തൊ​ടു​പു​ഴ: തി​രു​വോ​ണ​ത്തെ വ​ര​വേ​ൽ​ക്കാ​നു​ള്ള ഒ​രു​ക്ക​ങ്ങ​ൾ അ​വ​സാ​ന ഘ​ട്ട​ത്തി​ലേ​ക്ക്. ഇ​ന്ന് ഉ​ത്രാ​ട​പ്പാ​ച്ചി​ലി​നാ​യി ജ​ന​ങ്ങ​ൾ കൂ​ട്ട​ത്തോ​ടെ ഇ​റ​ങ്ങു​ന്ന​തോ​ടെ നാ​ടും ന​ഗ​ര​വും ഉ​ത്രാ​ട​പ്പാ​ച്ചി​ലി​ന്‍റെ തി​ര​ക്കി​ലാ​കും. ഓ​ണം ആ​ഘോ​ഷി​ക്കാ​നു​ള്ള ഒ​രു​ക്ക​ങ്ങ​ൾ ഇ​തി​നോ​ട​കം ത​ന്നെ പൂ​ർ​ത്തി​യാ​ക്കി​യെ​ങ്കി​ലും വി​ട്ടുപോ​യ സാ​ധ​ന​ങ്ങ​ളെ​ല്ലാം ഇ​ന്നാ​ണ് വാ​ങ്ങു​ക. ക​ഴി​ഞ്ഞ ദി​വ​സ​ങ്ങ​ളി​ൽ പെ​യ്തുനി​ന്ന മ​ഴ മാ​റി മാ​നം തെ​ളി​ഞ്ഞ​തും ഓ​ണ​വി​പ​ണി​ക്ക് ഉ​ണ​ർ​വേ​കു​ന്നു. തി​രു​വോ​ണം തൊ​ട്ട​രി​കെ എ​ത്തി​യ​തോ​ടെ, വ​ർ​ണാ​ഭ​മാ​യ ആ​ഘോ​ഷ​പ്പൊ​ലി​മ​യി​ലാ​ണ് നാ​ട്. ന​ഗ​ര​ങ്ങ​ളി​ലും ഗ്രാ​മ​ങ്ങ​ളി​ലും ഒ​രു​പോ​ലെ ആ​വേ​ശം വി​ത​റി ആ​ഘോ​ഷം പൊ​ടി​പാ​റു​ക​യാ​ണ്. വി​വി​ധ സം​ഘ​ട​ന​ക​ളു​ടെ​യും ക്ല​ബു​ക​ളു​ടെ​യും നേ​തൃ​ത്വ​ത്തി​ൽ ഓ​ണ​ത്തോ​ട​നു​ബ​ന്ധി​ച്ചു​ള്ള മ​ത്സ​ര​ങ്ങ​ളും ന​ട​ന്നുവ​രു​ന്നു​ണ്ട്.

നാ​ടെ​ങ്ങും തി​ര​ക്കോ​ട് തി​ര​ക്ക്

പ്ര​ധാ​ന ടൗ​ണു​ക​ളെ​ല്ലാം ദി​വ​സ​ങ്ങ​ളാ​യി ഓ​ണ​ത്തി​ര​ക്കി​ൽ അ​മ​ർ​ന്നി​രി​ക്കു​ക​യാ​ണ്. കു​ടും​ബസ​മേ​തം വി​പ​ണി​യി​ലേ​ക്ക് ജ​ന​ങ്ങ​ൾ എ​ത്തി​ത്തു​ട​ങ്ങി​യ​തോ​ടെ ജി​ല്ല​യി​ലെ പ്ര​ധാ​ന ടൗ​ണു​ക​ൾ വാ​ഹ​ന​ത്തി​ര​ക്കി​ൽ വീ​ർ​പ്പുമു​ട്ടു​ന്ന അ​വ​സ്ഥ​യാ​യി. വ​സ്ത്ര​വ്യാ​പാ​ര ശാ​ല​ക​ൾ, ഗൃ​ഹോ​പ​ക​ര​ണ വി​പ​ണി, ചി​പ്സ് ക​ട​ക​ൾ, ഓ​ണം വി​പ​ണ​നമേ​ള​ക​ൾ തു​ട​ങ്ങി എ​ല്ലാ​യി​ട​ത്തും തി​ര​ക്കാ​ണ്.

