ത​ല​യാ​ഴം പ​ഞ്ചാ​യ​ത്തിൽ പ്ര​സി​ഡ​ന്‍റ് സ്ഥാ​ന​ത്തെ ചൊ​ല്ലി ത​ർ​ക്കം
Friday, September 20, 2024 7:15 AM IST
ത​ല​യാ​ഴം: ത​ല​യാ​ഴം പ​ഞ്ചാ​യ​ത്തി​ൽ കോ​ൺ​ഗ്ര​സ് നേ​തൃ​ത്വം നി​ശ്ച​യി​ച്ച കാ​ലാ​വ​ധി ക​ഴി​ഞ്ഞി​ട്ടും പ്ര​സി​ഡ​ന്‍റ് സ്ഥാ​നം രാ​ജി​വ​യ്ക്കാ​ൻ ഭൈ​മി വി​ജ​യ​ൻ ത​യാ​റാ​കാ​ത്ത​ത് കോ​ൺ​ഗ്ര​സി​ൽ ക​ടു​ത്ത പ്ര​തി​സ​ന്ധി സൃ​ഷ്ടി​ക്കു​ന്നു.

ഡി​സി​സി പ്ര​സി​ഡ​ന്‍റി​നെ ക​ണ്ട് പ്ര​ശ്ന​പ​രി​ഹാ​ര​മു​ണ്ടാ​ക്കാ​ൻ കോ​ൺ​ഗ്ര​സ് ജ​ന​പ്ര​തി​നി​ധി​ക​ൾ ഇ​ന്ന് ഡി​സി​സി നേ​തൃ​ത്വ​ത്തെ കാ​ണും. ത​ല​യാ​ഴ​ത്ത് ക​ഴി​ഞ്ഞ ത​വ​ണ കോ​ൺ​ഗ്ര​സ് വി​മ​ത​രാ​യി വി​ജ​യി​ച്ച മൂ​ന്നു​പേ​രു​ടെ പി​ൻ​ബ​ല​ത്തോ​ടെ​യാ​ണ് പ​ഞ്ചാ​യ​ത്ത് ഭ​ര​ണം എ​ൽ​ഡി​എ​ഫി​ൽ നി​ന്ന് പി​ടി​ച്ചെ​ടു​ത്ത​ത്. കോ​ൺ​ഗ്ര​സ് വി​മ​ത​രാ​യി വി​ജ​യി​ച്ച മൂ​ന്നു പേ​ർ​ക്കും പ്ര​സി​ഡ​ന്‍റ് സ്ഥാ​നം നി​ശ്ചി​ത കാ​ലം ന​ൽ​കാ​മെ​ന്ന പാ​ർ​ട്ടി നേ​തൃ​ത്വ​ത്തി​ന്‍റെ ഉ​റ​പ്പി​ലാ​ണ് പ​തി​റ്റാ​ണ്ടു​ക​ളാ​യി എ​ൽ​ഡി​എ​
ഫ് കു​ത്ത​ക​യാ​ക്കി​യ പ​ഞ്ചാ​യ​ത്ത് ഭ​ര​ണം തി​രി​ച്ചു പി​ടി​ക്കാ​ൻ വി​മ​ത​ർ കോ​ൺ​ഗ്ര​സ് നേ​തൃ​ത്വ​ത്തി​ന്‍റെ തീ​രു​മാ​ന​ത്തെ അം​ഗീ​ക​രി​ച്ച​ത്.

