കോ​ല​ഞ്ചേ​രി​യി​ൽ​നി​ന്നു കാ​ണാ​താ​യ പ​തി​ന​ഞ്ചു​കാ​രി​ വി​ജ​യ​വാ​ഡ​യി​ൽ
Monday, October 14, 2024 3:51 AM IST
കോ​ല​ഞ്ചേ​രി: കോ​ല​ഞ്ചേ​രി​യി​ൽ​നി​ന്നു കാ​ണാ​താ​യ പ​തി​ന​ഞ്ചു​കാ​രി​യെ വി​ജ​യ​വാ​ഡ​യി​ൽ ക​ണ്ടെ​ത്തി. സം​ഭ​വ​വു​മാ​യി ബ​ന്ധ​പ്പെ​ട്ട് ബീ​ഹാ​ർ വെ​സ്റ്റ് ച​മ്പാ​ര​ൻ സ്വ​ദേ​ശി ച​ന്ദ​ൻ കു​മാ​റി(21)​നെ പു​ത്ത​ൻ​കു​രി​ശ് പോ​ലീ​സ് അ​റ​സ്റ്റ് ചെ​യ്തു. ക​ഴി​ഞ്ഞ നാ​ലി​നാ​ണ് ആ​സാം സ്വ​ദേ​ശി​നി​യാ​യ പ​ത്താം ക്ലാ​സു​കാ​രി​യെ കാ​ണാ​താ​യ​ത്.

തു​ട​ർ​ന്ന് മാ​താ​പി​താ​ക്ക​ൾ പോ​ലീ​സി​ൽ പ​രാ​തി ന​ൽ​കി. ജി​ല്ലാ പോ​ലീ​സ് മേ​ധാ​വി വൈ​ഭ​വ് സ​ക്സേ​ന​യു​ടെ മേ​ൽ​നോ​ട്ട​ത്തി​ൽ പ്ര​ത്യേ​ക ടീം ​രൂ​പീ​ക​രി​ച്ച് ന​ട​ത്തി​യ അ​ന്വേ​ഷ​ണ​ത്തി​ൽ വി​ജ​യ​വാ​ഡ​യി​ൽ നി​ന്നാ​ണ് യു​വാ​വി​നൊ​പ്പം പെൺകു ട്ടിയെ ക​ണ്ടെ​ത്തി​യ​ത്. ഇ​ൻ​സ്റ്റ​ഗ്രാം വ​ഴി പ​രി​ച​യ​പ്പെ​ട്ട പെ​ൺ​കു​ട്ടി​യെ പ്ര​ലോ​ഭി​പ്പി​ച്ച് വി​ജ​യ​വാ​ഡ​യി​ൽ എ​ത്തി​ക്കു​ക​യാ​യി​രു​ന്നു.

പു​ല​ർ​ച്ചെ എ​റ​ണാ​കു​ളം വ​രെ ബ​സി​ൽ എ​ത്തു​ക​യും അ​വി​ടെ നി​ന്ന് ട്രെ​യി​ൻ​മാ​ർ​ഗം പെൺ കുട്ടി വി​ജ​യ​വാ​ഡ​യി​ൽ എ​ത്തു​ക​യു​മാ​യി​രു​ന്നു. യാ​ത്ര​യ്ക്കി​ടെ സ​ഹ​യാ​ത്ര​ക്കാ​രു​ടെ മൊ​ബൈ​ൽ ഉ​പ​യോ​ഗി​ച്ചാ​ണ് പെ​ൺ​കു​ട്ടി യു​വാ​വു​മാ​യി ബ​ന്ധ​പ്പെ​ട്ടി​രു​ന്ന​ത്. പോ​ലീ​സ് ക​ണ്ടെ​ത്താ​തി​രി​ക്കാ​ൻ യു​വാ​വി​ന്‍റെ നി​ർ​ദേ​ശ​പ്ര​കാ​രം ഫോ​ൺ വീ​ട്ടി​ൽ​വ​ച്ചാ​ണ് പെ​ൺ​കു​ട്ടി പോ​യ​ത്.


അ​വി​ടെ​യെ​ത്തി​യ​പ്പോ​ൾ യു​വാ​വി​ന്‍റെ മൊ​ബൈ​ൽ ഫോ​ണു​ക​ൾ സ്വി​ച്ച് ഓ​ഫ് ചെ​യ്തു. പോ​ലീ​സ് ന​ട​ത്തി​യ ശാ​സ്ത്രീ​യാ​ന്വേ​ഷ​ണ​ത്തി​ലാ​ണ് പെ​ൺ​കു​ട്ടി​യെ ഒ​ളി​വി​ൽ പാ​ർ​പ്പി​ച്ച സ്ഥ​ലം ക​ണ്ടെ​ത്തി​യ​ത്.

അ​പ​ക​ടം നി​റ​ഞ്ഞ പ്ര​ദേ​ശ​ത്ത് എ​സ്ഐ ജി. ​ശ​ശി​ധ​ര​ന്‍റെ നേ​തൃ​ത്വ​ത്തി​ലു​ള്ള പോ​ലീ​സ് ടീം ​സാ​ഹ​സി​ക​മാ​യി ന​ട​ത്തി​യ ഓ​പ്പ​റേ​ഷ​നി​ലാ​ണ് പെ​ൺ​കു​ട്ടി​യെ മോ​ചി​പ്പി​ച്ച്, പ്ര​തി​യെ അ​റ​സ്റ്റ് ചെ​യ്ത് നാ​ട്ടി​ലെ​ത്തി​ക്കാ​നാ​യ​ത്. റോ​ഡ് മാ​ർ​ഗ​മാ​ണ് പോ​ലീ​സ് വി​ജ​യ​വാ​ഡ​യി​ലെ​ത്തി​യ​ത്.

വാ​ട​ക വീ​ട്ടി​ൽ വ​ച്ച് യു​വാ​വ് പെ​ൺ​കു​ട്ടി​യെ നി​ര​വ​ധി ത​വ​ണ ലൈം​ഗീ​ക​മാ​യി ഉ​പ​ദ്ര​വി​ച്ച​താ​യി പെ​ൺ​കു​ട്ടി പോലീസിനോട് പ​റ​ഞ്ഞു. കോ​ട​തി​യി​ൽ ഹാ​ജ​രാ​ക്കി​യ പ്ര​തി​യെ റി​മാ​ൻ​ഡ്‌ ചെ​യ്തു.