ഓ​ഫ​റു​ക​ളു​ടെ പൊ​ടി പൂ​ര​മാ​ണ് വി​പ​ണി​യി​ൽ. കാ​റു​ക​ൾ മു​ത​ൽ ഇ​രുച​ക്ര വാ​ഹ​ന​ങ്ങ​ൾ, മൊ​ബൈ​ൽ ഫോ​ണു​ക​ൾ, സ്വ​ർ​ണ നാ​ണ​യ​ങ്ങ​ൾ, ഗി​ഫ്റ്റ് വൗ​ച്ച​റു​ക​ൾ എ​ന്നി​വ​യെ​ല്ലാം കാ​ട്ടി സ്ഥാ​പ​ന​ങ്ങ​ൾ ഉ​പ​യോ​ക്താ​ക്ക​ളെ ആ​ക​ർ​ഷി​ക്കു​ന്നു.

മു​ൻ ദി​വ​സ​ങ്ങ​ളി​ലേ​തു പോ​ലെ വ​സ്ത്ര​വ്യാ​പാ​ര ശാ​ല​ക​ളി​ൽ മ​ത്സ​ര​ക്ക​ച്ച​വ​ട​മാ​ണ് ന​ട​ക്കുന്ന​ത്. ഓ​ണ​ക്കോ​ടി വാ​ങ്ങാ​നെ​ത്തു​ന്ന​വ​രു​ടെ തി​ര​ക്ക് ഇ​ന്ന​ലെ രാ​ത്രി വ​രെ തു​ട​ർ​ന്നു.

ഓ​ണ​ക്കോ​ടി​യെ​ടു​ക്കാ​നും സ​ദ്യ​വ​ട്ട​ങ്ങ​ൾ​ക്കു​ള്ള വി​ഭ​വ​ങ്ങ​ൾ വാ​ങ്ങാ​നും കൂ​ടു​ത​ൽ പേ​ർ ഇ​ന്ന് വ്യാ​പാ​ര സ്ഥാ​പ​ന​ങ്ങ​ളി​ലേ​ക്ക് എ​ത്തും.

സ​ജീ​വ​മാ​യി പ​ച്ച​ക്ക​റി വി​പ​ണി

ഉ​ത്രാ​ട ദി​ന​മാ​യ ഇ​ന്ന് ഏ​റ്റ​വും വ​ലി​യ തി​ര​ക്കാ​ണ് പ്ര​തീ​ക്ഷി​ക്കു​ന്ന​ത് പ​ച്ച​ക്ക​റി വി​പ​ണി​യി​ലാ​ണ്. കൂ​ടു​ത​ൽ ഉ​ത്പ​ന്ന​ങ്ങ​ൾ​ക്കും ഇ​ത്ത​വ​ണ കാ​ര്യ​മാ​യ വി​ല​ക്ക​യ​റ്റ​മി​ല്ലാ​ത്ത​ത് സാ​ധാ​ര​ണ​ക്കാ​ർ​ക്ക് അ​നു​ഗ്ര​ഹ​മാ​കും. പ​ല​പ്പോ​ഴും ഓ​ണനാ​ളു​ക​ളി​ൽ പ​ച്ച​ക്ക​റി വി​ല കു​തി​ച്ചുക​യ​റു​ക​യാ​ണ് പ​തി​വ്. വ​ള്ളി​പ്പ​യ​ർ, പാ​വ​യ്ക്ക, പ​ച്ച​മാ​ങ്ങ തു​ട​ങ്ങി ചി​ല ഇ​ന​ങ്ങ​ളു​ടെ വി​ല​യി​ൽ മാ​ത്ര​മാ​ണ് വ​ർ​ധ​ന​യു​ള്ള​ത്.

ജി​ല്ല​യി​ൽ മി​ക്ക​യി​ട​ങ്ങ​ളി​ലും വ​ഴി​യോ​ര​ക്ക​ച്ച​വ​ടം ഉ​ൾ​പ്പെ​ടെ പ​ച്ച​ക്ക​റി​ക​ളു​ടെ വി​ൽ​പ​ന ത​കൃ​തി​യാ​യി ന​ട​ക്കു​ന്നു​ണ്ട്. ഓ​ണ​ത്തി​ന് പ​ച്ച​ക്ക​റി വി​ല നി​യ​ന്ത്രി​ക്കാ​നും ക​ർ​ഷ​ക​ർ​ക്ക് ന്യാ​യ​മാ​യ വി​ല ഉ​റ​പ്പാ​ക്കാ​നും ല​ക്ഷ്യ​മി​ട്ട് കൃ​ഷി​വ​കു​പ്പ്, ഹോ​ർ​ട്ടി​കോ​ർ​പ്, വി​എ​ഫ്പി​സി​കെ എ​ന്നി​വ​യു​ടെ ഓ​ണ​ച്ച​ന്ത​ക​ൾ ജി​ല്ല​യി​ൽ പ്ര​വ​ർ​ത്തി​ക്കു​ന്നു​ണ്ട്.