ഇ​ത​നു​സ​രി​ച്ച് കെ. ​ബി​നി​മോ​ൻ ആ​ദ്യ വ​ർ​ഷ​വും തു​ട​ർ​ന്ന് ബി.​എ​ൽ. സെ​ബാ​സ്റ്റ്യ​ന് ഒ​ന്ന​ര വ​ർ​ഷ​വും പ്ര​സി​ഡ​ന്‍റാ​യി. പി​ന്നീ​ട് ഒ​രു വ​ർ​ഷ​ക്കാ​ല​ത്തേ​ക്കാ​ണ് കോ​ൺ​ഗ്ര​സി​ലെ സീ​നി​യ​ർ അം​ഗം ഭൈ​മി വി​ജ​യ​ൻ പ്ര​സി​ഡ​ന്‍റാ​യ​ത്. ഭൈ​മി വി​ജ​യ​ന്‍റെ ഭ​ര​ണ കാ​ലാ​വ​ധി ഓഗ​സ്റ്റ് 14ന് ​അ​വ​സാ​നി​ച്ച​താ​യി കോ​ൺ​ഗ്ര​സ് ബ്ലോ​ക്ക് പ്ര​സി​ഡ​ന്‍റ് പി.​ഡി. ഉ​ണ്ണി പ​റ​യു​ന്നു.


ഇ​നി ശേ​ഷി​ക്കു​ന്ന ഒ​ന്ന​ര വ​ർ​ഷ​ക്കാ​ലം പ​ഞ്ചാ​യ​ത്ത് വി​ക​സ​ന സ്റ്റാ​ൻ​ഡിം​ഗ് ക​മ്മ​റ്റി ചെ​യ​ർ​മാ​നാ​യ ര​മേ​ഷ് പി. ​ദാ​സാ​ണ് പ്ര​സി​ഡ​ന്‍റാ​കേ​ണ്ട​ത്. കാ​ലാ​വ​ധി ക​ഴി​ഞ്ഞി​ട്ടും ഭൈ​മി വി​ജ​യ​ൻ രാ​ജി​വ​യ്ക്കാ​ത്ത​താ​ണ് കോ​ൺ​ഗ്ര​സ് നേ​തൃ​ത്വ​ത്തെ പ്ര​തി​സ​ന്ധി​യി​ലാ​ക്കു​ന്ന​ത്.

കാ​ര്യ​ങ്ങ​ൾ അ​വി​ശ്വാ​സ പ്ര​മേ​യ​ത്തി​ലേ​ക്കെ​ത്തി​ക്കും

ത​ല​യാ​ഴം: വി​വി​ധ ത​ര​ത്തി​ൽ അ​നു​ന​യ​നീ​ക്ക​ങ്ങ​ൾ ന​ട​ത്തി​യി​ട്ടും പ​ഞ്ചാ​യ​ത്ത് പ്ര​സി​ഡ​ന്‍റ് സ്ഥാ​നം രാ​ജി​വ​യ്ക്കാ​ൻ ഭൈ​മി വി​ജ​യ​ൻ ത​യാ​റാ​കാ​ത്ത​ത് കാ​ര്യ​ങ്ങ​ൾ അ​വി​ശ്വാ​സ പ്ര​മേ​യ​ത്തി​ലേ​ക്കെത്തി​ക്കു​മെ​ന്ന് പ​ഞ്ചാ​യ​ത്തി​ലെ കോ​ൺ​ഗ്ര​സ് അം​ഗ​ങ്ങ​ൾ.

പോ​ഷ​ക സം​ഘ​ട​ന​ക​ളാ​യ ക​ർ​ഷ​ക കോ​ൺ​ഗ്ര​സും യൂ​ത്ത് കോ​ൺ​ഗ്ര​സും പ്ര​സി​ഡ​ന്‍റ് രാ​ജി​വ​യ്ക്ക​ണ​മെ​ന്നാ​വ​ശ്യ​പ്പെ​ട്ട് രം​ഗ​ത്തു​ണ്ട്. 15 അം​ഗ പ​ഞ്ചാ​യ​ത്ത് ഭ​ര​ണ​സ​മി​തി​യി​ൽ കോ​ൺ​ഗ്ര​സ്- ഒ​ൻ​പ​ത്, സി​പി​എം- നാ​ല്, സി​പി​ഐ- ഒ​ന്ന്, ബി​ജെ​പി- ഒ​ന്ന് എ​ന്നി​ങ്ങ​നെ​യാ​ണ് ക​ക്ഷി നി​ല