തൊ​ടു​പു​ഴ: ഓ​ണ​വി​പ​ണി ല​ക്ഷ്യ​മി​ട്ട് ഇ​ത​ര സം​സ്ഥാ​ന​ങ്ങ​ളി​ൽ നി​ന്നും വാ​ഴ​പ്പ​ഴ​ങ്ങ​ൾ കേ​ര​ള​ത്തി​ലേ​ക്ക് എ​ത്തി​യ​തോ​ടെ വാ​ഴ​പ്പ​ഴ​ങ്ങ​ളു​ടെ വി​ല കു​റ​ഞ്ഞു. ത​മി​ഴ്നാ​ട്, ക​ർ​ണാ​ട​ക ഉ​ൾ​പ്പെ​ടെ​യു​ള്ള സം​സ്ഥാ​ന​ങ്ങ​ളി​ൽ നി​ന്നും ലോ​ഡ്ക​ണ​ക്കി​ന് വാ​ഴ​ക്കു​ല​ക​ളാ​ണ് ക​ഴി​ഞ്ഞ ദി​വ​സ​ങ്ങ​ളി​ൽ കേ​ര​ള​ത്തി​ന്‍റെ അ​തി​ർ​ത്തി ക​ട​ന്നെ​ത്തി​യ​ത്.

ഒ​രാ​ഴ്ച​മു​ന്പു​വ​രെ നേ​ന്ത്ര​പ്പ​ഴ​ത്തി​ന് കി​ലോ​യ്ക്ക് 65-70 രൂ​പ​യാ​യി​രു​ന്നു വി​ല​യെ​ങ്കി​ൽ ഉ​ത്രാ​ട ദി​ന​ത്തി​ൽ കി​ലോ​യ്ക്ക് വി​ല 45-50 രൂ​പ​യി​ലേ​ക്ക് കു​ത്ത​നെ​താ​ഴ്ന്നു. പ​ല​യി​ട​ത്തും ര​ണ്ടു​കി​ലോ​നേ​ന്ത്ര​പ്പ​ഴ​ത്തി​ന് 100 എ​ന്ന തോ​തി​ലാ​യി​രു​ന്നു വി​ൽ​പ്പ​ന. കി​ലോ​യ്ക്ക് 90-100 രൂ​പ​യി​ലെ​ത്തി​യ ഞാ​ലി​പ്പൂ​വ​ൻ​പ​ഴ​ത്തി​ന് 55-60 എ​ന്ന തോ​തി​ലാ​യി​രു​ന്നു വി​ല. പാ​ള​യം​കോ​ട​ൻ, റോ​ബ​സ്റ്റ, പൂ​വ​ൻ തു​ട​ങ്ങി​യ എ​ല്ലാ​യി​നം വാ​ഴ​പ്പ​ഴ​ങ്ങ​ളു​ടെ​യും വി​ല ഗ​ണ്യ​മാ​യി കു​റ​ഞ്ഞി​ട്ടു​ണ്ട്. മൈ​സൂ​ർ അ​ട​ക്ക​മു​ള്ള പ്ര​ദേ​ശ​ങ്ങ​ളി​ൽ നി​ന്നാ​ണ് കേ​ര​ള​ത്തി​ലേ​ക്ക് നേ​ന്ത്ര​ക്കു​ല​യ​ട​ക്കം ഇ​ത്ത​വ​ണ കൂ​ടു​ത​ലാ​യി എ​ത്തി​യ​ത്.

അ​തേസ​മ​യം ഓ​ണ​വി​പ​ണി ല​ക്ഷ്യ​മി​ട്ട് ഇ​വി​ടെ​കൃ​ഷി​യി​റ​ക്കി​യ ക​ർ​ഷ​ക​ർ ഇ​ത്ത​വ​ണ ഏ​റെ പ്ര​തീ​ക്ഷ​യി​ലാ​യി​രു​ന്നു. എ​ന്നാ​ൽ മ​റ്റി​ട​ങ്ങ​ളി​ൽ നി​ന്നു വാ​ഴ​ക്കു​ല​ക​ൾ എ​ത്തി​ത്തു​ട​ങ്ങി​യ​തോ​ടെ നാ​ട​ൻ​വാ​ഴ​ക്കു​ല​ക​ൾ​ക്ക് ഡി​മാ​ന്‍ഡ് കു​റ​യു​ക​യും വി​ല​യി​ടി​യു​ക​യു​മാ​യി​രു​ന്നു. ഇ​നി​യും വി​ല കു​റ​യാ​നാ​ണ് സാ​ധ്യ​ത​യെ​ന്നാ​ണ് വ്യാ​പാ​രി​ക​ൾ പ​റ​യു​ന്ന​ത്. അ​തേസ​മ​യം ഉ​ത്പാ​ദ​ന ചെ​ല​വ് വ​ർ​ധി​ച്ചി​രി​ക്കു​ന്ന സാ​ഹ​ച​ര്യ​ത്തി​ൽ നേ​ന്ത്ര​ക്കാ​യ വി​ല കി​ലോ​യ്ക്ക് 50 രൂ​പ തോ​തി​ൽ ല​ഭി​ച്ചെ​ങ്കി​ൽ മാ​ത്ര​മേ ക​ർ​ഷ​ക​ർ​ക്ക് പി​ടി​ച്ചു​നി​ൽ​ക്കാ​നാ​വൂ.

വാ​ഴ​പ്പ​ഴ​ങ്ങ​ൾ​ക്കു പു​റ​മെ ഇ​ത്ത​വ​ണ പ​ച്ച​ക്ക​റി​ക​ൾ​ക്കും കാ​ര്യ​മാ​യ വി​ല​വ​ർ​ധ​ന​യു​ണ്ടാ​യി​ല്ല. ഹോ​ർ​ട്ടി​കോ​ർ​പ്പ്, സ​പ്ലൈ​ക്കോ, സ​ഹ​ക​ര​ണ​സം​ഘ​ങ്ങ​ൾ എ​ന്നി​വ​യു​ടെ ഒൗ​ട്ട്‌ലറ്റു​ക​ൾ​വ​ഴി വി​പ​ണി​വി​ല​യെ​ക്കാ​ൾ കു​റ​വി​ൽ പ​ച്ച​ക്ക​റി​ക​ൾ വി​റ്റ​ഴി​ച്ച​താ​ണ് വി​ല​കു​റ​യാ​ൻ കാ​ര​ണം. വി​ല​ക്കു​റ​വ് ഇ​ത്ത​വ​ണ വി​പ​ണി​യി​ൽ മി​ക​ച്ച ക​ച്ച​വ​ടം ന​ട​ക്കാ​നും സ​ഹാ​യ​ക​മാ​യി.