ആ​ദ്യം രാ​ജ​ഭ​ര​ണം , പി​ന്നെ ജ​നാ​ധി​പ​ത്യ വ​ഴി​യി​ലേ​ക്ക്
Friday, March 5, 2021 10:10 PM IST
തൊ​ടു​പു​ഴ:​ രാ​ജ​ഭ​ര​ണ​ത്തി​ന്‍റെ​യും പ​ട​യോ​ട്ട​ത്തി​ന്‍റെ​യും ച​രി​ത്രം ഉ​റ​ങ്ങു​ന്ന കീ​ഴ്മ​ലൈ നാ​ടി​ന്‍റെ ആ​സ്ഥാ​ന​മാ​യി​രു​ന്നു കാ​രി​ക്കോ​ട്. ചേ​ര​സാ​മ്രാ​ജ്യ​ത്തി​ന്‍റെ ത​ക​ർ​ച്ച​യ്ക്കു ശേ​ഷം കു​ല​ശേ​ഖ​ര രാ​ജാ​ക്ക​ൻ​മാ​രു​ടെ കാ​ല​യ​ള​വി​ൽ ഭ​ര​ണ സൗ​ക​ര്യ​ത്തി​നാ​യി കേ​ര​ള​ത്തെ വി​ഭ​ജി​ച്ച​പ്പോ​ൾ തൊ​ടു​പു​ഴ, മൂ​വാ​റ്റു​പു​ഴ പ്ര​ദേ​ശ​ങ്ങ​ൾ അ​റി​യ​പ്പെ​ട്ടി​രു​ന്ന​ത് കീ​ഴ്മ​ലൈ നാ​ട് എ​ന്നാ​യി​രു​ന്നു.
​മാ​റി​ക പ​ള്ളി​യു​ടെ നാ​ളാ​ഗ​മ​ത്തി​ൽ കാ​രി​ക്കോ​ടി​നെ ‘തൊ​ടു​പു​ഴ കൊ​ട്ടാ​രം’ എ​ന്നാ​ണ് വി​ശേ​ഷി​പ്പി​ച്ചി​രു​ന്ന​ത്. കീ​ഴ്മ​ലൈ​നാ​ട് വാ​ണി​രു​ന്ന രാ​ജാ​വി​ന്‍റെ ആ​ന​ക​ൾ​ക്ക് വെ​ള്ളം ന​ൽ​കാ​നും കു​ളി​പ്പി​ക്കാ​നും കൊ​ണ്ടു​പോ​യി​രു​ന്ന​ത് മൂ​വാ​റ്റു​പു​ഴ​യാ​റി​ലാ​യി​രു​ന്നു. കാ​രി​ക്കോ​ടു നി​ന്നും മൂ​വാ​റ്റു​പു​ഴ​യി​ലേ​ക്ക് ആ​ന​ക​ൾ ന​ട​ന്നു​തെ​ളി​ഞ്ഞ വ​ഴി​യാ​ണ് തൊ​ടു​പു​ഴ-​മൂ​വാ​റ്റു​പു​ഴ റോ​ഡാ​യി മാ​റി​യ​ത്.​ പി​ന്നീ​ട് ആ​യി​ല്യം തി​രു​നാ​ൾ മ​ഹാ​രാ​ജാ​വി​ന്‍റെ കാ​ല​യ​ള​വി​ൽ തൊ​ടു​പു​ഴ-​മൂ​വാ​റ്റു​പു​ഴ റോ​ഡ് വീ​തി കൂ​ട്ടി സ​ഞ്ചാ​ര​യോ​ഗ്യ​മാ​ക്കി. 1599-ൽ ​വ​ട​ക്കും​കൂ​ർ രാ​ജാ​വ് കീ​ഴ്മ​ലൈ നാ​ട് കീ​ഴ​ട​ക്കാ​ൻ വ​ലി​യൊ​രു സൈ​ന്യ​മാ​യി എ​ത്തി​യ​താ​യും പു​രാ​ത​ന രേ​ഖ​ക​ളി​ലു​ണ്ട്.