പാ​ഴ്സ​ലാ​യി സ​ദ്യ

ഓ​ണ​സ​ദ്യ വീ​ട്ടി​ലൊ​രു​ക്കാ​ൻ സ​മ​യ​മി​ല്ലാ​ത്ത​വ​ർ​ക്ക് പ​ല ഹോ​ട്ട​ലു​ക​ളും കേ​റ്റ​റിം​ഗ് സ​ർ​വീ​സു​ക​ളും ഓ​ണ​സ​ദ്യ ത​യാ​റാ​ക്കി ന​ൽ​കു​ന്നു​ണ്ട്. തി​രു​വോ​ണ ദി​വ​സം വ​രെ സ​ദ്യ ല​ഭ്യ​മാ​കും. വി​ഭ​വ​ങ്ങ​ളു​ടെ എ​ണ്ണം കൂ​ടു​ന്ന​ത​നു​സ​രി​ച്ച് വി​ല​യി​ലും മാ​റ്റം വ​രും. എ​ങ്കി​ലും തൂ​ശ​നി​ല ഉ​ൾ​പ്പെ​ടെ എ​ല്ലാ സ​ദ്യ​വ​ട്ട​ങ്ങ​ളും ഒ​രു​ക്കി​യാ​ണ് പാ​ഴ്സ​ൽ ന​ൽ​കു​ന്ന​ത്. ഹോ​ട്ട​ലു​ക​ളി​ൽ കു​ടും​ബ സ​മേ​തം സ​ദ്യ ക​ഴി​ക്കു​ന്ന​തി​നും ക്ര​മീ​ക​ര​ണ​മൊ​രു​ക്കി​യി​ട്ടു​ണ്ട്.

പാ​യ​സ​മേ​ള​ക​ളാ​ണ് വി​പ​ണി​യി​ലെ മ​റ്റൊ​രു ആ​ക​ർ​ഷ​ണം. പാ​ല​ട, അ​ട​പ്ര​ഥ​മ​ൻ, പ​രി​പ്പ്, ഗോ​ത​ന്പ് എ​ന്നി​വ​യാ​ണ് പ്ര​ധാ​ന ഇ​ന​ങ്ങ​ൾ. ഓ​ണ​സ​ദ്യ​യു​ടെ​യും പാ​യ​സ​ത്തി​ന്‍റെ​യും ബു​ക്കിം​ഗ് ഇ​ന്ന​ലെ​യും ത​കൃ​തി​യാ​യി ന​ട​ന്നു. ന​ഗ​ര​പ്ര​ദേ​ശ​ങ്ങ​ളി​ലാ​ണ് പാ​ഴ്സ​ൽ ഓ​ണ​സ​ദ്യ​ക്കു ആ​വ​ശ്യ​ക്കാ​ർ കൂ​ടു​ത​ൽ.

സി​നി​മ​യ്ക്കും തി​ര​ക്കേ​റി

ഹേ​മ ക​മ്മി​റ്റി റി​പ്പോ​ർ​ട്ടി​നെത്തു​ട​ർ​ന്നു​ള്ള പ്ര​തി​സ​ന്ധി ഉ​ണ്ടെ​ങ്കി​ലും ഓ​ണം റി​ലീ​സ് സി​നി​മ​ക​ൾ എ​ത്തി​യ​തി​നാ​ൽ തി​യ​റ്റ​റു​ക​ളി​ലേ​ക്ക് പ്രേ​ക്ഷ​ക​രു​ടെ ഒ​ഴു​ക്കും വ​ർ​ധി​ച്ചു. എ​ന്നാ​ൽ മു​ൻനി​ര ന​ട​ൻ​മാ​രു​ടെ ചി​ത്ര​ങ്ങ​ളു​ടെ റി​ലീ​സ് ഈ ​ഓ​ണ​ക്കാ​ല​ത്ത് ഇ​ല്ലാ​ത്ത​തി​ൽ സി​നി​മാ പ്രേ​മി​ക​ൾ നി​രാ​ശ​യി​ലാ​ണ്. ഓ​ണാ​വ​ധി​ക്കാ​ല​മാ​യ​തോ​ടെ ജി​ല്ല​യി​ലെ വി​നോ​ദ​സ​ഞ്ചാ​ര മേ​ഖ​ല​യും ഏ​റെ പ്ര​തീ​ക്ഷ​യി​ലാ​ണ്.

