നാ​ലു ദി​വ​സം; ക​ടി​യേ​റ്റ​വ​ർ 84 : നാ​യക​ളു​ടെ ആ​ക്ര​മ​ണം കൂ​ടു​ന്നു; ജില്ലയ്ക്ക് എ​ബി​സി സെ​ന്‍റ​ർ ഇനിയും അകലെ
Monday, October 7, 2024 2:55 AM IST
തൊ​ടു​പു​ഴ: ജി​ല്ല​യി​ൽ തെ​രു​വു​നാ​യ്ക്ക​ളു​ടെ ആ​ക്ര​മ​ണം വ​ർ​ധി​ക്കു​ന്നു. ദി​നം​പ്ര​തി ഒ​ട്ടേ​റെ പേ​ർ​ക്കാ​ണ് ജി​ല്ല​യു​ടെ വി​വി​ധ​യി​ട​ങ്ങ​ളി​ലാ​യി നാ​യക​ളു​ടെ ക​ടി​യേ​ൽ​ക്കു​ന്ന​ത്. എ​ന്നാ​ൽ നാ​യക​ളു​ടെ ക​ടി​യേ​റ്റ് ചി​കി​ത്സ തേ​ടു​ന്ന​വ​രു​ടെ എ​ണ്ണം വ​ർ​ധി​ച്ചി​ട്ടും ഇ​വ​യെ നി​യ​ന്ത്രി​ക്കു​ന്ന കാ​ര്യ​ത്തി​ൽ അ​ധി​കൃ​ത​രു​ടെ ഭാ​ഗ​ത്തുനി​ന്ന് ഒ​രു ന​ട​പ​ടി​യും ഉ​ണ്ടാ​കു​ന്നി​ല്ല.

ജി​ല്ല​യി​ൽ എ​ബി​സി സെ​ന്‍റ​ർ ആ​രം​ഭി​ക്കാ​നു​ള്ള പ്ര​വ​ർ​ത്ത​ന​ങ്ങ​ളി​ൽ അ​ധി​കൃ​ത​ർ കാ​ട്ടു​ന്ന മെ​ല്ലെ​പ്പോ​ക്കി​ൽ ജ​ന​ങ്ങ​ളി​ൽനി​ന്നു ക​ടു​ത്ത പ്ര​തി​ഷേ​ധ​മാ​ണു​യ​രു​ന്ന​ത്. സം​സ്ഥാ​ന​ത്ത് എ​ബി​സി സെ​ന്‍റ​റു​ക​ൾ ഒ​ന്നു​പോ​ലു​മി​ല്ലാ​ത്ത ഏ​ക ജി​ല്ല​യാ​യ ഇ​ടു​ക്കി​യി​ൽ ആ​യി​ര​ക്ക​ണ​ക്കി​നു നാ​യക​ളാ​ണ് ന​ഗ​ര, ഗ്രാ​മീ​ണ പാ​ത​ക​ളി​ൽ രാ​പ​ക​ൽ ഭേ​ദ​മി​ല്ലാ​തെ ചു​റ്റി​ത്തി​രി​യു​ന്ന​ത്.

ജി​ല്ല​യി​ൽ നാ​യക​ളു​ടെ ക​ടി​യേ​ൽ​ക്കു​ന്ന​വ​രു​ടെ എ​ണ്ണം ക​ണ​ക്കി​ലെ​ടു​ത്താ​ൽ ത​ന്നെ ഇ​വ​യു​ടെ ആ​ക്രമണസ്വ​ഭാ​വം വ്യ​ക്ത​മാ​കും. ഈ ​വ​ർ​ഷം ജി​ല്ല​യി​ൽ നാ​​യക​ളു​ടെ ക​ടി​യേ​റ്റ് വി​വി​ധ ആ​ശു​പ​ത്രി​ക​ളി​ൽ ചി​കി​ത്സ തേ​ടി​യ​ത് 4,572 പേ​രാ​ണ്.

സെ​പ്റ്റം​ബ​റി​ൽ 492 പേ​ർ​ക്കും ഓ​ഗ​സ്റ്റി​ൽ 484 പേ​ർ​ക്കും ക​ടി​യേ​റ്റു. ഈ ​മാ​സം നാ​ലു ദി​വ​സ​ത്തി​നു​ള്ളി​ൽ മാ​ത്രം 84 പേ​ർ നാ​യക​ളു​ടെ ആ​ക്ര​മ​ണ​ത്തി​നി​ര​യാ​യി. വ​ള​ർ​ത്തു മൃ​ഗ​ങ്ങ​ളെ​യും നാ​​യക​​ൾ ആ​ക്ര​മി​ക്കു​ന്നു​ണ്ട്. തെ​രു​വുനാ​യക​ളു​ടെ​യും വ​ള​ർ​ത്തു​നാ​യ​ക​​ളു​ടെ​യും ക​ടി​യേ​റ്റ​വ​രും ഇ​തി​ൽ ഉ​ൾ​പ്പെ​ടു​ന്നു.

ഇ​ര​ട്ട​യാ​റി​ൽ ക​ഴി​ഞ്ഞദി​വ​സം വ​ഴി​യാ​ത്രി​ക​നെ​യും മൂ​രി​ക്കി​ടാ​വി​നെ​യും തെ​ര​വുനാ​യ ആ​ക്ര​മി​ച്ച​താ​ണ് ഒ​ടു​വി​ല​ത്തെ സം​ഭ​വം. കാ​ൽ​ന​ട​യാ​ത്ര​ക്കാ​ർ, സ്കൂ​ൾ വി​ദ്യാ​ർ​ഥി​ക​ൾ, ഇ​രു​ച​ക്ര​വാ​ഹ​ന യാ​ത്ര​ക്കാ​ർ എ​ന്നി​വ​രെ ഉ​ൾ​പ്പെ​ടെ നാ​​യക​​ളു​ടെ ആ​ക്ര​മ​ണം പ​തി​വു സം​ഭ​വ​മാ​യി​ട്ടും ഇ​ക്കാ​ര്യ​ത്തി​ൽ ഒ​രു പ്ര​തി​രോ​ധ​വും അ​ധി​കൃ​ത​രു​ടെ ഭാ​ഗ​ത്തുനി​ന്നു​ണ്ടാ​കു​ന്നി​ല്ല.

തെ​രു​വുനാ​​യക​ളെ നി​യ​ന്ത്രി​ക്കാ​നു​ള്ള അ​നി​മ​ൽ ബ​ർ​ത്ത് ക​ണ്‍​ട്രോ​ൾ (എ​ബി​സി) പ​ദ്ധ​തി താ​ളംതെ​റ്റി​യ​താ​ണ് നാ​യ്ശ​ല്യം രൂ​ക്ഷ​മാ​കാ​ൻ പ്ര​ധാ​ന കാ​ര​ണ​മാ​യി പ​റ​യ​പ്പെ​ടു​ന്ന​ത്.


ഇ​തി​നാ​യി ഏ​റ്റ​വും ആ​വ​ശ്യ​മാ​യി വേ​ണ്ട​ത് എ​ബി​സി സെ​ന്‍റ​ർ ആ​ണ്. മ​റ്റ് ജി​ല്ല​ക​ളി​ൽ എ​ല്ലാംത​ന്നെ എ​ബി​സി സെ​ന്‍റ​റി​ന്‍റെ പ്ര​വ​ർ​ത്ത​നം ആ​രം​ഭി​ച്ച​പ്പോ​ഴും ജി​ല്ല​യി​ൽ പ​ദ്ധ​തി പ്രാ​രം​ഭ ഘ​ട്ട​ത്തി​ൽത​ന്നെ നി​ൽ​ക്കു​ക​യാ​ണ്.

ക​ഴി​ഞ്ഞ വ​ർ​ഷം ത​ന്നെ ജി​ല്ലാ ആ​സ്ഥാ​ന​ത്ത് എ​ബി​സി സെ​ന്‍റ​ർ സ്ഥാ​പി​ക്കു​ന്ന​തി​നു ജി​ല്ലാ പ​ഞ്ചാ​യ​ത്ത് തീ​രു​മാ​ന​മെ​ടു​ത്തി​രു​ന്നു. നാ​ലു കോ​ടി​യു​ടെ പ​ദ്ധ​തി​യാ​ണ് വി​ഭാ​വ​നം ചെ​യ്തി​രി​ക്കു​ന്ന​ത്.

