പ​രി​സ്ഥി​തി​നാ​ശ പ്ര​തി​രോ​ധ​ത്തി​ന് മാ​ർ​ക് ഫോ​ർ വൈ​പ്പി​ൻ
Tuesday, February 27, 2024 6:24 AM IST
വൈ​പ്പി​ൻ: പാ​രി​സ്ഥി​തി​ക ത​ക​ർ​ച്ച​യു​ടെ ദോ​ഷ​ക​ര​മാ​യ പ്ര​ത്യാ​ഘാ​ത​ങ്ങ​ളെ പ്ര​തി​രോ​ധി​ക്കാ​നും തൊ​ഴി​ൽ ഉ​ൾ​പ്പെ​ടെ ക്ഷേ​മ​പ്ര​വ​ർ​ത്ത​ന​ങ്ങ​ൾ​ക്കും പ​ര്യാ​പ്‌​ത​മാ​യ ‘മാ​ർ​ക് ഫോ​ർ വൈ​പ്പി​ൻ' (മാം​ഗ്രൂ​വ് റീ​സ്റ്റോ​റേ​ഷ​ൻ ആ​ൻ​ഡ് ക​ൺ​സ​ർ​വേ​ഷ​ൻ) പ​ദ്ധ​തി ആ​രം​ഭി​ക്കു​മെ​ന്ന് കെ.​എ​ൻ. ഉ​ണ്ണി​ക്കൃ​ഷ്ണ​ൻ എം​എ​ൽ​എ അ​റി​യി​ച്ചു.

ഡി​പി വേ​ൾ​ഡി​ന്‍റെ അ​നു​ബ​ന്ധ സ്ഥാ​പ​ന​മാ​യ ഹി​ന്ദു​സ്ഥാ​ൻ പോ​ർ​ട്ട്സ് പ്രൈ​വ​റ്റ് ലി​മി​റ്റ​ഡി​ന്‍റെ സി​എ​സ്ആ​ർ ഫ​ണ്ടു​പ​യോ​ഗി​ച്ച് പ​രി​സ്ഥി​തി, സേ​വ​ന, സ​ന്ന​ദ്ധ സം​ഘ​ട​ന​യാ​യ പ്ലാ​ൻ അ​റ്റ് എ​ർ​ത്തി​ന്‍റെ മേ​ൽ​നോ​ട്ട​ത്തി​ലും പ​ഞ്ചാ​യ​ത്തു​ക​ളു​ടെ സ​ഹ​ക​ര​ണ​ത്തോ​ടെ​യു​മാ​ണ് പ​ദ്ധ​തി ന​ട​പ്പാ​ക്കു​ന്ന​ത്. അ​ടു​ത്ത​മാ​സം നാ​ലി​ന് മ​ന്ത്രി സ​ജി ചെ​റി​യാ​ൻ പ​ദ്ധ​തി ഉ​ദ്ഘാ​ട​നം ചെ​യ്യും.

ആ​ദ്യ​ഘ​ട്ട​ത്തി​ൽ 90 ല​ക്ഷം രൂ​പ​യു​ടെ പ്ര​വ​ർ​ത്ത​ന​ങ്ങ​ളാ​ണ് ന​ട​ത്തു​ന്ന​ത്. നി​യോ​ജ​ക​മ​ണ്ഡ​ല​ത്തി​ലെ പ​ള്ളി​പ്പു​റം, കു​ഴി​പ്പി​ള്ളി, ഞാ​റ​ക്ക​ൽ, ക​ട​മ​ക്കു​ടി പ​ഞ്ചാ​യ​ത്തു​ക​ളി​ലെ 25 ഏ​ക്ക​ർ പു​റ​മ്പോ​ക്ക് ഭൂ​മി​യി​ലെ ക​ണ്ട​ൽ​ക്കാ​ടു​ക​ൾ സം​ര​ക്ഷ​ണ​വും 25 ഏ​ക്ക​ർ വി​സ്തൃ​തി​യി​ലെ ക​ണ്ട​ൽ​കാ​ടു​ക​ളു​ടെ പു​ന​രു​ജ്ജീ​വ​ന​വു​മാ​ണ് പ​ദ്ധ​തി​യു​ടെ പ്ര​ധാ​ന ല​ക്ഷ്യ​ങ്ങ​ളി​ലൊ​ന്ന്.

കൂ​ടാ​തെ ഉ​പ​ജീ​വ​ന മാ​ർ​ഗ​മാ​യി തേ​നീ​ച്ച കൂ​ടു​ക​ളു​ടെ വി​ത​ര​ണം, പൊ​ക്കാ​ളി കൃ​ഷി പ്രോ​ത്സാ​ഹ​ന ലോ​ൺ, മ​ത്സ്യ​ത്തി​ന്‍റെ ഉ​ൾ​പ്പെ​ടെ വി​വി​ധ മൂ​ല്യ​വ​ർ​ധി​ത ഉ​ത്പ​ന്ന​ങ്ങ​ൾ സം​ബ​ന്ധി​ച്ച് അ​വ​ബോ​ധം സൃ​ഷ്ടി​ക്ക​ൽ, ഇ​ക്കോ ടൂ​റി​സം, ക​യാ​ക്കിം​ഗ്, മീ​ൽ​സ് ഓ​ൺ വീ​ൽ​സ്, വൈ​പ്പി​ൻ പൊ​തി​ച്ചോ​ർ പ​ദ്ധ​തി, കി​ച്ച​ൺ കി​യോ​സ്‌​ക് എ​ന്നി​വ ‘മാ​ർ​ക് ഫോ​ർ വൈ​പ്പി​ൻ’ പ​ദ്ധ​തി​യു​ടെ ഭാ​ഗ​മാ​കും. പ​ദ്ധ​തി​യു​ടെ ഗു​ണ​ഭോ​ക്‌​തൃ യോ​ഗം എം​എ​ൽ​എ​യു​ടെ അ​ധ്യ​ക്ഷ​ത​യി​ൽ ബോ​ൾ​ഗാ​ട്ടി പാ​ല​സി​ൽ ചേ​ർ​ന്നു.