സൗ​​ജ​​ന്യ നി​​ര​​ക്കി​​ൽ കാ​ർ​ഷി​ക യ​ന്ത്ര​ങ്ങ​ളുടെ സ​ർ​വീ​സ് ക്യാ​മ്പു​മാ​യി കൃ​ഷി​വ​കു​പ്പ്
Monday, October 14, 2024 3:13 AM IST
കു​​റ​​വി​​ല​​ങ്ങാ​​ട്: ചെ​​റു​​കി​​ട കാ​​ർ​​ഷി​​ക ഉ​​പ​​ക​​ര​​ണ​​ങ്ങ​​ൾ​​ക്ക് സൗ​​ജ​​ന്യ നി​​ര​​ക്കി​​ൽ അ​​റ്റ​​കു​​റ്റ​​പ്പ​​ണി​​ക​​ൾ സ​​മ്മാ​​നി​​ച്ച് കൃ​​ഷി വ​​കു​​പ്പ്. കോ​​ട്ട​​യം ജി​​ല്ല​​യി​​ൽ 20 കേ​​ന്ദ്ര​​ങ്ങ​​ളി​​ൽ ഇ​​ത്ത​​ര​​ത്തി​​ലു​​ള്ള സ​​ർ​​വീ​​സ് ക്യാ​​മ്പു​​ക​​ൾ ന​​ട​​ത്താ​​നാ​​ണ് തീ​​രു​​മാ​​നം. ഇ​​തി​​നോ​​ട​​കം വൈ​​ക്കം, പ​​ന​​ച്ചി​​ക്കാ​​ട് എ​​ന്നി​​വി​​ട​​ങ്ങ​​ളി​​ൽ ക്യാ​​മ്പു​​ക​​ൾ ന​​ട​​ത്തി​​ക്ക​​ഴി​​ഞ്ഞു.

കൃ​​ഷി വ​​കു​​പ്പി​​ന്‍റെ ആ​​ഭി​​മു​​ഖ്യ​​ത്തി​​ൽ ക​​ർ​​ഷ​​ക​​രു​​ടെ​​യും പാ​​ട​​ശേ​​ഖ​​ര​​സ​​മി​​തി​​ക​​ളു​​ടെ​​യും ക​​ർ​​ഷ​​ക​​ക്കൂ​​ട്ടാ​​യ്മ​​ക​​ളു​​ടെ​​യും വ്യ​​ക്തി​​ക​​ളു​​ടെ​​യും കൈ​​വ​​ശ​​മു​​ള്ള കാ​​ർ​​ഷി​​ക യ​​ന്ത്ര​​ങ്ങ​​ളു​​ടെ ത​​ക​​രാ​​റു​​ക​​ൾ പ​​രി​​ഹ​​രി​​ച്ച് പ്ര​​വ​​ർ​​ത്ത​​ന​​ക്ഷ​​മ​​മാ​​ക്കു​​ക​​യാ​​ണ് ല​​ക്ഷ്യം. 1000 രൂ​​പ വ​​രെ​​യു​​ള്ള പാ​​ർ​​ട്സു​​ക​​ൾ ഉ​​പ​​യോ​​ഗി​​ച്ചു​​ള്ള സ​​ർ​​വീ​​സ് സൗ​​ജ​​ന്യ​​മാ​​യി​​രി​​ക്കും എ​​ന്ന​​താ​​ണ് പ​​ദ്ധ​​തി​​യു​​ടെ വ​​ലി​​യ നേ​​ട്ടം.


യ​​ന്ത്ര​​ങ്ങ​​ളു​​ടെ സ്പെ​​യ​​ർ പാ​​ർ​​ട്സു​​ക​​ൾ​​ക്ക് നി​​ബ​​ന്ധ​​ന​​ക​​ൾ​​ക്ക് വി​​ധേ​​യ​​മാ​​യി ബി​​ൽ​​തു​​ക​​യു​​ടെ 25 ശ​​ത​​മാ​​നം മു​​ത​​ൽ നൂ​​റു​​ശ​​ത​​മാ​​നം വ​​രെ പ​​ര​​മാ​​വ​​ധി 2500 രൂ​​പ വ​​രെ​​യും ലേ​​ബ​​ർ ചാ​​ർ​​ജി​​ന്‍റെ 25 ശ​​ത​​മാ​​നം വ​​രെ പ​​ര​​മാ​​വ​​ധി 1000 രൂ​​പ​​വ​​രെ​​യും കുറവ് ല​​ഭി​​ക്കു​​ം.

കൃ​​ഷി​​വ​​കു​​പ്പി​​ന്‍റെ എ​​ൻ​​ജി​​നി​​യ​​റിം​​ഗ് വി​​ഭാ​​ഗ​​മാ​​ണ് പ​​ദ്ധ​​തി​​യു​​ടെ മേ​​ൽ​​നോ​​ട്ട ചു​​മ​​ത​​ല. ജി​​ല്ല​​യി​​ലെ മൂ​​ന്നാ​​മ​​ത്തെ സ​​ർ​​വീ​​സ് ക്യാ​​മ്പ് നാ​​ളെ കോ​​ഴാ​​യി​​ലു​​ള്ള ക​​സ്റ്റം ഹ​​യ​​റിം​​ഗ് സെ​​ന്‍റ​​റി​​ൽ ന​​ട​​ക്കും. ന​​ന്നാ​​ക്കാ​​ൻ കൊ​​ണ്ടു​​വ​​രു​​ന്ന കാ​​ർ​​ഷി​​ക യ​​ന്ത്ര​​ങ്ങ​​ളെ സം​​ബ​​ന്ധി​​ച്ച വി​​വ​​ര​​ങ്ങ​​ൾ മു​​ൻ​​കൂ​​റാ​​യി വി​​ളി​​ച്ച് അ​​റി​​യി​​ക്കേ​​ണ്ട​​താ​​ണ്. ഫോ​​ണ്‍: 9496681854 , 9496846155