പെ​രു​വ കു​ന്ന​പ്പ​ള്ളി​യി​ല്‍ അ​ന​ധി​കൃ​ത മ​ണ്ണെ​ടു​പ്പ് വ്യാ​പ​കം
Wednesday, October 9, 2024 5:45 AM IST
പെ​രു​വ: കു​ന്ന​പ്പ​ള്ളി​യി​ല്‍ അ​ന​ധി​കൃ​ത മ​ണ്ണെ​ടു​പ്പ് വ്യാ​പ​കം. റോ​ഡ് ത​ക​ര്‍ത്തും ഗ​താ​ഗ​ത ത​ട​സ​മു​ണ്ടാ​ക്കി​യു​മാ​ണ് അ​ന​ധി​കൃ​ത മ​ണ്ണെ​ടു​പ്പ് ന​ട​ക്കു​ന്ന​തെ​ന്ന് നാ​ട്ടു​കാ​ര്‍ ആ​രോ​പി​ക്കു​ന്നു.

നി​ര്‍മാ​ണ പ്ര​വ​ര്‍ത്ത​ന​ങ്ങ​ള്‍ ന​ട​ത്താ​നെ​ന്ന പേ​രി​ല്‍ കു​റ​ച്ച് മ​ണ്ണ് നീ​ക്കു​ന്ന​തി​നാ​യി അ​നു​മ​തി വാ​ങ്ങി​യ ശേ​ഷ​മാ​ണ് വ​ന്‍തോ​തി​ല്‍ മ​ണ്ണി​ടി​ച്ചു ക​ട​ത്തു​ന്ന​ത്. പെ​രു​വ കു​ന്ന​പ്പി​ള്ളി ബാ​പ്പു​ജി ഇം​ഗ്ലീ​ഷ് മീ​ഡി​യം സ്‌​കൂ​ളി​ന് എ​തി​ര്‍വ​ശ​ത്തു​ള്ള റോ​ഡ​രി​കി​ലാ​ണ് മ​ണ്ണെ​ടു​പ്പ് ന​ട​ക്കു​ന്ന​ത്.

റോ​ഡി​ല്‍ നി​ര​ത്തി​യി​ട്ടി​രി​ക്കു​ന്ന ടി​പ്പ​ര്‍, ടോ​റ​സ് ലോ​റി​ക​ള്‍ വാ​ഹ​ന ഗ​താ​ഗ​ഗ​ത​ത്തി​നും ത​ട​സം സൃ​ഷ്ടി​ക്കു​ന്നു. ആ​ല​പ്പു​ഴ, ചേ​ര്‍ത്ത​ല, കു​മ​ര​കം തു​ട​ങ്ങീ പ്ര​ദേ​ശ​ങ്ങ​ളി​ല്‍ നി​ന്നു​ള്ള ടി​പ്പ​ര്‍, ടോ​റ​സ് ലോ​റി​ക​ളാ​ണ് മ​ണ്ണെ​ടു​ക്കു​ന്ന​തി​നാ​യി ഇ​വി​ടെ​യെ​ത്തു​ന്ന​ത്. സ്‌​കൂ​ളി​ന് സ​മീ​പ​ത്താ​യി വ​ഴി​യി​ല്‍ ഊ​ഴം കാ​ത്ത് ലോ​റി​ക​ള്‍ കാ​ത്തു കി​ട​ക്കു​ന്ന​തും റോ​ഡി​ലൂ​ടെ ചീ​റിപ്പാ​യു​ന്ന​തും സ്‌​കൂ​ള്‍ വാ​ഹ​ന​ങ്ങ​ള്‍ക്ക് ഉ​ൾ​പ്പെ​ടെ അ​പ​ക​ട ഭീ​ഷ​ണി ഉ​യ​ര്‍ത്തു​ന്നു​ണ്ടെ​ന്നും നാ​ട്ടു​കാ​ര്‍ പ​റ​യു​ന്നു. പെ​രു​വ-​ക​ടു​ത്തു​രു​ത്തി റോ​ഡി​ല്‍ പ​ഴ​യ പാ​റ​മ​ട​യ്ക്കു സ​മീ​പ​ത്തേ​ക്കാ​ണ് ലോ​റി​ക​ള്‍ ലോ​ഡു​മാ​യെ​ത്തു​ന്ന​ത്.


അ​ന​ധി​കൃ​ത​മാ​യി റോ​ഡ​രി​കി​ല്‍ ടി​പ്പ​ര്‍, ടോ​റ​സ് ലോ​റി​ക​ള്‍ പാ​ര്‍ക്ക് ചെ​യ്തി​രി​ക്കു​ന്ന​ത് അ​പ​ക​ട​ത്തി​ന് കാ​ര​ണ​മാ​കു​ന്ന​താ​യും നാ​ട്ടു​കാ​ര്‍ പ​റ​യു​ന്നു. അ​ന​ധി​കൃ​ത മ​ണ്ണെ​ടു​പ്പി​നെ​തി​രേ പ​ല​ത​വ​ണ പ​രാ​തി​പ്പെ​ട്ടി​ട്ടും തു​ട​ര്‍ന​ട​പ​ടി​ക​ളി​ല്ലെ​ന്നും നാ​ട്ടു​കാ​ര്‍ക്ക് ആ​ക്ഷേ​പ​മു​ണ്ട്.