അ​ടി​മാ​ലി: ഹൈ​റേ​ഞ്ചി​ലെ വി​വി​ധ പ്ര​ദേ​ശ​ങ്ങ​ളി​ലുള്ള നൂ​റു​ക​ണ​ക്കി​നു ക​ർ​ഷ​ക​രി​ൽനി​ന്ന് ഏ​ല​യ്ക്ക വാ​ങ്ങി ത​ട്ടി​പ്പു ന​ട​ത്തി​യ കേ​സി​ലെ മു​ഖ്യ​പ്ര​തി​യു​ടെ ഡ്രൈ​വ​ർ ജീ​വ​നൊ​ടു​ക്കി. മൂ​വാ​റ്റു​പു​ഴ കെഎ​സ്ആ​ർ​ടി​സി ബ​സ് സ്റ്റാ​ന്‍ഡിനു സ​മീ​പ​ത്തെ സ്വ​കാ​ര്യ ലോ​ഡ്ജി​ൽ വി​ഷം​ക​ഴി​ച്ചാ​ണ് ഇ​ടു​ക്കി പ​ണി​ക്ക​ൻ​കു​ടി കു​ത്തേ​ട്ട് കെ.​കെ.​ കി​ഷോ​ർ (31) ജീ​വ​നൊ​ടു​ക്കി​യ​ത്.

മ​രിക്കുന്ന​തി​നു ര​ണ്ടു ദി​വ​സം മു​ന്പാ​ണ് കി​ഷോ​ർ ലോ​ഡ്ജി​ൽ മു​റി​യെ​ടു​ത്ത​ത്.​ ഇ​യാ​ളെ കാ​ണാ​നി​ല്ലെ​ന്നു കാ​ണി​ച്ച് ബ​ന്ധു​ക്ക​ൾ പോ​ലീ​സി​ൽ പ​രാ​തി ന​ൽ​കി​യി​രു​ന്നു. അ​ന്വേ​ഷ​ണം ന​ട​ക്കു​ന്ന​തി​നി​ടെ​യാ​ണ് തി​ങ്ക​ളാ​ഴ്ച വൈ​കു​ന്നേ​ര​ം ലോ​ഡ്ജ് മു​റി​യി​ൽ യു​വാ​വി​നെ മ​രി​ച്ച നി​ല​യി​ൽ ക​ണ്ടെ​ത്തി​യ​ത്. മ​ര​ണ​ത്തി​ലേ​ക്ക് ന​യി​ച്ച കാ​ര​ണം വ്യ​ക്ത​മാ​യി​ട്ടി​ല്ല. സം​ഭ​വ​ത്തി​ൽ പോ​ലീ​സ് കേ​സെ​ടു​ത്തു.

ഏ​ല​യ്ക്ക ത​ട്ടി​പ്പ് കേ​സി​ൽ ആ​ല​പ്പു​ഴ​യി​ൽനി​ന്നു മു​ഖ്യ​പ്ര​തി​യാ​യ മു​ഹ​മ്മ​ദ് ന​സീ​റി​നെ അ​റ​സ്റ്റ്ചെ​യ്ത​തി​ന്‍റെ പി​റ്റേ​ന്നാ​ണ് കി​ഷോ​ർ ജീ​വ​നൊ​ടു​ക്കി​യ​ത്. പ​ണി​ക്ക​ൻ​കു​ടി, കൊ​ന്പൊ​ടി​ഞ്ഞാ​ൽ മേ​ഖ​ല​ക​ളി​ൽ​നി​ന്നു ഏ​ല​യ് ക്ക എ​ത്തി​ച്ചു​ന​ൽ​കി​യി​രു​ന്ന​ത് കി​ഷോ​റാ​യി​രു​ന്നു. കേ​സി​ന്‍റെ അ​ന്വേ​ഷ​ണം ത​ന്നി​ലേ​ക്ക് എ​ത്തു​മെ​ന്ന ഭീ​തി​മൂ​ല​മാ​ണോ മ​റ്റാ​രു​ടെ​യെ​ങ്കി​ലും സ​മ​ർ​ദം കാ​ര​ണ​മാ​ണോ ആ​ത്മ​ഹ​ത്യ​യെ​ന്നു പോ​ലീ​സ് അ​ന്വേ​ഷി​ക്കു​ന്നു​ണ്ട്.

