മൂ​വാ​റ്റു​പു​ഴ: പാ​യി​പ്ര പ​ഞ്ചാ​യ​ത്ത് അ​ഞ്ചാം വാ​ർ​ഡ് മു​ള​വൂ​രി​ൽ പെ​രി​യാ​ർ​വാ​ലി ഇ​റി​ഗേ​ഷ​ന് കീ​ഴി​ലു​ള്ള ആ​യ​ക്കാ​ട്-​മു​ള​വൂ​ർ ബ്രാ​ഞ്ച് ക​നാ​ൽ ബ​ണ്ട് റോ​ഡി​ലെ ര​ണ്ട് സ്ഥ​ല​ങ്ങ​ൾ തകർന്നു.

വ​ർ​ഷ​ങ്ങ​ൾ​ക്ക് മു​മ്പാ​ണ് തൈ​ക്കാ​വും​പ​ടി-​പ​ള്ളി​ത്താ​ഴം ക​നാ​ൽ ബ​ണ്ട് റോ​ഡി​ലെ മ​ര​ങ്ങാ​ട്ട് താ​ഴ​ത്ത് ക​നാ​ൽ ബ​ണ്ട് റോ​ഡി​ന്‍റെ സം​ര​ക്ഷ​ണ​ഭി​ത്തി ആ​ദ്യം ഇ​ടി​ഞ്ഞ​ത്. ഇ​വി​ടെ ന​ന്നാ​ക്കാ​നു​ള്ള യാ​തൊ​രു ന​ട​പ​ടി​യും സ്വീ​ക​രി​ച്ചി​ട്ടി​ല്ല.

ഇ​തി​നി​ടെ​യാ​ണ് ക​ഴി​ഞ്ഞ ദി​വ​സ​ങ്ങ​ളി​ൽ പെ​യ്ത ക​ന​ത്ത മ​ഴ​യി​ൽ പൊ​ന്നി​രി​ക്ക​പ്പ​റ​മ്പ്- പ​ള്ളി​ത്താ​ഴം ക​നാ​ൽ ബ​ണ്ട് റോ​ഡി​ലെ പൂ​മം​ഗ​ല​ത്താ​ഴ​ത്ത് റോ​ഡി​ൽ വി​ള്ള​ൽ രൂ​പ​പ്പെ​ടു​ക​യും ഭാ​ര​വാ​ഹ​ന​ങ്ങ​ൾ അ​ട​ക്കം സ​ഞ്ച​രി​ച്ച​തോ​ടെ റോ​ഡി​ന്‍റെ സം​ര​ക്ഷ​ണ​ഭി​ത്തി ഏ​ത് നി​മി​ഷ​വും ത​ക​രാ​വു​ന്ന അ​വ​സ്ഥ​യി​ലു​മാ​യ​ത്. സ്കൂ​ൾ ബ​സു​ക​ൾ ഉ​ൾ​പ്പ​ടെ ദി​വ​സേ​ന നൂ​റു​ക​ണ​ക്കി​ന് വാ​ഹ​ന​ങ്ങ​ൾ സ​ഞ്ച​രി​ക്കു​ന്ന റോ​ഡി​ൽ ഏ​ത് സ​മ​യ​ത്തും വാ​ഹ​ന​ങ്ങ​ൾ അ​പ​ക​ട​ത്തി​ൽ​പ്പെ​ടാ​ൻ സാ​ധ്യ​ത​യു​ണ്ടെ​ന്ന് നാ​ട്ടു​കാ​ർ പ​റ​ഞ്ഞു.

എ​ന്നാ​ൽ റോ​ഡി​ന്‍റെ അ​വ​കാ​ശി​ക​ളാ​യ പെ​രി​യാ​ർ​വാ​ലി​യി​ൽ വി​വ​രം അ​റി​യി​ച്ചാ​ൽ ഫ​ണ്ടി​ല്ല​ന്ന കാ​ര​ണം പ​റ​ഞ്ഞ് കൈ​യൊ​ഴി​യു​ക​യാ​ണ് പ​തി​വ്. പെ​രി​യാ​ർ​വാ​ലി, ഗ്രാ​മ-​ബ്ലോ​ക്ക്-​ജി​ല്ല പ​ഞ്ചാ​യ​ത്തു​ക​ളോ എം​എ​ൽ​എ, എം​പി ഫ​ണ്ടോ ഉ​പ​യോ​ഗി​ച്ച് റോ​ഡ് ന​ന്നാ​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം .