പൊ​ൻ​കു​ന്നം: പൊന്ന​യ്ക്ക​ൽ​ക്കു​ന്ന്-​കു​ന്നും​ഭാ​ഗം റോ​ഡ് വി​ക​സ​ന​ത്തി​നാ​യി സ്ഥ​ലം വി​ട്ടു​കൊ​ടു​ത്ത സ്‌​കൂ​ളി​ന് സം​ര​ക്ഷ​ണ​ഭി​ത്തി നി​ർ​മി​ച്ചു ന​ൽ​കാ​ൻ ചി​റ​ക്ക​ട​വ് പ​ഞ്ചാ​യ​ത്തി​നു ത​ദ്ദേ​ശ​വ​കു​പ്പി​ന്‍റെ ഉ​ത്ത​ര​വ്. ചി​റ​ക്ക​ട​വ് വെ​ള്ളാ​ള​സ​മാ​ജം സ്‌​കൂ​ളി​ന്‍റെ തെ​ക്കു​വ​ശ​ത്ത് 20 അ​ടി ഉ​യ​ര​മു​ള്ള കെ​ട്ട് നി​ർ​മി​ക്കാ​നാ​ണ് ഉ​ത്ത​ര​വ് ന​ൽ​കി​യ​തെ​ന്നു സ്‌​കൂ​ൾ അ​ധി​കൃ​ത​ർ പ​ത്ര​സ​മ്മേ​ള​ന​ത്തി​ൽ പറ​ഞ്ഞു.

റോ​ഡ് വീ​തി കൂ​ട്ടു​ന്ന​തി​നാ​യി മ​ണ്ണെ​ടു​ത്തു​മാ​റ്റി​യ ഭാ​ഗം അ​പ​ക​ട​ക​ര​മാ​യ തി​ട്ട​യാ​യി. സ്‌​കൂ​ൾ കെ​ട്ടി​ട​ത്തോ​ടു​ചേ​ർ​ന്നു തി​ട്ട പ​ല​വ​ട്ടം മ​ണ്ണി​ടി​ഞ്ഞ് അ​പ​ക​ടാ​വ​സ്ഥ​യി​ലാ​യി. പൊ​തു​സു​ര​ക്ഷ ക​ണ​ക്കി​ലെ​ടു​ത്ത് പ​ഞ്ചാ​യ​ത്തി​ന്‍റെ റോ​ഡ് മെ​യി​ന്‍റ​ന​ൻ​സ് ഫ​ണ്ടോ ത​ന​തു​ഫ​ണ്ടോ വി​ക​സ​ന​ഫ​ണ്ടോ വി​നി​യോ​ഗി​ക്കു​ന്ന​തി​നു പ​ഞ്ചാ​യ​ത്തി​നു സ​ർ​ക്കാ​ർ അ​നു​മ​തി ന​ൽ​കി.

2017 മു​ത​ൽ ഈ ​ആ​വ​ശ്യ​വു​മാ​യി വ​കു​പ്പു​ക​ളു​ടെ പി​ന്നാ​ലെ പ​രാ​തി​യു​മാ​യി ന​ട​ന്നി​ട്ടും എ​ട്ടു​വ​ർ​ഷ​ത്തി​നു​ശേ​ഷ​മാ​ണ് പ​രി​ഹാ​ര​ത്തി​നു വ​ഴി​തു​റ​ന്ന​ത്. ത്രി​ത​ല പ​ഞ്ചാ​യ​ത്ത്, പൊ​തു​മ​രാ​മ​ത്ത് വ​കു​പ്പ്, ജി​ല്ലാ​ഭ​ര​ണ​കൂ​ടം, മനു​ഷ്യാ​വ​കാ​ശ ക​മ്മീ​ഷ​ൻ, ഹൈ​ക്കോ​ട​തി തു​ട​ങ്ങി വി​വി​ധ ത​ല​ങ്ങ​ളി​ൽ പ​രാ​തി​ക​ളു​മാ​യി സ​മീ​പി​ച്ചു.

ജി​ല്ലാ​ ഭ​ര​ണ​കൂ​ട​വും മ​നു​ഷ്യാ​വ​കാ​ശ ക​മ്മീ​ഷ​നും ഹൈ​ക്കോ​ട​തി​യും അ​നു​കൂ​ല നി​ർ​ദേ​ശ​ങ്ങ​ൾ ന​ൽ​കി​യി​ട്ടും ഫ​ണ്ടി​ന്‍റെ അ​പ​ര്യാ​പ്ത​ത പ​റ​ഞ്ഞ് പ​ഞ്ചാ​യ​ത്ത് ഒ​ഴി​വാ​യി. നി​ർ​മാ​ണം ഏ​റ്റെ​ടു​ക്കേ​ണ്ട​തി​ല്ലെ​ന്നു പ​ഞ്ചാ​യ​ത്ത് ക​മ്മി​റ്റി തീ​രു​മാ​ന​മെ​ടു​ക്കു​ക​യും ചെ​യ്തി​രു​ന്നു. ഇ​തി​നി​ടെ​യാ​ണ് സ​ർ​ക്കാ​ർ ഉ​ത്ത​ര​വ്.

പ​ത്ര​സ​മ്മേ​ള​ന​ത്തി​ൽ മാ​നേ​ജ്‌​മെ​ന്‍റ് ക​മ്മി​റ്റി പ്ര​സി​ഡ​ന്‍റ് ടി.​പി. ര​വീ​ന്ദ്ര​ൻ​പി​ള്ള, സെ​ക്ര​ട്ട​റി എം.​എ​ൻ. രാ​ജ​ര​ത്‌​നം, ക​ൺ​വീ​ന​ർ സു​മേ​ഷ് ശ​ങ്ക​ർ പു​ഴ​യ​നാ​ൽ, ട്ര​ഷ​റ​ർ പി.​പി. രാ​ജ​ൻ, പി​ടി​എ പ്ര​സി​ഡ​ന്‍റ് ജി​ൻ​സ് തോ​മ​സ്, പ്ര​ഥ​മാ​ധ്യാ​പി​ക പി.​എ​ൻ. സി​ജു, ബി. ​ശ്രീ​രാ​ജ്, വി.​എ​ൻ. ഹ​രി​കൃ​ഷ്ണ​ൻ തു​ട​ങ്ങി​യ​വ​ർ പ​ങ്കെ​ടു​ത്തു.