മു​ഖ്യ​പ്ര​തി​യെ ക​സ്റ്റ​ഡി​യി​ൽ വാ​ങ്ങി
ചോ​ദ്യം ചെ​യ്യും

ഏ​ല​യ്ക്കാ ത​ട്ടി​പ്പ് കേ​സി​ൽ പോ​ലീ​സ് അ​റ​സ്റ്റ് ചെ​യ്ത് ദേ​വി​കു​ളം സ​ബ്ജ​യി​ലി​ൽ റി​മാ​ൻ​ഡി​ൽ ക​ഴി​യു​ന്ന പ്ര​തി​യെ ക​സ്റ്റ​ഡി​യി​ൽ ആ​വ​ശ്യ​പ്പെ​ട്ട് കോ​ട​തി​യി​ൽ അ​പേ​ക്ഷ ന​ൽ​കു​മെ​ന്ന് അ​ടി​മാ​ലി സി​ഐ പ്രി​ൻ​സ് ജോ​സ​ഫ് പ​റ​ഞ്ഞു. പ്ര​തി​ക്കെ​തി​രേ അ​ടി​മാ​ലി, നെ​ടു​ങ്ക​ണ്ടം, വെ​ള്ള​ത്തൂ​വ​ൽ തു​ട​ങ്ങി​യ പോ​ലീ​സ് സ്റ്റേ​ഷ​നു​ക​ളി​ലാ​യി നി​ര​വ​ധി പ​രാ​തി​ക​ളാ​ണ് ല​ഭി​ച്ചി​ട്ടു​ള്ള​ത്. പ​രാ​തി സം​ബ​ന്ധി​ച്ച് വി​ശ​ദ​മാ​യ അ​ന്വേ​ഷ​ണം ന​ട​ത്താ​നാ​ണ് പോ​ലീ​സി​ന്‍റെ തീ​രു​മാ​നം.

200 കോ​ടി​യു​ടെ ത​ട്ടി​പ്പ് ന​ട​ന്ന​താ​യാ​ണ് സൂ​ച​ന. ത​ട്ടി​പ്പി​നു പി​ന്നി​ൽ കൂ​ടു​ത​ൽ പ്ര​തി​ക​ളു​ണ്ടോ​യെ​ന്ന് അ​ന്വേ​ഷി​ക്കും. ഇ​ടു​ക്കി​യി​ലെ വി​വി​ധ കേ​ന്ദ്ര​ങ്ങ​ളി​ൽ സം​ഭ​ര​ണകേ​ന്ദ്ര​ങ്ങ​ൾ ആ​രം​ഭി​ച്ച് മൊ​ത്ത​മാ​യും ചി​ല്ല​റ​യാ​യും ഏ​ല​യ്ക്ക വാ​ങ്ങി​യാ​ണ് വ​ൻ​ത​ട്ടി​പ്പി​ന് ക​ള​മൊ​രു​ക്കി​യ​ത്. തു​ട​ക്ക​ത്തി​ൽ കൃ​ത്യ​മാ​യി പ​ണം ന​ൽ​കി​യാ​ണ് ഏ​ല​യ്ക്കാ വാ​ങ്ങി​യി​രു​ന്ന​തെ​ങ്കി​ൽ പി​ന്നീ​ട് 30 മു​ത​ൽ 45 ദി​വ​സം വ​രെ അ​വ​ധി​യി​ലാ​ണ് വാ​ങ്ങി​യ​ത്. വി​പ​ണി വി​ല​യെ​ക്കാ​ൾ 1,000-1500 രൂ​പ വ​രെ അ​ധി​കവി​ല ന​ൽ​കി​യാ​യി​രു​ന്നു സം​ഭ​ര​ണം. അ​ധി​ക​വി​ല ല​ഭി​ച്ച​തോ​ടെ പ്ര​ദേ​ശ​ത്തെ ക​ർ​ഷ​ക​ർ ഒ​ന്ന​ട​ങ്കം ഇ​യാ​ൾ​ക്ക് ഏ​ല​യ്ക്ക എ​ത്തി​ച്ചു​ന​ൽ​കു​ക​യാ​യി​രു​ന്നു. പ​ല​ർ​ക്കും ശ​രി​യാ​യ ബി​ല്ലു​ക​ൾ പോ​ലും ന​ൽ​കാ​തെ​യാ​യി​രു​ന്നു സം​ഭ​ര​ണം.