ജി​ല്ലാ പ​ഞ്ചാ​യ​ത്തി​ന്‍റെ ഉ​ട​മ​സ്ഥ​ത​യി​ലു​ള്ള അ​ര​യേ​ക്ക​ർ സ്ഥ​ല​മാ​ണ് സെ​ന്‍റ​റി​നാ​യി ക​ണ്ടെ​ത്തി​യി​ട്ടു​ള്ള​ത്. എ​ന്നാ​ൽ ഇ​വി​ടെ കെ​ട്ടി​ടം നി​ർ​മി​ക്കു​ന്ന​തി​നാ​വ​ശ്യ​മാ​യ ടെ​ണ്ട​ർ ന​ട​പ​ടി​ക​ൾ പോ​ലും ആ​രം​ഭി​ച്ചി​ട്ടി​ല്ല. ഇ​വി​ടെ​യു​ള്ള മ​ര​ങ്ങ​ൾ മു​റി​ച്ചു​നീ​ക്കാ​ൻ ട്രീ ​ക​മ്മി​റ്റി ചേ​ർ​ന്ന് തീ​രു​മാ​നം എ​ടു​ത്തെ​ങ്കി​ലും ഇ​തി​നു​ള്ള ന​ട​പ​ടി​യും പൂ​ർ​ത്തി​യാ​യി​ട്ടി​ല്ല.

മ​രം മു​റി​ച്ചു നീ​ക്കി​യ​തി​നുശേ​ഷം എ​ൻ​ജ​നി​യ​റിം​ഗ് വി​ഭാ​ഗം ത​യാ​റാ​ക്കി​യ പ്ലാ​ൻ അ​നു​സ​രി​ച്ച് വേ​ണം ഇ​വി​ടെ കെ​ട്ടി​ടനി​ർ​മാ​ണം ആ​രം​ഭി​ക്കാ​ൻ. എ​ന്നാ​ൽ നാ​​യക​ളു​ടെ ക​ടി​യേ​റ്റ് സാ​ധാ​ര​ണ​ക്കാ​ർ ആ​ശു​പ​ത്രി​ക​ൾ ക​യ​റി​യി​റ​ങ്ങു​ന്പോ​ഴും എ​ബി​സി സെ​ന്‍റ​ർ തു​ട​ങ്ങു​ന്ന കാ​ര്യ​ത്തി​ൽ അ​ധി​കൃ​ത​രു​ടെ അ​ലം​ഭാ​വം തു​ട​രു​ക​യാ​ണ്.

തെ​രു​വി​ൽനി​ന്നു പി​ടികൂ​ടു​ന്ന നാ​​യക​​ളെ വ​ന്ധ്യം​ക​രി​ക്ക​ണ​മെ​ങ്കി​ൽ എ​ല്ലാ​വി​ധ സൗ​ക​ര്യ​ങ്ങ​ളു​മു​ള്ള എ​ബി​സി സെ​ന്‍റ​ർ ആ​വ​ശ്യ​മാ​ണ്. പി​ടികൂ​ടു​ന്ന നാ​​യക​​ളെ വ​ന്ധ്യം​ക​ര​ണ​ത്തി​നു വി​ധേ​യ​മാ​ക്കി​യ ശേ​ഷം ചി​കി​ത്സ ന​ൽ​കി നി​രീ​ക്ഷ​ണ​ത്തി​ൽ പാ​ർ​പ്പി​ക്ക​ണം. അ​തി​നാ​ൽ അ​ടി​യ​ന്ത​ര​മാ​യി എ​ബി​സി സെ​ന്‍റ​ർ പ്ര​വ​ർ​ത്ത​ന സ​ജ്ജ​മാ​ക്ക​ണ​മെ​ന്നാ​ണ് ത​ദ്ദേ​ശ സ്ഥാ​പ​ന​ങ്ങ​ളു​ടെ​യും ആ​വ​ശ്യം.