ​യ നി​ല​പാ​ടാ​ണ് ഉ​ദ്യോ​ഗ​സ്ഥ​ർ കൈ​കൊ​ള്ളു​ന്ന​തെ​ന്നാ​ണ് സ​മീ​പ​വാ​സി​ക​ൾ പ​റ​യു​ന്ന​ത്. ഇ​തേ​തു​ട​ർ​ന്നാ​ണ് നാ​ട്ടു​കാ​ർ സം​ഘ​ടി​ത​മാ​യി നി​ർ​മാ​ണം ത​ട​ഞ്ഞ​ത്.