ഭാരതമാത ലോ കോളജില് രക്തദാന ദിനാചരണം
1429419
Saturday, June 15, 2024 4:42 AM IST
കൊച്ചി: ആലുവ ചൂണ്ടി ഭാരതമാത ലോ കോളജില് ലോക രക്തദാന ദിനം ആചരിച്ചു. "രക്തദാനത്തിന്റെ ഇരുപതു വര്ഷങ്ങള്' എന്ന യുഎന് സന്ദേശത്തെ അടിസ്ഥാനപ്പെടുത്തി സംഘടിപ്പിച്ച ചടങ്ങിനോടനുബന്ധിച്ച് കൂടുതല് തവണ രക്തദാനം നല്കിയ ദാതാക്കളെ ആദരിച്ചു.
കോളജ് ബ്ലഡ് ഡോണേഴ്സ് ക്ലബ്, എന്സിസി, എന്എസ്എസ് എന്നിവ സംയുക്തമായി സംഘടിപ്പിച്ച ചടങ്ങ് ജില്ലാ പഞ്ചായത്ത് വൈസ് പ്രസിഡന്റ് എല്സി ജോര്ജ് ഉദ്ഘാടനം ചെയ്തു.
കോളജ് ഡയറക്ടര് ഫാ. സെബാസ്റ്റ്യന് വടക്കുംപാടന് അധ്യക്ഷത വഹിച്ചു.
കോളജ് പ്രിന്സിപ്പൽ പ്രഫ. ഡോ. സെലിന് ഏബ്രഹാം സന്നിഹിതയായിരുന്നു. ബ്ലഡ് സേഫ്റ്റി ജില്ലാ നോഡല് ഓഫീസര് ഡോ. മീനാബീവി, ജില്ലാ പഞ്ചായത്ത് മെമ്പര് അഡ്വ. റൈസ അമീര്, കോളജ് എന്സിസി ഓഫീസര് ഇ.വി. വിനീത് എന്നിവര് പ്രസംഗിച്ചു. ഇതോടനുബന്ധിച്ച് സംഘടിപ്പിച്ച രക്തദാന ക്യാമ്പില് 50 ഓളം വിദ്യാര്ഥികളും അധ്യാപകരും രക്തം നല്കി.