ആസാ​മി​ല്‍ ന​ദി​യി​ല്‍ വീ​ണ വി​ന്‍​സെ​ന്‍റി​നാ​യി തെ​ര​ച്ചി​ല്‍ ഊ​ര്‍​ജി​തം
Monday, October 7, 2024 4:05 AM IST
ആ​ല​പ്പു​ഴ: ആസാ​മി​ലെ ഗു​വാ​ഹ​ത്തി​യി​ല്‍ ജ​ങ്കാ​റി​ല്‍​നി​ന്ന് ന​ദി​യി​ല്‍ വീ​ണ് കാ​ണാ​താ​യ ആ​ര്യാ​ട് സ്വ​ദേ​ശി വെ​ളി​യി​ല്‍ വി​ന്‍​സെ​ന്‍റി​നെ (സോ​ണി) ക​ണ്ടെ​ത്താ​ന്‍ അ​ടി​യ​ന്ത​ര ഇ​ട​പെ​ട​ല്‍ ന​ട​ത്ത​ണ​മെ​ന്നാ​വ​ശ്യ​പ്പെ​ട്ട് കെ.​സി. വേ​ണു​ഗോ​പാ​ല്‍ എം​പി ആസാം മു​ഖ്യ​മ​ന്ത്രി ഹി​മ​ന്ത ബി​ശ്വശ​ര്‍​മ​യ്ക്ക് ക​ത്തു ന​ല്‍​കി.

ഗു​വാ​ഹ​ത്തി സി​റ്റി പോ​ലീ​സ് ക​മ്മീ​ഷ​ണ​ര്‍ ദി​ഗ​ന്ത് ബോ​റ​യു​മാ​യ് എം​പി ച​ര്‍​ച്ച ന​ട​ത്തി. അ​ന്വേ​ഷ​ണം ദ്രു​ത​ഗ​തി​യി​ല്‍ ന​ട​ക്കു​ക​യാ​ണെ​ന്നും എ​ത്ര​യും പെ​ട്ടെ​ന്ന് വി​ന്‍സെ​ന്‍റി​നെ ക​ണ്ടെ​ത്താ​നു​ള്ള ശ്ര​മ​ങ്ങ​ള്‍ ന​ട​ന്നു​വ​രി​ക​യാ​ണ​ന്നും സി​റ്റി പോ​ലീ​സ് ക​മ്മീ​ഷ​ണ​ര്‍ എം​പി​യെ അ​റി​യി​ച്ചു.


ശ​നി​യാ​ഴ്ച പ​ക​ല്‍ മൂ​ന്നോ​ടെ​യാ​ണ് സം​ഭ​വം. ക​രാ​റു​കാ​ര​ന്‍ മു​ഖേ​ന മ​ല​യാ​ളി​ക​ളാ​യ മൂ​ന്നു പേ​രോ​ടൊ​പ്പ​മാ​ണ് വി​ന്‍​സ​ന്‍റ് ആസാ​മി​ലേ​ക്കു ജോ​ലി​ക്കു പോ​യ​ത്. മ​ര​പ്പ​ണി​ക്കാ​ര​നാ​യ വി​ന്‍​സ​ന്‍റ് ബോ​ട്ടു​നി​ര്‍​മാ​ണ ജോ​ലി​ക്കാ​യാ​ണ് ഇ​വി​ടെ​യെ​ത്തി​യ​ത്.

ആസാ​മി​ലെ റെ​യി​ല്‍​വേ സ്റ്റേ​ഷ​നി​ലെ​ത്തി​യ വി​ന്‍​സ​ന്‍റ് ജോ​ലി സ്ഥ​ല​ത്തേ​ക്കു പോ​കു​മ്പോ​ള്‍ ന​ദി​യി​ല്‍ വീ​ണെ​ന്നാ​ണ് കൂ​ടെ​യു​ള്ള​വ​ര്‍ വീ​ട്ടു​കാ​രെ അ​റി​യി​ച്ച​ത്. ഈ ​സാ​ഹ​ച​ര്യ​ത്തി​ലാ​ണ് കെ.​സി. വേ​ണു​ഗോ​പാ​ലി​ന്‍റെ ഇ​ട​പെ​ട​ല്‍.