കീ​ഴ്മ​ലൈ നാ​ടി​നെ​യും വേ​ന്പൊ​ലി നാ​ടി​നെ​യും ത​മ്മി​ൽ വേ​ർ​തി​രി​ച്ചി​രു​ന്ന പു​രാ​ത​ന​മാ​യ മ​ണ്‍​കോ​ട്ട​യാ​ണ് പി​ന്നീ​ട് മൂ​വാ​റ്റു​പു​ഴ-​തേ​നി സം​സ്ഥാ​ന​പാ​ത​യാ​യി പ്ര​ഖ്യാ​പി​ച്ച​ത്.​
കാ​രി​ക്കോ​ടി​നു സ​മീ​പ​മു​ള്ള ആ​ർ​പ്പാ​മ​റ്റം യു​ദ്ധ​ക്ക​ള​മാ​യി​രു​ന്നു​വെ​ന്ന് രേ​ഖ​ക​ളി​ലു​ണ്ട്. കീ​ഴ്മ​ലൈ​നാ​ടി​ന്‍റെ ആ​സ്ഥാ​ന​മാ​യി സ്ഥി​തി​ചെ​യ്തി​രു​ന്ന കാ​രി​ക്കോ​ട് പി​ന്നീ​ട് ഏ​റെ മാ​റി. രാ​ജ​ഭ​ര​ണം മാ​റി കാ​രി​ക്കോ​ട്-​തൊ​ടു​പു​ഴ പ്ര​ദേ​ശം തി​രു​വി​താം​കൂ​ർ പ്ര​ജാ​സ​ഭ​യ്ക്കു കീ​ഴി​ലാ​യി. എം​എ​ൽ​സി​മാ​രു​ടെ നേ​തൃ​ത്വ​ത്തി​ലാ​യി​രു​ന്നു പ്ര​ജാ​സ​ഭ​യു​ടെ ഭ​ര​ണം.​ ഇ​വ​രു​ടെ ഭ​ര​ണ​ത്തി​ന് അ​റു​തി​വ​രു​ത്തി​യാ​ണ് പി​ന്നീ​ട് ജ​നാ​യ​ത്ത ഭ​ര​ണം നി​ല​വി​ൽ വ​രു​ന്ന​ത്. തൊ​ടു​പു​ഴ അ​സം​ബ്ലി മ​ണ്ഡ​ലം രൂ​പീ​കൃ​ത​മാ​യ​തി​നു​ശേ​ഷം 1957-ൽ ​ന​ട​ന്ന ആ​ദ്യ തെ​ര​ഞ്ഞെ​ടു​പ്പി​ൽ മ​ണ്ഡ​ല​ത്തെ പ്ര​തി​നി​ധീ​ക​രി​ച്ച് നി​യ​മ​സ​ഭ​യി​ൽ എ​ത്തി​യ​ത് കോ​ണ്‍​ഗ്ര​സി​ലെ സി.​എ.​ മാ​ത്യു​വാ​ണ്.​ സി​പി​ഐ​യി​ലെ നാ​രാ​യ​ണ​ൻ​നാ​യ​രെ 10,469 വോ​ട്ടു​ക​ൾ​ക്കാ​ണ് പ​രാ​ജ​യ​പ്പെ​ടു​ത്തി​യ​ത്.
