വ്യാ​ജ പ​ണ​മി​ട​പാ​ട്: സി​എം​ആ​ര്‍​എ​ല്ലി​നെ​തി​രെ എ​ഫ്‌​ഐ​ആ​ര്‍ ര​ജി​സ്റ്റ​ര്‍ ചെ​യ്യാ​ൻ പോ​ലീ​സ് മേ​ധാ​വി​ക്ക് ക​ത്ത് ന​ല്‍​കി​യെ​ന്ന് ഇ​ഡി
Tuesday, May 28, 2024 7:42 AM IST
കൊ​ച്ചി:​ വ്യാ​ജ പ​ണ​മി​ട​പാ​ട് ന​ട​ത്തി​യെ​ന്ന് ക​ണ്ടെ​ത്തി​യ​തി​ന്‍റെ അ​ടി​സ്ഥാ​ന​ത്തി​ല്‍ സി​എം​ആ​ര്‍​എ​ല്ലി​നെ​തി​രെ എ​ഫ്‌​ഐ​ആ​ര്‍ ര​ജി​സ്റ്റ​ര്‍ ചെ​യ്യാ​ന്‍ സം​സ്ഥാ​ന പോ​ലീ​സ് മേ​ധാ​വി​ക്ക് ക​ത്തു ന​ല്‍​കി​യി​ട്ടു​ണ്ടെ​ന്ന് എ​ന്‍​ഫോ​ഴ്‌​സ്‌​മെ​ന്‍റ് ഡ​യ​റ​ക്ട​റേ​റ്റ് ഹൈ​ക്കോ​ട​തി​യെ അ​റി​യി​ച്ചു.

ക​ഴി​ഞ്ഞ മാ​ര്‍​ച്ച് 27നാ​ണ് സം​സ്ഥാ​ന പോ​ലീ​സ് മേ​ധാ​വി​ക്ക് ആ​ദ്യം ക​ത്തു ന​ല്‍​കി​യ​ത്. വ​ഞ്ച​ന, ഗൂ​ഢാ​ലോ​ച​ന തു​ട​ങ്ങി​യ​വ ഉ​ള്‍​പ്പെ​ടെ​യു​ള്ള കു​റ്റ​ങ്ങ​ളാ​ണ് ക​ണ്ടെ​ത്തി​യ​ത്. ഏ​പ്രി​ല്‍ 10ന് ​വീ​ണ്ടും ക​ത്ത് ന​ല്‍​കി​യെ​ങ്കി​ലും ന​ട​പ​ടി​യാ​യി​ല്ല.

എ​ക്‌​സാ​ലോ​ജി​ക്ക്-​സി​എം​ആ​ര്‍​എ​ല്‍ അ​ന​ധി​കൃ​ത പ​ണ​മി​ട​പാ​ട് സം​ബ​ന്ധി​ച്ച കേ​സി​ല്‍ ഇ​ഡി​യു​ടെ അ​ന്വേ​ഷ​ണ​വും ന​ട​പ​ടി​ക​ളും സ​മ​ന്‍​സും സ്‌​റ്റേ ചെ​യ്യ​ണ​മെ​ന്ന് ആ​വ​ശ്യ​പ്പെ​ട്ട് സി​എം​ആ​ര്‍​എ​ലും ഉ​ദ്യോ​ഗ​സ്ഥ​രും ന​ല്‍​കി​യ ഹ​ര്‍​ജി​യി​ല്‍ ഇ​ഡി കൊ​ച്ചി സോ​ണ​ല്‍ അ​സി. ഡ​യ​റ​ക്ട​ര്‍ ന​ല്‍​കി​യ മ​റു​പ​ടി സ​ത്യ​വാ​ങ്മൂ​ല​ത്തി​ലാ​ണ് ഇ​ക്കാ​ര്യം വ്യ​ക്ത​മാ​ക്കി​യ​ത്. ഹ​ര്‍​ജി വീ​ണ്ടും ജൂ​ണ്‍ ഏ​ഴി​ന് പ​രി​ഗ​ണി​ക്കാ​ന്‍ മാ​റ്റി.

