ജീ​വ​ൻ കൈ​യി​ലെ​ടു​ത്ത് ഓ​ടി​ക്ക​ട​ന്ന പാ​ല​ത്തി​ൽ കാ​ഴ്ച​കാ​ണാ​ൻ അ​വ​നെ​ത്തി
Tuesday, October 19, 2021 10:05 PM IST
ചെ​റു​തോ​ണി: 2018 ഓ​ഗ​സ്റ്റ് 15-ന് ​ഉ​ച്ച​ക​ഴി​ഞ്ഞ് മൂ​ന്നോ​ട​ടു​ത്ത​പ്പോ​ൾ ചെ​റു​തോ​ണി പാ​ല​ത്തി​ലൂ​ടെ എ​ൻ​ഡി​ആ​ർ​ഫ് ഉ​ദ്യോ​ഗ​സ്ഥ​ന്‍റെ മാ​റി​ൽ പ​തി​ഞ്ഞു​കി​ട​ന്ന് ജീ​വി​ത​ത്തി​ലേ​ക്ക് ഓ​ടി​ക്ക​യ​റി​യ സൂ​ര​ജ് ര​ണ്ടു​വ​ർ​ഷ​ത്തി​നു​ശേ​ഷം ചെ​റു​തോ​ണി ഡാം ​വീ​ണ്ടും തു​റ​ന്ന​പ്പോ​ൾ വെ​ള്ള​മൊ​ഴു​കു​ന്ന കാ​ഴ്ച​കാ​ണാ​ൻ പി​താ​വി​നോ​ടൊ​പ്പം അ​തേ പാ​ല​ത്തി​ലെ​ത്തി.
അ​ന്ന് ചെ​റു​തോ​ണി അ​ണ​ക്കെ​ട്ടി​ന്‍റെ അ​ഞ്ചു ഷ​ട്ട​റു​ക​ളും ഉ​യ​ർ​ത്തി വെ​ള്ളം ചെ​റു​തോ​ണി പു​ഴ​യി​ലൂ​ടെ കു​തി​ച്ചു പാ​യു​ന്പോ​ഴാ​ണ് ഗാ​ന്ധി​ന​ഗ​ർ കോ​ള​നി​യി​ലെ താ​മ​സ​ക്കാ​ര​നാ​യ കാ​ര​ക്കാ​ട്ട് പു​ത്ത​ൻ​വീ​ട്ടി​ൽ വി​ജ​യ​രാ​ജി​ന്‍റെ​യും മ​ഞ്ജു​വി​ന്‍റെ​യും മ​ക​ൻ സൂ​ര​ജി​ന് തു​ള്ളി​വി​റ​യ്ക്കു​ന്ന പ​നി ഉ​ണ്ടാ​യ​ത്. ഒ​പ്പം ശ്വാ​സ ത​ട​സ​വും.
അ​ണ​ക്കെ​ട്ട് തു​റ​ന്ന​വി​വ​രം അ​റി​യാ​മെ​ങ്കി​ലും കു​ഞ്ഞി​നെ എ​ത്ര​യും​വേ​ഗം ഇ​ടു​ക്കി ജി​ല്ലാ ആ​ശു​പ​ത്രി​യി​ൽ എ​ത്തി​ക്ക​ണം. മ​റ്റൊ​ന്നും ആ​ലോ​ചി​ച്ചി​ല്ല. കു​ട്ടി​യേ​യും എ​ടു​ത്ത് വി​ജ​യ​രാ​ജ് ചെ​റു​തോ​ണി പാ​ല​ത്തി​ലൂ​ടെ മ​റു​ക​ര​യി​ലേ​ക്ക് ഓ​ടാ​ൻ ശ്ര​മി​ച്ചു. പെ​ട്ടെ​ന്ന് എ​ൻ​ഡി​ആ​ർ​എ​ഫി​ന്‍റെ ഒ​രു ഉ​ദ്യോ​ഗ​സ്ഥ​ൻ കു​ട്ടി​യെ ബ​ല​മാ​യി പി​ടി​ച്ചു​വാ​ങ്ങി നി​ങ്ങ​ൾ പി​ന്നാ​ലെ വ​ന്നാ​ൽ മ​തി എ​ന്നു​പ​റ​ഞ്ഞ് വെ​ള്ളം ക​വി​ഞ്ഞൊ​ഴു​കു​ന്ന പാ​ല​ത്തി​ലൂ​ടെ മാ​റു​ക​ര​യി​ലേ​ക്ക് ഓ​ടി. പി​ന്നാ​ലെ വി​ജ​യ​രാ​ജും. പാ​ല​ത്തി​ല​പ്പോ​ൾ കാ​ൽ​പാ​ദം മൂ​ടി മാ​ത്ര​മേ വെ​ള്ള​മു​ണ്ടാ​യി​രു​ന്നു​ള്ളു. ഇ​വ​ർ പാ​ലം