ഉപ്പു​ത​റ: അ​യ്യ​പ്പ​ൻ​കോ​വി​ൽ പ​ഞ്ചാ​യ​ത്തി​ലെ പു​ല്ല്മേ​ട് സു​ൽ​ത്താ​നി​യ നി​വാ​സി​ക​ളു​ടെ യാ​ത്രാ ക്ലേ​ശം രൂ​ക്ഷ​മാ​യി​ട്ട് ര​ണ്ടു വ​ർ​ഷം ക​ഴി​ഞ്ഞു. ത​ക​ർ​ന്ന റോ​ഡി​ലൂ​ടെ കാ​ൽ ന​ട​യാ​ത്ര പോ​ലും അ​സാ​ധ്യ​മാ​യി​ക്ക​ഴി​ഞ്ഞു. എ​ട്ടു വ​ർ​ഷം മു​മ്പ് ടാ​ർ ചെ​യ്ത റോ​ഡി​ൽ പി​ന്നീ​ട് അ​റ്റ​കു​റ്റപ്പ​ണി​ക​ളൊ​ന്നും ന​ട​ത്തി​യി​ട്ടി​ല്ല. തോ​ട്ടം തൊ​ഴി​ലാ​ളി​ക​ൾ തി​ങ്ങി​പ്പാ​ർ​ക്കു​ന്ന സു​ൽ​ത്താ​നി​യ​യി​ലേ​ക്കു​ള്ള ര​ണ്ട് കി​ലോ​മീ​റ്റ​ർ ദൂ​ര​മാ​ണ് ത​ക​ർ​ന്നുകി​ട​ക്കു​ന്ന​ത്.

2015 - 16 വ​ർ​ഷ​ത്തി​ൽ മു​ൻ എം ​എ​ൽ എ ​ഇ. എ​സ്. ബി​ജി​മോ​ളു​ടെ പ്രാ​ദേ​ശി​ക വി​ക​സ​ന ഫ​ണ്ട് അ​നു​വ​ദി​ച്ച് ഗ​താ​ഗ​ത യോ​ഗ്യ​മാ​ക്കി​യ റോ​ഡാ​ണ് ത​ക​ർ​ന്നു കി​ട​ക്കു​ന്ന​ത്. നി​ർ​മാ​ണം പൂ​ർ​ത്തി​യാ​യി ര​ണ്ട് വ​ർ​ഷം ക​ഴി​ഞ്ഞ​പ്പോ​ഴേ റോ​ഡ് ത​ക​ർ​ന്ന് തു​ട​ങ്ങി​യ​താ​ണ്. ഇ​ന്ന് റോ​ഡി​ൽ ടാ​ർ കാ​ണാ​ൻ പോ​ലു​മി​ല്ല.

മ​ഴ​ക്കാ​ല​ത്ത് പ​ല​ സ്ഥ​ല​ങ്ങ​ളി​ലും റോ​ഡി​ന് കു​റു​കെ തോ​ട് ഒ​ഴു​കു​ന്ന അ​വ​സ്ഥ​യാ​ണ്. തേ​ക്ക​ടി - കൊ​ച്ചി സം​സ്ഥാ​ന ഹൈ​വേ​യു​ടെ ഭാ​ഗ​മാ​യ പു​ല്ല്മേ​ട്ടി​ൽ നി​ന്നും ര​ണ്ടു കി​ലോ​മീ​റ്റ​ർ ദൂ​രം മാ​ത്ര​മാ​ണ് സു​ൽ​ത്താ​നി​യാ​യി​ലേ​ക്കു​ള്ള​ത്. എ​ന്നാ​ൽ ഇ​വി​ടെ വാ​ഹ​ന​ത്തി​ൽ എ​ത്ത​ണ​മെ​ങ്കി​ൽ ര​ണ്ടു മ​ണി​ക്കൂ​ർ വേ​ണം. സ്കൂ​ൾ കു​ട്ടി​ക​ളും രോ​ഗി​ക​ളും അ​ട​ക്കം ക​ട​ന്നുപോ​കു​ന്ന റോ​ഡി​നാ​ണ് ഈ ദു​ർ​ഗ​തി.​രാ​വി​ലെ​യും വൈ​കു​ന്നേ​ര​വും തോ​ട്ടം തൊ​ഴി​ലാ​ളി​ക​ളു​ടെ നി​ര​വ​ധി വാ​ഹ​ന​ങ്ങ​ളാ​ണ് ഇ​തു​വ​ഴി ക​ട​ന്നുപോ​കു​ന്ന​ത്.