ധീ​ര​ജ് വ​ധം: കൊ​ല​പാ​ത​ക​ത്തി​ന് ഉ​പ​യോ​ഗി​ച്ച ക​ത്തി ക​ണ്ടെ​ത്താ​നാ​യി​ല്ല
Friday, January 21, 2022 10:30 PM IST
ചെ​റു​തോ​ണി: ഇ​ടു​ക്കി എ​ൻ​ജി​നി​യ​റിം​ഗ് കോ​ള​ജ് വി​ദ്യാ​ർ​ഥി ധീ​ര​ജ് കൊ​ല്ല​പ്പെ​ട്ട കേ​സി​ൽ തെ​ളി​വെ​ടു​പ്പി​നാ​യി പോ​ലീ​സ് ക​സ്റ്റ​ഡി​യി​ൽ വാ​ങ്ങി​യ ഒ​ന്നാം​പ്ര​തി നി​ഖി​ൽ പൈ​ലി​യു​ടെ​യും ര​ണ്ടാം​പ്ര​തി ജെ​റി​ൻ ജോ​ജോ​യു​ടെ​യും ക​സ്റ്റ​ഡി കാ​ലാ​വ​ധി അ​വ​സാ​നി​ച്ചു. ഇ​ന്ന് ഇ​രു​വ​രേ​യും ജി​ല്ലാ കോ​ട​തി​യി​ൽ ഹാ​ജ​രാ​ക്കും. കൊ​ല​യ്ക്കു​പ​യോ​ഗി​ച്ച ക​ത്തി ക​ണ്ടെ​ത്താ​നാ​കാ​തെ​യാ​ണ് പോ​ലീ​സ് പ്ര​തി​ക​ളെ കോ​ട​തി​യി​ൽ ഹാ​ജ​രാ​ക്കു​ന്ന​ത്. നി​ഖി​ൽ പൈ​ലി​യെ ഇ​ന്ന​ലെ​യും ഇ​ടു​ക്കി ക​ള​ക്ട​റേ​റ്റി​നു സ​മീ​പ​മു​ള്ള വ​ന​പ്ര​ദേ​ശ​ത്ത് എ​ത്തി​ച്ച് തെ​ളി​വെ​ടു​പ്പ് ന​ട​ത്തി​യി​രു​ന്നു. കാ​റി​ലി​രു​ന്ന് ക​ത്തി വ​ന​ത്തി​ലേ​ക്ക് വ​ലി​ച്ചെ​റി​ഞ്ഞെ​ന്നാ​ണ് നി​ഖി​ൽ പോ​ലീ​സി​നോ​ട് പ​റ​ഞ്ഞ​ത്. ഇ​തി​ന്‍റെ അ​ടി​സ്ഥാ​ന​ത്തി​ൽ നി​ഖി​ലി​നെ കാ​റി​ലി​രു​ത്തി ഡ​മ്മി പ​രീ​ക്ഷ​ണ​വും ന​ട​ത്തി. ഡ​മ്മി ആ​യു​ധം വീ​ണ പ്ര​ദേ​ശം പൂ​ർ​ണ​മാ​യി പ​രി​ശോ​ധി​ച്ചെ​ങ്കി​ലും ക​ത്തി ക​ണ്ടെ​ത്താ​ൻ ക​ഴി​ഞ്ഞി​ല്ല. മെ​റ്റ​ൽ ഡി​റ്റ​ക്ട​ർ ഉ​പ​യോ​ഗി​ച്ചാ​ണ് പോ​ലീ​സ് മു​ഖ്യ​തെ​ളി​വാ​യ ക​ത്തി​ക്കാ​യു​ള്ള തെ​ര​ച്ചി​ൽ ന​ട​ത്തി​യ​ത്.

കൊ​ല​പാ​ത​കം ന​ട​ന്ന് 11 ദി​വ​സ​മാ​യി​ട്ടും പ്ര​ധാ​ന തെ​ളി​വാ​യ ക​ത്തി ക​ണ്ടെ​ത്താ​നാ​വാ​ത്ത​ത് പോ​ലീ​സി​നെ ഏ​റെ കു​ഴ​പ്പി​ക്കു​ക​യാ​ണ്. ധീ​ര​ജി​നെ കു​ത്തി​യ​ശേ​ഷം പ്ര​തി സ​ഞ്ച​രി​ച്ച​താ​യി പ​റ​യു​ന്ന വ​ഴി​ക​ളി​ലൂ​ടെ പോ​ലീ​സ് ഇ​യാ​ളു​മാ​യി തെ​ളി​വെ​ടു​പ്പ് ന​ട​ത്തി. 20ന് ​ക​സ്റ്റ​ഡി കാ​ലാ​വ​ധി തീ​ർ​ന്ന മ​റ്റു പ്ര​തി​ക​ളാ​യ ടോ​ണി, നി​ഥി​ൻ, ജി​തി​ൻ എ​ന്നി​വ​രെ കോ​ട​തി​യി​ൽ ഹാ​ജ​രാ​ക്കി റി​മാ​ൻ​ഡു​ചെ​യ്തി​രു​ന്നു. നി​ഖി​ലി​നെ​യും ജെ​റി​നെ​യും വൈ​ദ്യ​പ​രി​ശോ​ധ​ന​യ്ക്കു​ശേ​ഷം ഇ​ന്ന് കോ​ട​തി​യി​ൽ ഹാ​ജ​രാ​ക്കും. പോ​ലീ​സി​ന്‍റെ ക​ന​ത്ത സു​ര​ക്ഷാ​വ​ല​യ​ത്തി​ലാ​ണ് പ്ര​തി​ക​ളെ വൈ​ദ്യ​പ​രി​ശോ​ധ​ന​യ്ക്കും തെ​ളി​വെ​ടു​പ്പി​നും കൊ​ണ്ടു​വ​ന്ന​ത്.

ഇ​ടു​ക്കി ഡി​വൈ​എ​സ്പി ഇ​മ്മാ​നു​വ​ൽ പോ​ളി​ന്‍റെ മേ​ൽ​നോ​ട്ട​ത്തി​ൽ ഇ​ടു​ക്കി സ​ർ​ക്കി​ൾ ഇ​ൻ​സ്പെ​ക്ട​ർ ബി. ​ജ​യ​ന്‍റെ നേ​തൃ​ത്വ​ത്തി​ലു​ള്ള അ​ന്വേ​ഷ​ണ സം​ഘ​മാ​ണ് പ്ര​തി​ക​ളു​മാ​യി തെ​ളി​വെ​ടു​പ്പ് ന​ട​ത്തി​യ​ത്.