വാഹന്‍ വെബ്സൈറ്റില്‍ മൊബൈല്‍ നമ്പര്‍ ചേര്‍ക്കാം
1513837
Thursday, February 13, 2025 11:51 PM IST
പാലാ: വാഹനങ്ങളുടെ രജിസ്ട്രേഷന്‍ സര്‍ട്ടിഫിക്കറ്റ് ഡിജിറ്റല്‍ ആക്കുന്നതിന്‍റെ ഭാഗമായി വാഹന ഉടമകളുടെ മൊബൈല്‍ നമ്പരുകള്‍ വാഹന്‍ വെബ്സൈറ്റില്‍ ഉള്‍പ്പെടുത്തുന്നതിന് പാലാ സബ് ആര്‍ടി ഓഫീസില്‍ പ്രത്യേക കൗണ്ടര്‍ തുടങ്ങി.
ആധാറുമായി ബന്ധിപ്പിച്ച മൊബൈല്‍ നമ്പര്‍ ആയിരിക്കണം വാഹനില്‍ ചേര്‍ക്കേണ്ടത്. അപേക്ഷകന് സ്വന്തമായും അക്ഷയകേന്ദ്രങ്ങള്‍, ഇ-സേവാകേന്ദ്രങ്ങള്‍ എന്നിവ വഴിയും മൊബൈല്‍ നമ്പര്‍ ആധാറുമായി ബന്ധിപ്പിക്കാം. ഇതിന് സാധിക്കാത്തവര്‍ ഇ-ആധാര്‍ ഉപയോഗിച്ച് അക്ഷയകേന്ദ്രങ്ങള്‍, ഇ-സേവാകേന്ദ്രങ്ങള്‍ എന്നിവ വഴി ഓണ്‍ലൈനായി അപേക്ഷകള്‍ സമര്‍പ്പിച്ച ശേഷം ആര്‍ടി ഓഫീസിലെ പ്രത്യേക കൗണ്ടറില്‍ എത്തി മൊബൈല്‍ നമ്പര്‍ ചേര്‍ക്കാം.
ജില്ലയിലെ എല്ലാ ആര്‍ടി, സബ് ആര്‍ ഓഫീസുകളിലും ഈ സൗകര്യം 15 വരെ ലഭ്യമായിരിക്കുമെന്ന് പാലാ ജോയിന്‍റ് ആര്‍ടിഒ അറിയിച്ചു.