ആ​ലു​വ: ആലുവ-പെ​രു​മ്പാ​വൂ​ർ സ്വ​കാ​ര്യ ബ​സ് റൂ​ട്ടി​ൽ ചൂ​ണ്ടി മേ​ഖ​ല​യി​ൽ ഗ​താ​ഗ​ത​ക്കു​രു​ക്ക് രൂ​ക്ഷം. ചിലപ്പോൾ ചൂ​ണ്ടി ജം​ഗ്ഷ​ൻ മ​റി​ക​ട​ക്കാ​ൻ അ​ര മ​ണി​ക്കൂ​റി​ല​ധി​കം സ​മ​യം വാ​ഹ​ന​ങ്ങ​ൾ​ക്ക് എ​ടു​ക്കേ​ണ്ടി വ​രു​ന്ന​താ​യാ​ണ് പ​രാ​തി.

പു​ക്കാ​ട്ടു​പ​ടി​യി​ൽ​നി​ന്നും പെ​രു​മ്പാ​വൂ​രി​ൽ​നി​ന്നും വ​രു​ന്ന വാ​ഹ​ന​ങ്ങ​ളാ​ണ് ചൂ​ണ്ടി ജം​ഗ്ഷ​നി​ൽ ഗ​താ​ഗ​ത​ക്കു​രു​ക്കി​ൽ പെ​ടു​ന്ന​ത്. ഇ​തി​ൽ പു​ക്കാ​ട്ടു​പ​ടി റോ​ഡി​ലേക്കു പോകുന്ന വാഹന ങ്ങൾ അവിടെ തി​ര​ക്ക് കു​റ​വാ​യ​തി​നാ​ൽ ചൂ​ണ്ടി ജം​ഗ്ഷ​ൻ അ​ധി​കം സ​മ​യ​മെ​ടു​ക്കാ​തെ ക​ട​ക്കു​ന്നു​ണ്ട്.

ഇ​തേത്തു​ട​ർ​ന്ന് പെ​രു​മ്പാ​വൂ​ർ ഭാ​ഗ​ത്ത് നി​ന്ന് ആ​ലു​വ​യി​ലേ​ക്ക് വ​രു​ന്ന ബ​സു​ക​ൾ ചു​ണ​ങ്ങം​വേ​ലി​യി​ൽ പെ​രി​യാ​ർ​വാ​ലി വ​ഴി നി​ന്ന് തി​രി​ഞ്ഞ് മ​ഠം സ്റ്റോ​പ്പ് ഒ​ഴി​വാ​ക്കി പു​ക്കാ​ട്ടു​പ​ടി റോ​ഡി​ലൂ​ടെ​യാ​ണ് ചൂ​ണ്ടി എ​ത്തു​ന്ന​ത്.

രാ​ജ​ഗി​രി, കാ​ർ​മ്മ​ൽ ആ​ശു​പ​ത്രി​ക​ൾ പ്ര​വ​ർ​ത്തി​ക്കു​ന്ന ഈ ​റൂ​ട്ടി​ൽ നി​ര​ന്ത​രം ആം​ബു​ല​ൻ​സു​ക​ൾ ക​ട​ന്നു പോ​കു​ന്ന​താ​ണ്. പ​ല​പ്പോ​ഴും ഗ​താ​ഗ​ത​ക്കു​രു​ക്ക് രോ​ഗി​ക​ളു​ടെ സു​ഗ​മ​മാ​യ യാ​ത്ര​യെ ബാ​ധി​ക്കു​ന്നു​ണ്ട്. കു​ണ്ടും കു​ഴി​യും നി​റ​ഞ്ഞ റോ​ഡി​ൻെ​റ അ​വ​സ്ഥ​യും യാ​ത്ര​യ്ക്ക് ബു​ദ്ധി​മു​ട്ട് ഉ​ണ്ടാ​ക്കു​ന്നു​ണ്ട്.

നാ​ലു​വ​രി റോ​ഡ് വി​ക​സ​നം കി​ഫ്ബി പ്ര​ഖ്യാ​പി​ച്ചി​ട്ടു​ണ്ടെ​ങ്കി​ലും സ്ഥ​ലം ഏ​റ്റെ​ടു​ക്ക​ൽ അ​ട​ക്കം നി​ര​വ​ധി ന​ട​പ​ടി​ക​ൾ ഇ​ഴ​യു​ക​യാ​ണ്. ആ​ലു​വ പു​ളി​ഞ്ചോ​ട് ജം​ഗ്ഷ​നി​ൽ നി​ന്നാ​രം​ഭി​ച്ച് കാ​രോ​ത്തു​കു​ഴി ഹോ​സ്പി​റ്റ​ൽ ജം​ഗ്ഷ​ൻ, ച​ർ​ച്ച് റോ​ഡ് വ​ഴി (പ​വ​ർ ഹൗ​സ് ലൂ​പ് റോ​ഡ്) ആ​ലു​വ എ​സ്പി ഓ​ഫീ​സ്, ചു​ണ​ങ്ങം​വേ​ലി-ചൂ​ണ്ടി-​വാ​ഴ​ക്കു​ളം-പോ​ഞ്ഞാ​ശേ​രി -ചെ​മ്പ​റ​ക്കി വ​ഴി പെ​രു​മ്പാ​വൂ​ർ ത​ങ്ക​ളം വ​രെ​യാ​ണ് വി​ക​സ​ന പ​ദ്ധ​തി പ്ര​ഖ്യാ​പി​ച്ചി​ട്ടു​ള്ള​ത്.

കോ​ള​ജു​ക​ളും ആ​ശു​പ​ത്രി​ക​ളും പ്ര​വ​ർ​ത്തി​ക്കു​ന്ന ഈ ​മേ​ഖ​ല​യി​ൽ ജി​ല്ലാ പ​ഞ്ചാ​യ​ത്ത് വ​ർ​ഷ​ങ്ങ​ൾ​ക്ക് മു​മ്പ് ചൂ​ണ്ടി ബൈ​പ്പാ​സ് പ​ദ്ധ​തി പ്ര​ഖ്യാ​പി​ച്ച​തും ക​ട​ലാ​സി​ൽ ഒ​തു​ങ്ങി. രാ​വി​ലെ​യും വൈ​കി​ട്ടും ചൂ​ണ്ടി മേ​ഖ​ല ക​ട​ക്കാ​ൻ വാ​ഹ​ന​ങ്ങ​ൾ പെ​ടാ​പ്പാ​ട് പെ​ടു​ക​യാ​ണ്. ചൂ​ണ്ടി ജം​ഗ്ഷ​നി​ലെ​ങ്കി​ലും ട്രാ​ഫി​ക് പോ​ലീ​സി​ന്‍റെ സേ​വ​നം ല​ഭി​ക്ക​ണ​മെ​ന്നാ​ണ് ജ​ന​ങ്ങ​ൾ ആ​വ​ശ്യ​പ്പെ​ടു​ന്ന​ത്.