മൂ​വാ​റ്റു​പു​ഴ: കീ​ച്ചേ​രി​പ​ടി​യി​ൽ പ്ര​വ​ർ​ത്തി​ച്ചു​വ​രു​ന്ന സ്വ​കാ​ര്യ​വ്യ​ക്തി​യു​ടെ വ്യാ​പാ​ര സ​മു​ച്ച​യ​ത്തി​ൽ​നി​ന്ന് മ​ലി​ന​ജ​ലം സ​മീ​പ​ത്തെ വ്യാ​പാ​ര സ്ഥാ​പ​ന​ങ്ങ​ളി​ല​ക്ക് ഒ​ഴു​കു​ന്ന​താ​യി പ​രാ​തി. ഇ​ത​ര സം​സ്ഥാ​ന തൊ​ഴി​ലാ​ളി​ക​ൾ താ​മ​സി​പ്പി​ച്ചി​രി​ക്കു​ന്ന ഇ​വി​ട​ത്തെ മ​ലി​ന​ജ​ല പൈ​പ്പ് പൊ​ട്ടി​യ​തു​മൂ​ല​മാ​ണ് ശു​ചി​മു​റി മാ​ലി​ന്യ​മ​ട​ക്കം സ​മീ​പ​ത്തെ വ്യാ​പ​ര സ്ഥാ​പ​ന​ങ്ങ​ളി​ലേ​ക്ക് എ​ത്താ​ൻ കാ​ര​ണം. പൈ​പ്പ് ത​ക​ർ​ന്ന് മ​ലി​ന​ജ​ലം വ​രാ​ന്ത​യി​ലേ​ക്കും, ക​ട​ക​ളു​ടെ ഷ​ട്ട​റു​ക​ൾ​ക്കു​ള്ളി​ലേ​ക്കും വ്യാ​പി​ച്ച​തോ​ടെ വ്യാ​പാ​രി​ക​ൾ ദു​രി​ത​ത്തി​ലാ​യി.

വാ​ണി​ജ്യ ആ​വ​ശ്യ​ത്തി​ന് ഉ​പ​യോ​ഗി​ക്കാ​നാ​യി നി​ർ​മി​ച്ചി​രി​ക്കു​ന്ന കെ​ട്ടി​ട​ത്തി​ൽ നൂ​റു​ക​ണ​ക്കി​ന് ഇ​ത​ര സം​സ്ഥാ​ന തൊ​ഴി​ലാ​ളി​ക​ളാ​ണ് താ​മ​സി​ക്കു​ന്ന​ത്. അ​ടി​സ്ഥാ​ന സൗ​ക​ര്യ​ങ്ങ​ൾ പോ​ലു​മി​ല്ലാ​തെ​യാ​ണ് ആ​ളു​ക​ൾ ഇ​വി​ടെ ത​മാ​സി​ക്കു​ന്ന​തെ​ന്ന് സ​മീ​പ​ത്തെ വ്യാ​പ​രി​ക​ൾ പ​റ​ഞ്ഞു.

ര​ണ്ട് ബാ​ങ്ക്, മെ​ഡി​ക്ക​ൽ, ഹോ​മി​യോ ക്ലി​നി​ക് തു​ട​ങ്ങി നി​ര​വ​ധി ഓ​ഫീ​സു​ക​ൾ പ്ര​വ​ർ​ത്തി​ച്ചു​വ​രു​ന്ന കെ​ട്ടി​ട​മാ​ണി​ത്. കെ​ട്ടി​ട​ത്തി​ൽ ശു​ചി​ത്വം ഉ​റ​പ്പാ​ക്ക​ണ​മെ​ന്നാ​വ​ശ്യ​പ്പെ​ട്ട് ആവശ്യപ്പെട്ട് വ്യാ​പാ​രി കൂ​ട്ടാ​യ്മ അ​സോ​സി​യേ​ഷ​ന്‍റെ നേ​തൃ​ത്വ​ത്തി​ൽ 31 ഓ​ളം പേ​ർ ഒ​പ്പി​ട്ട നി​വേ​ദ​നം ന​ഗ​ര​സ​ഭാ സെ​ക്ര​ട്ട​റി​ക്ക് ന​ൽ​കി​യി​രു​ന്നു. എ​ന്നാ​ൽ ഇ​തി​നും യാ​തൊ​രു​വി​ധ ന​ട​പ​ടി​യും ഉ​ണ്ടാ​യി​ല്ലെ​ന്ന് വ്യാ​പാ​രി​ക​ൾ പ​റ​ഞ്ഞു. മ​ഴ ക​ന​ത്ത​തോ​ടെ പ​ക​ർ​ച്ച​വ്യാ​ധി ഭീ​ഷ​ണി നി​ല​നി​ൽ​ക്കു​ന്പോ​ഴാ​ണ് മ​ലി​ന​ജ​ലം ത​ളം​കെ​ട്ടി​കി​ട​ക്കു​ന്ന​ത്. പ്ര​ശ്ന​ത്തി​ന് ഉ​ട​ൻ പ​രി​ഹാ​രം ക​ണ്ടി​ല്ലെ​ങ്കി​ൽ ശ​ക്ത​മാ​യ സ​മ​ര​പ​രി​പാ​ടി​ക​ൾ ആ​വി​ഷ്ക​രി​ക്കു​മെ​ന്ന് വ്യാ​പാ​രി​ക​ൾ പ​റ​ഞ്ഞു.