ഉ​പ്പു​ത​റ: വി​വി​ധ സം​സ്ഥാ​ന​ങ്ങ​ളി​ലെ തോ​ട്ടം​തൊ​ഴി​ലാ​ളി​ക​ളു​ടെ ഗ്രാ​റ്റു​വി​റ്റി കു​ടി​ശി​ക നി​ർ​ണ​യി​ക്കാ​ൻ നി​യോ​ഗി​ച്ച ഏ​കാം​ഗ ക​മ്മീ​ഷ​ന്‍റെ അ​ന്തി​മ റി​പ്പോ​ർ​ട്ട് സു​പ്രീം​കോ​ട​തി ഇന്നു പ​രി​ഗ​ണി​ക്കും.
സു​പ്രീം​കോ​ട​തി റി​ട്ട. ജ​ഡ്ജി ജ​സ്റ്റീ​സ് അ​ഭ​യ് മ​നോ​ഹ​ർ സാ​പ്രേ​യ​യു​ടെ റി​പ്പോ​ർ​ട്ടാ​ണ് സു​പ്രീം​കോ​ട​തി പ​രി​ഗ​ണി​ക്കു​ന്ന​ത്.

ബ​ന്ധ​പ്പെ​ട്ട സം​സ്ഥാ​ന​ങ്ങ​ളി​ൽ സി​റ്റിം​ഗ് ന​ട​ത്തി തൊ​ഴി​ലാ​ളി​ക​ൾ​ക്ക് ല​ഭി​ക്കാ​നു​ള​ള കു​ടി​ശി​ക​യു​ടെ ക​ണ​ക്കെ​ടു​പ്പ് മൂ​ന്നു മാ​സം മു​ന്പ് ക​മ്മീ​ഷ​ൻ പൂ​ർ​ത്തി​യാ​ക്കി​യി​രു​ന്നു. അ​താ​തു സം​സ്ഥാ​ന സ​ർ​ക്കാ​രു​ക​ളു​ടെ വി​ശ​ദീ​ക​ര​ണ​വും തേ​ടി​യി​രു​ന്നു. ഇ​തെ​ല്ലാം ചേ​ർ​ത്തു​ള്ള റി​പ്പോ​ർ​ട്ടാ​ണ് ക​മ്മീ​ഷ​ൻ ത​യാ​റാ​ക്കി​യ​ത്.

സാ​മ്പ​ത്തി​ക പ്ര​തി​സ​ന്ധി​യും ന​ട​ത്തി​പ്പി​ലെ കെ​ടു​കാ​ര്യ​സ്ഥ​ത​യും മൂ​ലം കേ​ര​ളം, ത​മി​ഴ്നാ​ട്, പ​ശ്ചി​മ ബം​ഗാ​ൾ, ആ​സാം സം​സ്ഥാ​ന​ങ്ങ​ളി​ലെ നി​ര​വ​ധി തോ​ട്ട​ങ്ങ​ളാ​ണ് 2000-ൽ ​പൂ​ട്ടി​യ​ത്. കേ​ര​ള​ത്തി​ൽ പീ​രു​മേ​ട് ടീ ​ക​മ്പ​നി, ഗ്ലെ​ൻ മേ​രി, ലാ​ൺ​ട്രം, കൊ​ടു​വാ​ക്ക​ര​ണം, മ​ഞ്ചു​മ​ല, ഗ്രാ​മ്പി, നെ​ല്ലി​മ​ല, കോ​ഴി​ക്കാ​നം, മൗ​ണ്ട്, ത​ങ്ക​മ​ല, ബോ​ണ​ക്കാ​ട് എ​ന്നീ എ​സ്റ്റേ​റ്റു​ക​ളാ​ണ് പൂ​ട്ടി​യ​ത്.

തൊ​ഴി​ലാ​ളി​ക​ൾ​ക്കു ല​ഭി​ക്കേ​ണ്ട ഗ്രാ​റ്റു​വി​റ്റി, ശ​മ്പ​ള കു​ടി​ശി​ക, ലീ​വ് വി​ത്ത് വേ​ജ​സ്, ബോ​ണ​സ് തു​ട​ങ്ങി​യ കോ​ടി​ക്ക​ണ​ക്കി​നു രൂ​പ​യു​ടെ ആ​നു​കൂ​ല്യ​ങ്ങ​ൾ നി​ഷേ​ധി​ച്ചാ​യി​രു​ന്നു അ​ട​ച്ചു​പൂ​ട്ട​ൽ.

ഇ​തി​നെ​തി​രേ ഇ​ന്‍റ​ർ​നാ​ഷ​ണ​ൽ യൂ​ണി​യ​ൻ ഓ​ഫ് ഫു​ഡ് അ​ഗ്രി​ക​ൾ​ച്ച​റ​ൽ ആ​ൻ​ഡ് അ​തേ​ഴ്സ് എ​ന്ന സം​ഘ​ട​ന സു​പ്രീം കോ​ട​തി​യി​ൽ ഹ​ർ​ജി ന​ൽ​കി. ആ​നു​കൂ​ല്യ​ങ്ങ​ൾ ന​ൽ​കാ​ൻ 2006ൽ ​സു​പ്രീം​കോ​ട​തി ഉ​ത്ത​ര​വാ​യി.
വി​ധി ന​ട​പ്പാ​ക്കാ​ത്ത​തി​നെ​തി​രേ 2012-ൽ ​സം​ഘ​ട​ന വീ​ണ്ടും കോ​ട​തി​യെ സ​മീ​പി​ച്ചു. തു​ട​ർ​ന്നാ​ണ് ആ​നു​കൂ​ല്യ​ങ്ങ​ളു​ടെ ക​ണ​ക്കെ​ടൂ​പ്പ് ന​ട​ത്താ​ൻ ഏ​കാം​ഗ ക​മ്മീ​ഷ​നെ നി​യോ​ഗി​ച്ച​ത്.