പ​റ​ഞ്ഞ സ​മ​യ​ത്ത് പ​ണം ല​ഭി​ക്കാ​തെ വ​ന്ന​തോ​ടെ​യാ​ണ് ത​ട്ടി​പ്പുവി​വ​രം ക​ർ​ഷ​ക​ർ​ക്കു വ്യ​ക്ത​മാ​യ​ത്. ഇ​തോ​ടെ പ​ണം ആ​വ​ശ്യ​പ്പെ​ട്ട് കൂ​ടു​ത​ൽ പേ​ർ രം​ഗ​ത്തെ​ത്തി​യ​തോ​ടെ ഇ​യാ​ൾ സ്ഥ​ല​ത്തു​നി​ന്നു മു​ങ്ങു​ക​യാ​യി​രു​ന്നു. ഒ​രു​ല​ക്ഷം മു​ത​ൽ 70 ല​ക്ഷം രൂ​പവ​രെ പ​ല​ർ​ക്കും ന​ൽ​കാ​നു​ണ്ടെ​ന്നാ​ണ് അ​റി​യു​ന്ന​ത്.

വാ​ട്ട്സ് ആ​പ്പ് ഗ്രൂ​പ്പി​ലൂ​ടെ​യും ക​ബ​ളി​പ്പി​ക്ക​ൽ

ത​ട്ടി​പ്പ് ന​ട​ത്തി സ്ഥ​ല​ത്തുനി​ന്നു മു​ങ്ങി​യ പ്ര​തി വാ​ട്ട്സ് ആ​പ്പ് ഗ്രൂ​പ്പ് രൂ​പീ​ക​രി​ച്ച് പ​ണം ന​ൽ​കാ​നു​ള്ള​വ​ർ​ക്ക് ഘ​ട്ടം​ഘ​ട്ട​മാ​യി പ​ണം ന​ൽ​കു​മെ​ന്ന് പ​റ​ഞ്ഞ് ആ​ളു​ക​ളെ കേ​സി​ൽനി​ന്നു പി​ന്തി​രി​പ്പി​ക്കാ​നും ശ്ര​മം ന​ട​ന്നു. എ​ന്നാ​ൽ വ​ൻ​ച​തി​യാ​ണ് ഇ​തി​നു​പി​ന്നി​ലും അ​ര​ങ്ങേ​റി​യ​ത്.​ഏ​താ​നും പേ​ർ​ക്ക് നാ​മ​മാ​ത്ര​മാ​യ തു​ക ന​ൽ​കി വി​ശ്വാ​സം ആ​ർ​ജി​ച്ചെ​ടു​ത്ത് കേ​സി​ൽനി​ന്നു ര​ക്ഷ​പ്പെ​ടാ​നാ​യി​രു​ന്നു ശ്ര​മം. ഇ​തു തി​രി​ച്ച​റി​ഞ്ഞ ക​ർ​ഷ​ക​ർ പ​രാ​തി​യു​മാ​യി പോ​ലീ​സി​നെ സ​മീ​പി​ക്കു​ക​യാ​യി​രു​ന്നു.

ചു​രു​ങ്ങി​യ നാ​ളു​ക​ൾ​ക്കു​ള്ളി​ൽ കോ​ടി​ക്ക​ണ​ക്കി​നു രൂ​പ​യു​ടെ ത​ട്ടി​പ്പാ​ണ് ഇ​യാ​ൾ ന​ട​ത്തി​യ​ത്. എ​ൻ. ഗ്രീ​ൻ ഇ​ന്‍റ​ർ​നാ​ഷ​ണ​ൽ പ്രൈ​വ​റ്റ് ലി​മി​റ്റ​ഡ് എ​ന്ന സ്ഥാ​പ​ന​ത്തി​ന്‍റെ പേ​രി​ലാ​ണ് സം​ഭ​ര​ണ കേ​ന്ദ്രം പ്ര​വ​ർ​ത്തി​ച്ചി​രു​ന്ന​ത്.​ഏ​ല​യ്ക്ക മൊ​ത്ത​മാ​യി വാ​ങ്ങി ഗ്രേ​ഡ് തി​രി​ച്ച് ലോ​ഡ് ക​യ​റ്റു​ന്ന​തി​ന് നി​ര​വ​ധി ജീ​വ​ന​ക്കാ​രെ​യും പ​ല​യി​ട​ങ്ങ​ളി​ലാ​യി ക​ന്പ​നി​യു​ടെ പേ​രി​ൽ നി​യോ​ഗി​ച്ചി​രു​ന്നു. ക​ർ​ഷ​ക​രി​ൽനി​ന്നു ക​മ്മീ​ഷ​ൻ വ്യ​വ​സ്ഥ​യി​ൽ ഏ​ലയ്​ക്ക വാ​ങ്ങി ക​ന്പ​നി​ക്ക് കൈ​മാ​റാ​ൻ നി​ര​വ​ധി ഏ​ജ​ന്‍റു​മാ​ർ പ്ര​വ​ർ​ത്തി​ച്ചി​രു​ന്ന​താ​യി ക​ർ​ഷ​ക​ർ പ​റ​യു​ന്നു.