സ്ഥ​ല പ​രി​ശോ​ധ​ന ന​ട​ത്തി; നൂ​റ​നാ​ട് കേ​ന്ദ്രീ​യ വി​ദ്യാ​ല​യം
Wednesday, October 9, 2024 6:41 AM IST
ചാ​രും​മൂ​ട്: നൂ​റ​നാ​ട് ഐ​ടി​ബി​പി ക്യാ​മ്പി​നോ​ട​നു​ബ​ന്ധി​ച്ച് ആ​രം​ഭി​ക്കു​ന്ന കേ​ന്ദ്രീ​യ വി​ദ്യാ​ല​യ​ത്തി​നു​ള്ള സ്ഥ​ല പ​രി​ശോ​ധ​ന പൂ​ർ​ത്തി​യാ​യി. കൊ​ടി​ക്കു​ന്നി​ൽ സു​രേ​ഷ് എംപിയു​ടെ സാ​ന്നി​ധ്യ​ത്തി​ൽ കേ​ന്ദ്രീ​യ വി​ദ്യാ​ല​യം ഡെ​പ്യൂ​ട്ടി ക​മ്മീ​ഷ​ണ​ർ, സെ​ൻ​ട്ര​ൽ പി​ഡ​ബ്ല്യു​ഡി എ​ൻ​ജി​നിയ​ർ, റ​വ​ന്യു ഡി​വി​ഷ​ണ​ൽ ഓ​ഫീ​സ​ർ എ​ന്നി​വ​രു​ടെ നേ​തൃ​ത്വ​ത്തി​ലാ​യി​രു​ന്നു പ​രി​ശോ​ധ​ന.

സ്ഥ​ല​പ​രി​ശോ​ധ​ന​യ്ക്കു മു​ന്നോ​ടി​യാ​യി ഐ​ടി​ബി​പി ക്യാ​മ്പ് ആ​സ്ഥാ​ന​ത്ത് ന​ട​ന്ന അ​വ​ലോ​ക​ന യോ​ഗ​ത്തി​ൽ കേ​ന്ദ്രീ​യ വി​ദ്യാ​ല​യം സ്പോ​ൺ​സ​റിം​ഗ് ഏ​ജ​ൻ​സി​യു​ടെ പ്ര​തി​നി​ധി കൂ​ടി​യാ​യ ബ​റ്റാ​ലി​യ​ൻ ക​മാ​ൻ​ഡ​ൻ​റ് കേ​ന്ദ്രീ​യ വി​ദ്യാ​ല​യ​ത്തി​നാ​യി നീ​ക്കിവ​ച്ചി​ട്ടു​ള്ള ക്യാ​മ്പ് സ്ഥ​ല​ത്തെ​പ്പ​റ്റി​യും സം​സ്ഥാ​ന സ​ർ​ക്കാ​ർ പു​തു​താ​യി അ​നു​വ​ദി​ച്ച സ്ഥ​ല​ത്തെ​പ്പ​റ്റി​യു​മു​ള്ള വി​വ​ര​ങ്ങ​ൾ വി​ശ​ദീ​ക​രി​ച്ചു. തു​ട​ർ​ന്ന് കേ​ന്ദ്രീ​യ വി​ദ്യാ​ല​യം ഡെ​പ്യൂ​ട്ടി ക​മ്മീ​ഷ​ണ​ർ സ്ഥ​ലം തെര​ഞ്ഞെ​ടു​പ്പ് മാ​ന​ദ​ണ്ഡ​ങ്ങ​ളെപ്പറ്റി വി​വ​ര​ങ്ങ​ൾ ന​ൽ​കി.