സം​സ്ഥാ​ന​ത്ത് ആ​ദ്യ​മാ​യി അ​ധി​കാ​ര​ത്തി​ലെ​ത്തി​യ ഇ​എം​എ​സ് സ​ർ​ക്കാ​രി​ന്‍റെ നേ​തൃ​ത്വ​ത്തി​ലു​ള്ള മ​ന്ത്രി സ​ഭ​യെ വി​മോ​ച​ന​സ​മ​ര​ത്തെ തു​ട​ർ​ന്നു പി​രി​ച്ചു​വി​ടു​ക​യാ​യി​രു​ന്നു. തു​ട​ർ​ന്നു 1960-ൽ ​ന​ട​ന്ന തെ​ര​ഞ്ഞെ​ടു​പ്പി​ൽ സി.​എ.​മാ​ത്യു സി​പി​ഐ സ്ഥാ​നാ​ർ​ഥി​യാ​യി​രു​ന്ന ജോ​സ് ഏ​ബ്ര​ഹാ​മി​നെ 20,257 വോ​ട്ടു​ക​ൾ​ക്കാ​ണ് പ​രാ​ജ​യ​പ്പെ​ടു​ത്തി​യ​ത്. 1965-ൽ ​കേ​ര​ള കോ​ണ്‍​ഗ്ര​സി​ലെ​ത്തി​യ സി.​എ.​മാ​ത്യു സ്വ​ത​ന്ത്ര​സ്ഥാ​നാ​ർ​ഥി​യാ​യി മ​ത്സരി​ച്ച കെ.​സി.​ സ​ക്ക​റി​യ​യെ 4093 വോ​ട്ടു​ക​ൾ​ക്കും പ​രാ​ജ​യ​പ്പെ​ടു​ത്തി നി​യ​മ​സ​ഭ​യി​ലെ​ത്തി. എ​ന്നാ​ൽ 1967-ൽ ​ന​ട​ന്ന തെ​ര​ഞ്ഞെ​ടു​പ്പി​ൽ കേ​ര​ള കോ​ണ്‍​ഗ്ര​സി​ലെ ഇ.​എം. ​ജോ​സ​ഫി​നെ 1,635 വോ​ട്ടു​ക​ൾ​ക്ക് പ​രാ​ജ​യ​പ്പെ​ടു​ത്തി സ്വ​ത​ന്ത്ര​നാ​യി മ​ൽ​സ​രി​ച്ച കെ.​സി.​സ​ക്ക​റി​യ വി​ജ​യ​ക്കൊ​ടി പാ​റി​ച്ചു.
1970-ൽ ​ക​ന്നി​യ​ങ്ക​ത്തി​നി​റ​ങ്ങി​യ പി.​ജെ.​ജോ​സ​ഫ് സി​പി​എം സ്വ​ത​ന്ത്ര​ൻ യു.​കെ.​ ചാ​ക്കോ​യെ 1,635 വോ​ട്ടു​ക​ൾ​ക്ക് ത​റ​പ്പ​റ്റി​ച്ച് ജൈ​ത്ര​യാ​ത്ര ആ​രം​ഭി​ച്ചു.​ പി​ന്നീ​ട് 1977, 1980, 1982, 1987 എ​ന്നീ​വ​ർ​ഷ​ങ്ങ​ളി​ൽ ന​ട​ന്ന തെ​ര​ഞ്ഞെ​ടു​പ്പി​ലും നി​യ​മ​സ​ഭ​യി​ലെ​ത്തി​യ​ത് പി.​ജെ.​ജോ​സ​ഫ് ത​ന്നെ​യാ​യി​രു​ന്നു.​ രാ​ജ്യ​ത്ത് അ​ടി​യ​ന്ത​രാ​വ​സ്ഥ പ്ര​ഖ്യാ​പി​ച്ചി​രു​ന്ന​തി​നാ​ലാ​ണ് 1970 നു​ശേ​ഷം തെ​ര​ഞ്ഞെ​ടു​പ്പി​ന് ഏ​ഴു​വ​ർ​ഷം കാ​ത്തി​രി​ക്കേ​ണ്ടി​വ​ന്ന​ത്.1977-​ൽ കേ​ര​ള​കോ​ണ്‍​ഗ്ര​സ് ബാ​ല​കൃ​ഷ്ണ​പി​ള്ള വി​ഭാ​ഗം സ്ഥാ​നാ​ർ​ഥി​യാ​യി​രു​ന്ന എ.​സി.​ ചാ​ക്കോ​യെ 13,908 വോ​ട്ടു​ക​ൾ​ക്കും 1980-ൽ ​കോ​ണ്‍​ഗ്ര​സി​ലെ കു​സു​മം ജോ​സ​ഫി​നെ 10,317 വോ​ട്ടു​ക​ൾ​ക്കും 1982-ൽ ​ആ​ർ​എ​സ്പി​യി​ലെ എ​ൻ.​എ. ​പ്ര​ഭ​യെ 15,738 വോ​ട്ടു​ക​ൾ​ക്കും 1987-ൽ ​സി​പി​എ​മ്മി​ലെ എം.​സി. ​മാ​ത്യു​വി​നെ 10,252 വോ​ട്ടു​ക​ൾ​ക്കും പ​രാ​ജ​യ​പ്പെ​ടു​ത്തി മി​ക​ച്ച​വി​ജ​യം നേ​ടാ​ൻ അ​ദ്ദേ​ഹ​ത്തി​നാ​യി.
