ഒ​ഴു​കിയെത്തിയ കു​ട്ടി​യാ​ന നാ​ട്ടി​ൽ കൗതുകമായി
Friday, August 9, 2024 3:26 AM IST
കോ​ത​മം​ഗ​ലം: പു​ഴ കു​റു​കെ ക​ട​ക്കു​ന്ന​തി​നി​ടെ ഒ​ഴു​ക്കി​ല്‍​പ്പെ​ട്ട കു​ട്ടി​യാ​ന നാ​ട്ടി​ൽ ക​ര​ക​യ​റി​യ​ത് കൗ​തു​ക​ക്കാ​ഴ്ച​യാ​യി. കു​ട്ട​മ്പു​ഴ പൂ​യം​കു​ട്ടി​യി​ല്‍ ഇ​ന്ന​ലെ രാ​വി​ലെ 9.30 ഓ​ടെ​യാ​യി​രു​ന്നു സം​ഭ​വം. ആ​റ് മാ​സം പ്രാ​യ​മു​ള്ള ആ​ന​കു​ട്ടി​യാ​ണ് പൂ​യം​കു​ട്ടി സി​റ്റി​യി​ലെ​ത്തി​യ​ത്.

അ​മ്മ​യെ തേ​ടി റോ​ഡി​ലൂ​ടെ ത​ല​ങ്ങും​വി​ല​ങ്ങും ഓ​ടി ന​ട​ന്ന ആ​ന​കു​ട്ടി​യെ ക​ണ്ട് നാ​ട്ടു​കാ​രും ആ​ദ്യ​മൊ​ന്ന് അ​മ്പ​ര​ന്നു. പി​ന്നാ​ലെ ആ​ന​കൂ​ട്ടം ഉ​ണ്ടാ​കു​മോ​യെ​ന്ന ആ​ശ​ങ്ക​യി​ല്‍. അ​ല​റി​ക്ക​ര​ഞ്ഞ് 15 മി​നി​ട്ടോ​ളം പൂ​യം​കു​ട്ടി സി​റ്റി​യി​ലൂ​ടെ ത​ല​ങ്ങും വി​ല​ങ്ങും ന​ട​ന്നു.

കാ​ട്ടാ​ന​ക്കു​ട്ടി സി​റ്റി​യി​ലി​റ​ക്കി​യ വി​വ​രം അ​റി​ഞ്ഞ് കു​ട്ട​മ്പു​ഴ റേ​ഞ്ച് ഓ​ഫീ​സ​ര്‍ കെ. ​സ​ഞ്ജീ​വ്കു​മാ​റി​ന്‍റെ നേ​തൃ​ത്വ​ത്തി​ലു​ള്ള വ​ന​പാ​ല​ക​ര്‍ എ​ത്തി​യ​തോ​ടെ കു​ഞ്ഞ​ന്‍ അ​വ​ര്‍​ക്കൊ​പ്പം കൂ​ടി. ചി​ല ശ​ബ്ദ​ങ്ങ​ളു​ണ്ടാ​ക്കി അ​നു​ന​യി​പ്പി​ച്ച് വ​ന​പാ​ല​ക​ര്‍ ആ​ന​കു​ട്ടി​യെ കാ​ട്ടി​ലേ​ക്ക് കൂ​ട്ടി​കൊ​ണ്ട് പോ​യി.


പീ​ണ്ടി​മേ​ട് റോ​ഡി​ലൂ​ടെ ഉ​ള്‍​വ​ന​ത്തി​ലെ​ത്തി​യ​പ്പോ​ള്‍ കു​ഞ്ഞ​ന്‍ അ​ല​റി. ഏ​താ​നും മീ​റ്റ​ര്‍ അ​പ്പു​റ​ത്ത് നി​ന്ന് തി​രി​ച്ച് മ​റു​പ​ടി പോ​ലെ കാ​ട്ടാ​ന​ക്കൂ​ട്ട​ത്തി​ന്‍റെ ചി​ന്നം വി​ളി​യെ​ത്തി. അ​മ്മ ഇ​വി​ടെ ഉ​ണ്ടെ​ന്ന് തി​രി​ച്ച​റി​ഞ്ഞ കു​ഞ്ഞ​ന്‍ തൊ​ട്ട​ടു​ത്ത് ക​ണ്ട ഈ​റ്റ​ക്കാ​ടി​ലേ​ക്ക് ഓ​ടി​ക്ക​യ​റു​ക​യാ​യി​രു​ന്നു.