നി​ർ​ദേ​ശ​വു​മാ​യി ട്രാ​ഫി​ക് പോ​ലീ​സും

തൊ​ടു​പു​ഴ: ഓ​ണ​ത്തോ​ട​നു​ബ​ന്ധി​ച്ച് തി​ര​ക്ക് വ​ർ​ധി​ക്കാ​നു​ള്ള സാ​ധ്യ​ത ക​ണ​ക്കി​ലെ​ടു​ത്ത് റോ​ഡ് നി​യ​മ​ങ്ങ​ൾ പാ​ലി​ക്ക​ണ​മെ​ന്ന് ട്രാ​ഫി​ക് പോ​ലീ​സ്. ക​ഴി​യു​ന്ന​തും പാ​ർ​ക്കിം​ഗ് ഏ​രി​യ​ക​ളി​ൽ ത​ന്നെ വാ​ഹ​നം പാ​ർ​ക്ക് ചെ​യ്യാ​ൻ ശ്ര​മി​ക്കു​ക. റോ​ഡി​ന്‍റെ വ​ശ​ങ്ങ​ളി​ൽ അ​ല​ക്ഷ്യ​മാ​യി വാ​ഹ​നം പാ​ർ​ക്ക് ചെ​യ്തു പോ​ക​രു​ത്.

ഗ​താ​ഗ​ത​ക്കു​രു​ക്കി​ൽ​പ്പെ​ട്ടു കി​ട​ക്കു​ന്ന വാ​ഹ​ന​ങ്ങ​ളെ മ​റി​ക​ട​ക്കാ​ൻ ശ്ര​മി​ക്ക​രു​ത്. മു​ന്നി​ലു​ള്ള വാ​ഹ​നം നീ​ങ്ങു​ന്ന​തു​വ​രെ ക്ഷ​മ​യോ​ടെ കാ​ത്തി​രി​ക്കു​ക.

ട്രാ​ഫി​ക് ബ്ലോ​ക്കി​ലും മ​റ്റും അ​നാ​വ​ശ്യ​മാ​യി ഹോ​ണ്‍ മു​ഴ​ക്കി മ​റ്റു യാ​ത്ര​ക്കാ​ർ​ക്ക് ബു​ദ്ധി​മു​ട്ട് സൃ​ഷ്ടി​ക്ക​രു​ത്. ട്രാ​ഫി​ക് പോ​ലീ​സ് ഉ​ദ്യോ​ഗ​സ്ഥ​ർ ന​ൽ​കു​ന്ന നി​ർ​ദേ​ശ​ങ്ങ​ൾ പാ​ലി​ക്കു​ക. ഇ​ട​തു​വ​ശ​ത്തു കൂ​ടി​യു​ള്ള ഓ​വ​ർ​ടേ​ക്കിം​ഗ് ഒ​ഴി​വാ​ക്കു​ക.

ട്രാ​ഫി​ക് ബ്ലോ​ക്കി​ൽ മു​ന്നി​ലു​ള്ള വാ​ഹ​ന​വു​മാ​യി ഒ​രു സു​ര​ക്ഷി​ത അ​ക​ലം പാ​ലി​ക്കാ​ൻ ശ്ര​ദ്ധി​ക്കു​ക. വ്യാ​പാ​ര സ്ഥാ​പ​ന​ങ്ങ​ളു​ടെ പാ​ർ​ക്കിം​ഗ് ഏ​രി​യ​യി​ൽനി​ന്നു വാ​ഹ​ന​വു​മാ​യി റോ​ഡി​ലേ​ക്കു പ്ര​വേ​ശി​ക്കു​ന്പോ​ൾ ഏ​റെ ശ്ര​ദ്ധി​ക്കു​ക. മ​ത്സ​ര​ബു​ദ്ധി​യോ​ടെ വാ​ഹ​ന​മോ​ടി​ക്ക​രു​ത്. വേ​ഗം കു​റ​ച്ചു ഓ​ടി​ക്കു​ക.

വാ​ഹ​നം നി​ർ​ത്തു​ന്ന​തി​നും തി​രി​ക്കു​ന്ന​തി​നും മു​ന്പ് കൃ​ത്യ​മാ​യ സി​ഗ്ന​ൽ ന​ൽ​കു​ക. സീ​ബ്രാലൈ​നു​ക​ൾ ഇ​ല്ലാ​ത്ത ഭാ​ഗ​ങ്ങ​ളി​ലും കാ​ൽ​ന​ട​ക്കാ​ർ റോ​ഡ് കു​റു​കേ ക​ട​ക്കാ​ൻ സാ​ധ്യ​ത​യു​ള്ള​തി​നാ​ൽ ശ്ര​ദ്ധ ചെ​ലു​ത്തണമെന്നും പോലീസ് പറയുന്നു.