പി.​ജെ.​ ജോ​സ​ഫ് യു​ഡി​എ​ഫ് വി​ട്ട് എ​ൽ​ഡി​എ​ഫി​ൽ എ​ത്തി​യ ശേ​ഷം 1991-ൽ ​ന​ട​ന്ന തെ​ര​ഞ്ഞെ​ടു​പ്പി​ൽ കേ​ര​ള കോ​ണ്‍​ഗ്ര​സ് -ജെ ​സ്ഥാ​നാ​ർ​ഥി​യാ​യി​രു​ന്ന പി.​സി.​ജോ​സ​ഫി​നെ കോ​ണ്‍​ഗ്ര​സി​ലെ പി.​ടി.​തോ​മ​സ് 1,092 വോ​ട്ടു​ക​ൾ​ക്ക് പ​രാ​ജ​യ​പ്പെ​ടു​ത്തി മ​ണ്ഡ​ലം യു​ഡി​എ​ഫ് നി​ല​നി​ർ​ത്തി. എ​ന്നാ​ൽ പി.​ജെ.​ ജോ​സ​ഫ് 1996-ലെ ​തെ​ര​ഞ്ഞെ​ടു​പ്പി​ൽ കോ​ണ്‍​ഗ്ര​സി​ലെ പി.​ടി. ​തോ​മ​സി​നെ 4,124 വോ​ട്ടു​ക​ൾ​ക്ക് ത​റ​പ്പ​റ്റി​ച്ച് മ​ണ്ഡ​ലം തി​രി​ച്ചു​പി​ടി​ച്ചു.
2001-ലെ ​തെ​ര​ഞ്ഞെ​ടു​പ്പി​ൽ വീ​ണ്ടും ഇ​വ​ർ ത​മ്മി​ലാ​യി​രു​ന്നു പോ​രാ​ട്ടം.​ വാ​ശി​യേ​റി​യ പോ​രാ​ട്ട​ത്തി​ൽ പി.​ടി. ​തോ​മ​സി​നാ​യി​രു​ന്നു വി​ജ​യം.6,125 വോ​ട്ടു​ക​ളു​ടെ ഭൂ​രി​പ​ക്ഷ​ത്തി​ലാ​ണ് വി​ജ​യി​ച്ച​ത്. എ​ന്നാ​ൽ 2006-ൽ ​പി.​ജെ.​ജോ​സ​ഫ് 13,781 വോ​ട്ടു​ക​ൾ​ക്ക് പി.​ടി.​തോ​മ​സി​നെ വീ​ണ്ടും പ​രാ​ജ​യ​പ്പെ​ടു​ത്തി മ​ണ്ഡ​ലം കൈ​പ്പി​ടി​യി​ലൊ​തു​ക്കി.​ പി​ന്നീ​ട് യു​ഡി​എ​ഫി​ൽ മ​ട​ങ്ങി​യെ​ത്തി​യ പി.​ജെ.​ജോ​സ​ഫ് കേ​ര​ള കോ​ണ്‍​ഗ്ര​സ് -എം ​സ്ഥാ​നാ​ർ​ഥി​യാ​യി മ​ത്സ​​രി​ച്ച 2011-ൽ ​എ​ൽ​ഡി​എ​ഫ് സ്വ​ത​ന്ത്ര സ്ഥാ​നാ​ർ​ഥി പ്ര​ഫ.​ ജോ​സ​ഫ് അ​ഗ​സ്റ്റി​നെ 22,868 വോ​ട്ടു​ക​ൾ​ക്ക് ത​റ​പ​റ്റി​ച്ചു.2011-​ലെ നി​യ​മ​സ​ഭാ തെ​ര​ഞ്ഞെ​ടു​പ്പി​ൽ പി.​ജെ. ​ജോ​സ​ഫ് ച​രി​ത്ര​നേ​ട്ടം കൊ​യ്തു. ​എ​ൽ​ഡി​എ​ഫ് സ്വ​ത​ന്ത്ര സ്ഥാ​നാ​ർ​ഥി അ​ഡ്വ. ​റോ​യി വാ​രി​കാ​ട്ടി​നെ 45,587 വോ​ട്ടു​ക​ൾ​ക്ക് പ​രാ​ജ​യ​പ്പെ​ടു​ത്തി