ക​ട​ക്കു​ക​യും ഒ​രാ​ൾ പൊ​ക്ക​ത്തി​ൽ പാ​ല​ത്തി​ൽ വെ​ള്ളം പൊ​ങ്ങി. ഒ​രു​നി​മി​ഷം വൈ​കി​യി​രു​ന്നെ​ങ്കി​ൽ.... ഇ​പ്പോ​ഴും ഓ​ർ​ക്കു​ന്പോ​ൾ ഭ​യം തോ​ന്നു​ക​യാ​ണെ​ന്ന് വി​ജ​യ​രാ​ജ് പ​റ​യു​ന്നു. ആ ​ഉ​ദ്യോ​ഗ​സ്ഥ​രെ പി​ന്നീ​ട് ക​ണ്ടി​ട്ടി​ല്ല. ഒ​രു ന​ന്ദി​വാ​ക്കു​പോ​ലും പ​റ​യാ​ൻ ക​ഴി​ഞ്ഞി​ല്ലെ​ന്ന് അ​ദ്ദേ​ഹം ആ​കു​ല​പ്പെ​ടു​ന്നു. വി​ജ​യ​രാ​ജി​നും മ​ക​ൻ സൂ​ര​ജി​നും ഇ​തു ര​ണ്ടാം ജ​ൻ​മ​മാ​ണ്. ആ​ശു​പ​ത്രി​യി​ൽ​നി​ന്നും മ​രു​ന്നും വാ​ങ്ങി തി​രി​കെ ചെ​റു​തോ​ണി​യി​ൽ എ​ത്തി​യ​പ്പോ​ഴാ​ണ് ഗാ​ന്ധി​ന​ഗ​ർ കോ​ള​നി​യി​ലു​ള്ള ത​ന്‍റെ വീ​ട്ടി​ലേ​ക്ക് പോ​കാ​ൻ മാ​ർ​ഗ​മി​ല്ലെ​ന്ന​റി​ഞ്ഞ​ത്. ത​ന്‍റെ കൈ​വ​ശം പ​ണ​വു​മി​ല്ല. ശ​ക്ത​മാ​യ മ​ഴ. അ​പ​രി​ചി​ത​നാ​യ ഒ​രു പോ​ലീ​സ് ഓ​ഫീ​സ​ർ 100 രൂ​പ എ​ടു​ത്തു ത​ന്നു. ഇ​തൊ​ന്നു​മ​റി​യാ​തെ സൂ​ര​ജ് അ​ച്ഛ​ന്‍റെ തോ​ളി​ൽ മ​യ​ങ്ങു​ക​യാ​യി​രു​ന്നു. പി​ന്നീ​ട് ഒ​രു സു​ഹൃ​ത്തി​ന്‍റെ ബൈ​ക്കി​ൽ കു​ട്ടി​യു​മാ​യി കി​ലോ​മീ​റ്റ​ർ ചു​റ്റി​ക്ക​റ​ങ്ങി രാ​ത്രി ഏ​ഴോ​ടെ വീ​ട്ടി​ലെ​ത്തി. അ​ന്ന് രാ​ത്രി അ​യ​ൽ​പ​ക്ക​ത്തു​ണ്ടാ​യ ഉ​രു​ൾ​പൊ​ട്ട​ലി​ൽ അ​ഞ്ചു​പേ​ർ മ​രി​ച്ചു. അ​തോ​ടെ ഇ​വ​രു​ടെ കു​ടും​ബം ദു​രി​താ​ശ്വാ​സ ക്യാ​ന്പി​ലേ​ക്കും മാ​റ്റ​പ്പെ​ട്ടു.
ഓ​രോ വ​ർ​ഷ​വും മ​ഴ​ക്കാ​ലം ആ​രം​ഭി​ക്കു​ന്പോ​ൾ വി​ജ​യ​രാ​ജി​ന്‍റെ​യും കു​ടും​ബ​ത്തി​ന്‍റെ​യും ഉ​ള്ളി​ൽ തീ​യാ​ണ്. എ​ന്നാ​ലും അ​ണ​ക്കെ​ട്ട് തു​റ​ന്ന​പ്പോ​ൾ മ​ക​ൻ സൂ​ര​ജി​നെ​യും ഭാ​ര്യ മ​ഞ്ജു​വി​നെ​യും മ​ക​ൾ മ​ഞ്ജി​മ​യെ​യും കൂ​ട്ടി വി​ജ​യ​രാ​ജ് ചെ​റു​തോ​ണി പാ​ല​ത്തി​ലെ​ത്തി​യി​രു​ന്നു. ഇ​പ്പോ​ൾ ആ​റു വ​യ​സു​ള്ള സൂ​ര​ജ് ഇ​ടു​ക്കി ന്യു​മാ​ൻ സ്കൂ​ളി​ലെ ഒ​ന്നാം​ക്ലാ​സ് വി​ദ്യാ​ർ​ഥി​യാ​ണ്.