കൊ​ച്ചി: ഉ​ദ്ഘാ​ട​ന​ത്തി​നൊ​രു​ങ്ങി എ​റ​ണാ​കു​ളം ജ​ന​റ​ല്‍ ആ​ശു​പ​ത്രി​യി​ലെ കാ​ന്‍​സ​ര്‍ സ്‌​പെ​ഷാ​ലി​റ്റി ബ്ലോ​ക്ക്. നാ​ളെ ജി​ല്ല​യി​ലെ​ത്തു​ന്ന മു​ഖ്യ​മ​ന്ത്രി പു​തി​യ കെ​ട്ടി​ട​ത്തി​ന്‍റെ ഉ​ദ്ഘാ​ട​നം നി​ര്‍​വ​ഹി​ക്കും. 25 കോ​ടി രൂ​പ ചെ​ല​വി​ല്‍ 45,000 ച​തു​ര​ശ്ര അ​ടി വി​സ്തീ​ര്‍​ണ​ത്തി​ലാ​ണ് ബ്ലോ​ക്ക് നി​ർ​മി​ച്ചി​രി​ക്കു​ന്ന​ത്. ബേ​സ്‌​മെ​ന്‍റ് ഉ​ള്‍​പ്പെ​ടെ ഏ​ഴു നി​ല​ക​ളി​ലാ​യി നി​ർ​മി​ച്ചി​രി​ക്കു​ന്ന ബ്ലോ​ക്കി​ല്‍ ഒ​രേ​സ​മ​യം 104 രോ​ഗി​ക​ളെ കി​ട​ത്തി ചി​കി​ത്സി​ക്കാ​നാ​കും.

കൊ​ച്ചി​ന്‍ സ്മാ​ര്‍​ട്ട് മി​ഷ​ന്‍ ലി​മി​റ്റ​ഡ് നി​ർ​മി​ച്ച ബ്ലോ​ക്കി​ല്‍ കാ​ന്‍​സ​ര്‍ ഐ​സി​യു, കീ​മോ​തെ​റാ​പ്പി യൂ​ണി​റ്റ്, സ്ത്രീ​ക​ള്‍​ക്കും പു​രു​ഷ​ന്മാ​ര്‍​ക്കു​മാ​യി പ്ര​ത്യേ​ക വാ​ര്‍​ഡ്, കൂ​ട്ടി​രി​പ്പു​കാ​ര്‍​ക്കു​ള്ള ഡോ​ര്‍​മി​റ്റ​റി എ​ന്നി​വ​യും സ​ജ്ജ​മാ​ണ്. കീ​മോ​തെ​റാ​പ്പി​ക്ക് വി​ധേ​യ​രാ​കു​ന്ന രോ​ഗി​ക​ള്‍​ക്ക് ര​ക്ത​ത്തി​ലെ പ്ലേ​റ്റ്‌​ലെ​റ്റി​ന്‍റെ അ​ള​വ് കു​റ​ഞ്ഞാ​ല്‍ അ​ടി​യ​ന്ത​ര ചി​കി​ത്സ ന​ല്‍​കു​ന്ന​തി​നു​ള്ള ന്യൂ​ട്രോ​പ്പീ​നി​യ ഐ​സി​യു​വും ഇ​വി​ടെ ഒ​രു​ക്കി​യി​ട്ടു​ണ്ട്.
ഐ​സി​യു വാ​ര്‍​ഡു​ക​ളി​ലും സാ​ധാ​ര​ണ വാ​ര്‍​ഡു​ക​ളി​ലും ഓ​ക്‌​സി​ജ​ന്‍ സം​വി​ധാ​ന​മു​ണ്ട്. ഒ​രേ​സ​മ​യം 26 പേ​ര്‍​ക്ക് ക​യ​റാ​വു​ന്ന ര​ണ്ടു ലി​ഫ്റ്റു​ക​ളും ഇ​രു​പ​തോ​ളം കാ​ര്‍ പാ​ര്‍​ക്ക് ചെ​യ്യാ​നു​ള്ള സം​വി​ധാ​ന​വും പു​തി​യ ബ്ലോ​ക്കി​ന്‍റെ ഭാ​ഗ​മാ​യി ഒ​രു​ക്കി​യി​ട്ടു​ണ്ട്.