സം​സ്ഥാ​ന​ത്തെ റി​ക്കാ​ർ​ഡ് ഭൂ​രി​പ​ക്ഷ​വും ജോ​സ​ഫ് സ്വ​ന്ത​മാ​ക്കി. ഇ​ത്ത​വ​ണ​യും ഈ ​വി​ജ​യം ആ​വ​ർ​ത്തി​ക്കു​മോ​യെ​ന്നാ​ണ് ഏ​വ​രും ഉ​റ്റു​നോ​ക്കു​ന്ന​ത്. തൊ​ടു​പു​ഴ ന​ഗ​ര​സ​ഭ​യും താ​ലൂ​ക്കി​ൽ ഉ​ൾ​പ്പെ​ടു​ന്ന ആ​ല​ക്കോ​ട്, ഇ​ട​വെ​ട്ടി, ക​രി​മ​ണ്ണൂ​ർ, ക​രി​ങ്കു​ന്നം, കോ​ടി​ക്കു​ളം, കു​മാ​ര​മം​ഗ​ലം, മ​ണ​ക്കാ​ട്, മു​ട്ടം, പു​റ​പ്പു​ഴ, ഉ​ടു​ന്പ​ന്നൂ​ർ, വ​ണ്ണ​പ്പു​റം, വെ​ള്ളി​യാ​മ​റ്റം എ​ന്നീ 12 പ​ഞ്ചാ​യ​ത്തു​ക​ളും ചേ​ർ​ന്ന​താ​ണ് തൊ​ടു​പു​ഴ നി​യ​മ​സ​ഭാ മ​ണ്ഡ​ലം.​ക​ഴി​ഞ്ഞ ത​ദ്ദേ​ശ തെ​ര​ഞ്ഞെ​ടു​പ്പി​ൽ ഇ​തി​ൽ പ​ത്തു​പ​ഞ്ചാ​യ​ത്തു​ക​ളും യു​ഡി​എ​ഫ് പി​ടി​ച്ചെ​ടു​ത്തു.​
തൊ​ടു​പു​ഴ ന​ഗ​ര​സ​ഭ​യി​ൽ സ്വ​ത​ന്ത്ര​രു​ടെ പി​ന്തു​ണ​യോ​ടെ എ​ൽ​ഡി​എ​ഫ് ഭ​ര​ണം പി​ടി​ച്ചെ​ങ്കി​ലും സാ​ങ്കേ​തി​ക​മാ​യി യു​ഡി​എ​ഫി​നു ത​ന്നെ​യാ​ണ് മു​ൻ​തൂ​ക്കം.​ ത​ദ്ദേ​ശ തെ​ര​ഞ്ഞെ​ടു​പ്പി​ലെ നേ​ട്ട​ത്തി​ന്‍റെ ആ​ത്മ​വി​ശ്വാ​സ​വു​മാ​യാ​ണ് തൊ​ടു​പു​ഴ​യി​ൽ പി.​ജെ.​ജോ​സ​ഫ് വീ​ണ്ടും അ​ങ്കം​കു​റി​ക്കു​ന്ന​ത്. എ​ന്നാ​ൽ എ​ൽ​ഡി​എ​ഫ് സ​ർ​ക്കാ​രി​ന്‍റെ ഭ​ര​ണ​നേ​ട്ടം ഉ​യ​ർ​ത്തി​ക്കാ​ട്ടി അ​ട്ടി​മ​റി വി​ജ​യം നേ​ടാ​നാ​ണ് എ​ൽ​ഡി​എ​ഫ് ശ്ര​മം.