കാ​ട്ടാ​നക്കൂട്ട​ം മുന്നിൽ; മരത്തിൽ കയറി രക്ഷപ്പെട്ട് യുവാവ്
Monday, September 26, 2022 10:28 PM IST
രാ​ജ​കു​മാ​രി: ചി​ന്ന​ക്ക​നാ​ല്‍ സി​ങ്കു​ക​ണ്ട​ത്തി​ന് സ​മീ​പം കാ​ട്ടാ​നക്കൂട്ട​ത്തി​നു മു​ന്നി​ല്‍പ്പെ​ട്ട ക​ര്‍​ഷ​ക​ന്‍ ഒ​ന്ന​ര മ​ണി​ക്കൂ​റോ​ളം മ​ര​ത്തി​നു മു​ക​ളി​ല്‍ ക​യ​റി​യി​രു​ന്ന് ജീ​വ​ന്‍ ര​ക്ഷി​ച്ചു. സി​ങ്കു​ക​ണ്ടം സ്വ​ദേ​ശി സ​ജി(40) ആ​ണ് ഇ​ന്ന​ലെ രാ​വി​ലെ 10 ന് ​കൃ​ഷി​യി​ട​ത്തി​ല്‍ കാ​ട്ടാ​നക്കൂ​ട്ട​ത്തി​ന്‍റെ മു​ന്നി​ല്‍ പെ​ട്ട​ത്. ഒ​രു കൊ​മ്പ​നും പി​ടി​യാ​ന​യും ര​ണ്ട് കു​ട്ടി​ക​ളു​മ​ട​ങ്ങു​ന്ന കാ​ട്ടാ​ന​ക്കൂ​ട്ട​ത്തി​ന്‍റെ മു​ന്നി​ൽ​നി​ന്നു​മാ​ണ് സ​ജി അ​ത്ഭു​ത​ക​ര​മാ​യി ര​ക്ഷ​പ്പെ​ട്ട​ത്.
കൊ​മ്പ​ന്‍ പാ​ഞ്ഞ​ടു​ത്ത​തോ​ടെ സ​ജി സ​മീ​പ​ത്തെ പു​ല്‍​മേ​ട്ടി​ലു​ള്ള യൂ​ക്കാ​ലി മ​ര​ത്തി​ന്‍റെ മു​ക​ളി​ല്‍ ക​യ​റു​ക​യാ​യി​രു​ന്നു. മ​ര​ത്തി​ന്‍റെ ചു​വ​ട്ടി​ൽ നി​ല​യു​റ​പ്പി​ച്ച കാ​ട്ടാ​നക്കൂ​ട്ടം അ​വി​ടെ മേ​ഞ്ഞു ന​ട​ക്കാ​ന്‍ തു​ട​ങ്ങി. സ​ജി ബ​ഹ​ളം വ​ച്ച​തോ​ടെ സ​മീ​പ​ത്തു​ണ്ടാ​യി​രു​ന്ന ചി​ല​ര്‍ ഇ​ത് ക​ണ്ടു. അ​വ​ര്‍ വ​നം വ​കു​പ്പ് ഉ​ദ്യോ​ഗ​സ്ഥ​രെ​യും വി​വ​രം അ​റി​യി​ച്ചു. നാ​ട്ടു​കാ​രും വ​നം വ​കു​പ്പ് ഉ​ദ്യോ​ഗ​സ്ഥ​രും പ​ട​ക്കം പൊ​ട്ടി​ച്ചും ബ​ഹ​ളം വ​ച്ചും ഏ​റെ പ​ണി​പ്പെ​ട്ടാ​ണ് കാ​ട്ടാ​ന​ക​ളെ ഇ​വി​ടെനി​ന്നു തു​ര​ത്തി​യ​ത്. അ​തി​നു ശേ​ഷ​മാ​ണ് സ​ജി​ക്ക് മ​ര​ത്തി​നു മു​ക​ളി​ൽ നി​ന്നും താ​ഴെ​യി​റ​ങ്ങാ​നാ​യ​ത്.

Copyright @ 2022 , Rashtra Deepika Ltd.