സം​സ്ഥാ​ന സ​ർ​ക്കാ​ർ കേ​ന്ദ്രീ​യ വി​ദ്യാ​ല​യ​ത്തി​നാ​യി അ​നു​വ​ദി​ച്ച അ​ധി​ക​മാ​യി ആ​വ​ശ്യ​മു​ള്ള 1.73 ഏ​ക്ക​ർ സ്ഥ​ലം സ​ന്ദ​ർ​ശി​ച്ച സം​ഘം പ്ര​സ്തു​ത സ്ഥ​ല​ത്തെ പ​റ്റി ആ​ശ​ങ്ക അ​റി​യി​ക്കു​ക​യും ചെ​യ്തു. നി​ല​വി​ലു​ള്ള കേ​ന്ദ്രീ​യ വി​ദ്യാ​ല​യ​ത്തി​ന്‍റെ മാ​ന​ദ​ണ്ഡ പ്ര​കാ​ര​വും സെ​ൻ​ട്ര​ൽ പി​ഡ​ബ്ല്യു​ഡി​യു​ടെ മാ​നു​വ​ൽ പ്ര​കാ​ര​വും സം​സ്ഥാ​ന സ​ർ​ക്കാ​ർ അ​നു​വ​ദി​ച്ച സ്ഥ​ലം അ​നു​യോ​ജ്യ​മ​ല്ലെ​ന്ന് അ​റി​യി​ക്കു​ക​യും ഇ​തുസം​ബ​ന്ധി​ച്ച് റി​പ്പോ​ർ​ട്ട് ന​ൽ​കു​ക​യും ചെ​യ്തു. എ​ന്നാ​ൽ, നി​ല​വി​ലു​ള്ള ഐ​ടി​ബി​പി ക്യാ​മ്പി​ന്‍റെ ഭാ​ഗ​മാ​യി കേ​ന്ദ്രീ​യ വി​ദ്യാ​ല​യ​ത്തി​ന് ആ​കെ ആ​വ​ശ്യ​മു​ള്ള അ​ഞ്ച് ഏ​ക്ക​ർ സ്ഥ​ല​ത്തി​ൽ നി​ല​വി​ൽ മാ​റ്റി​വെ​ച്ചി​ട്ടു​ള്ള 3.27 ഏ​ക്ക​ർ സ്ഥ​ല​ത്തി​ന്‍റെ അ​നു​യോ​ജ്യ​ത​യി​ൽ സം​ഘം പൂ​ർ​ണ തൃ​പ്തി രേ​ഖ​പ്പെ​ടു​ത്തി​യ​താ​യി കൊ​ടി​ക്കു​ന്നി​ൽ സു​രേ​ഷ് എം​പി പ​റ​ഞ്ഞു.


സം​സ്ഥാ​ന സ​ർ​ക്കാ​ർ നി​ല​വി​ൽ അ​നു​വ​ദി​ച്ചി​രി​ക്കു​ന്ന അ​ധി​ക ഭൂ​മി അ​നു​യോ​ജ്യ​മ​ല്ലാ​ത്ത​തി​നാ​ൽ സാ​നി​റ്റോ​റി​യം വ​ള​പ്പി​ൽ ത​ന്നെ സം​സ്ഥാ​ന സ​ർ​ക്കാ​രി​നോ​ട് അ​നു​യോ​ജ്യ​മാ​യ മ​റ്റൊ​രു സ്ഥ​ലം അ​നു​വ​ദി​ക്ക​ണ​മെ​ന്ന് ആ​വ​ശ്യ​പ്പെ​ട്ട് സ​മീ​പി​ക്കു​മെ​ന്ന് എം​പി അ​റി​യി​ച്ചു. ഈ ​ആ​വ​ശ്യം ഉ​ന്ന​യി​ച്ച് മു​ഖ്യ​മ​ന്ത്രി​ക്ക് ക​ത്തു ന​ൽ​കു​മെ​ന്നും സം​സ്ഥാ​ന സ​ർ​ക്കാ​രി​ൽനി​ന്ന് അ​നു​കൂ​ല​മാ​യ തീ​രു​മാ​നം ഉ​ണ്ടാ​കാ​ത്ത​പ​ക്ഷം പ്ര​ത്യ​ക്ഷ സ​മ​ര​പ​രി​പാ​ടി​ക​ളു​മാ​യി മു​ന്നി​ട്ടി​റ​ങ്ങു​മെ​ന്നും കൊ​ടി​ക്കു​ന്നി​ൽ പ​റ​ഞ്ഞു.