ഇ​ന്ത്യ​ന്‍ ശി​ക്ഷ നി​യ​മ​ത്തി​ലെ വ​കു​പ്പ് 420, 411, 421, 424 എ​ന്നി​വ പ്ര​കാ​ര​മു​ള്ള കു​റ്റ​കൃ​ത്യ​ങ്ങ​ള്‍ ന​ട​ന്നി​ട്ടു​ണ്ട് എ​ന്ന് പ്ര​ഥ​മ​ദൃ​ഷ്ട്യ ബോ​ധ്യ​പ്പെ​ട്ട​തി​ന്റെ അ​ടി​സ്ഥാ​ന​ത്തി​ലാ​ണ് എ​ഫ്‌​ഐ​ആ​ര്‍ ര​ജി​സ്റ്റ​ര്‍ ചെ​യ്യ​ണ​മെ​ന്ന് ആ​വ​ശ്യ​പ്പെ​ട്ടി​രി​ക്കു​ന്ന​തെ​ന്നും സ​ത്യ​വാ​ങ്മൂ​ല​ത്തി​ല്‍ വി​ശ​ദീ​ക​രി​ക്കു​ന്നു. 2019 ജ​നു​വ​രി​യി​ല്‍ ആ​ദാ​യ​നി​കു​തി വ​കു​പ്പ് സി​എം​ആ​ര്‍​എ​ല്ലി​ല്‍ റെ​യ്ഡ് ന​ട​ത്തി ചെ​ല​വു​ക​ള്‍ പെ​രു​പ്പി​ച്ചു​കാ​ട്ടി 132.82 കോ​ടി രൂ​പ​യു​ടെ ക്ര​മ​ക്കേ​ട് ന​ട​ത്തി​യെ​ന്ന് ക​ണ്ടെ​ത്തി.


വീ​ണാ വി​ജ​യ​ന്‍റെ എ​ക്‌​സാ​ലോ​ജി​ക് ക​മ്പ​നി​ക്ക് 1.72 കോ​ടി ന​ല്‍​കി​യ​തും വി​വി​ധ അ​ന്വേ​ഷ​ണ​ങ്ങ​ളി​ല്‍ വെ​ളി​പ്പെ​ട്ടി​രു​ന്നു. ഇ​തി​ന്‍റെ അ​ടി​സ്ഥാ​ന​ത്തി​ലാ​ണ് എ​ഫ്‌​ഐ​ആ​ര്‍ ര​ജി​സ്റ്റ​ര്‍ ചെ​യ്യ​ണ​മെ​ന്ന് ആ​വ​ശ്യ​പ്പെ​ട്ട​ത്. നി​യ​മ പ്ര​കാ​ര​മു​ള്ള കു​റ്റ​കൃ​ത്യം ക​ണ്ടെ​ത്തി​യാ​ല്‍ ആ​ര്‍​ക്കും സ​മ​ന്‍​സ് അ​യ​ക്കാ​നു​ള്ള അ​ധി​കാ​രം ത​ങ്ങ​ള്‍​ക്കു​ണ്ടെ​ന്ന് ഇ​ഡി സ​ത്യ​വാ​ങ്മൂ​ല​ത്തി​ല്‍ പ​റ​യു​ന്നു. ഷെ​ഡ്യൂ​ള്‍​ഡ് കു​റ്റ​കൃ​ത്യം ഇ​ല്ലാ​ത്ത​തി​നാ​ല്‍ ഇ​ഡി​ക്ക് അ​ന്വേ​ഷ​ണം ന​ട​ത്താ​നാ​കി​ല്ലെ​ന്നാ​യി​രു​ന്നു ഹ​ര്‍​ജി​ക്കാ​രു​ടെ വാ​ദം.

ചോ​ദ്യം ചെ​യ്യാ​ന്‍ ഹാ​ജ​രാ​ക​ണ​മെ​ന്നാ​വ​ശ്യ​പ്പെ​ട്ട് സ​മ​ന്‍​സ് അ​യ​ച്ച​തി​ന് പി​ന്നാ​ലെ ഇ​സി​ഐ​ആ​ര്‍ റ​ദ്ദാ​ക്ക​ണ​മെ​ന്നാ​വ​ശ്യ​പ്പെ​ടു​ന്ന​ത് അ​പ​ക്വ​മാ​ണ്. സ​മ​ന്‍​സ് അ​യ​ച്ച​തി​ലൂ​ടെ ഹ​ര്‍​ജി​ക്കാ​ര്‍ കു​റ്റ​ക്കാ​രാ​ണെ​ന്ന​ല്ല അ​ര്‍​ഥം.

സ​മ​ന്‍​സ് ഒ​ഴി​വാ​ക്കാ​ന്‍ ആ​ര്‍​ക്കും ക​ഴി​യി​ല്ല. ആ​ഭ്യ​ന്ത​ര രേ​ഖ ആ​യ​തി​നാ​ല്‍ ഇ​സി​ഐ​ആ​ര്‍ റ​ദ്ദാ​ക്ക​ണ​മെ​ന്ന് ആ​വ​ശ്യ​പ്പെ​ടാ​നാ​കി​ല്ല. സെ​റ്റി​ല്‍​മെ​ന്‍റ് ക​മീ​ഷ​ണ​റു​ടെ ഉ​ത്ത​ര​വ് ര​ഹ​സ്യ സ്വ​ഭാ​വ​മു​ള്ള​താ​ണെ​ന്ന വാ​ദം തെ​റ്റാ​ണ​ന്നും ഇ​ഡി കോ​ട​തി​യെ അ​റി​യി​ച്ചു.

Copyright @ 2022 , Rashtra Deepika Ltd.