മ​ങ്കൊ​മ്പ്: ര​ണ്ടാ​ഴ്ച മു​ൻ​പ് കെ​എ​സ്ഇ​ബി സ്ഥാ​പി​ച്ച ഇ​ലക്‌ട്രിക് പോ​സ്റ്റു​ക​ൾ ന​ടു​റോ​ഡി​ലേ​ക്കു വീ​ണ​ത് നാ​ട്ടു​കാ​രെ പ​രി​ഭ്രാ​ന്തി​യി​ലാ​ക്കി. നൂ​റു​ക​ണ​ക്കി​നാ​ളു​ക​ളും നി​ര​വ​ധി വാ​ഹ​ന​ങ്ങ​ളും ക​ട​ന്നു​പോ​കു​ന്ന റോ​ഡി​ൽ ഭാ​ഗ്യം​കൊ​ണ്ടാ​ണ് വ​ലി​യ ദു​ര​ന്തം ഒ​ഴി​വാ​യ​ത്. കാ​വാ​ലം മ​ങ്കൊ​മ്പ്-​കു​ന്നു​മ്മ വി​കാ​സ് മാ​ർ​ഗ് റോ​ഡി​ൽ തി​രു​വി​ള​ങ്ങാ​ട് ക്ഷേ​ത്ര​ത്തി​നു സ​മീ​പ​ത്തെ മൂ​ന്നു ഇ​ല​ക്‌ട്രി​ക് പോ​സ്റ്റു​ക​ളാ​ണ് ശ​നി​യാ​ഴ്ച പു​ല​ർ​ച്ചെ വീ​ണ​ത്. ശ​ക്തി​യാ​യ കാ​റ്റോ, മ​റ്റു പ്ര​തി​കൂ​ല സാ​ഹ​ച​ര്യ​ങ്ങ​ളോ ഇ​ല്ലാ​തെ​യാ​ണ് പോ​സ്റ്റു​ക​ൾ റോ​ഡി​ലേ​ക്കു പ​തി​ച്ച​ത്.

ക​ർ​ക്ക​ട​ക​വാ​വു ദി​വ​സ​മാ​യ ഇ​ന്ന​ലെ പു​ല​ർ​ച്ചെ മു​ത​ൽ തി​രു​വി​ള​ങ്ങാ​ട് ക്ഷേ​ത്ര​ത്തി​ൽ ബ​ലി​ത​ർ​പ്പ​ണ​ത്തി​ൽ പ​ങ്കെ​ടു​ക്കാ​ൻ നൂ​റു​ക​ണ​ക്കി​നാ​ളു​ക​ളാ​ണ് എ​ത്തി​യ​ത്. ക​മ്പി​ക​ളൊ​ന്നും പൊ​ട്ടാ​തെ​യാ​ണ് പോ​സ്റ്റു​ക​ൾ റോ​ഡി​ലേ​ക്കു വീ​ണ​ത്. ഇ​തു ശ്ര​ദ്ധ​യി​ൽ​പ്പെട്ട നാ​ട്ടു​കാ​ർ കെ​എ​സ്ഇ​ബി അ​ധി​കൃ​ത​രെ അ​റി​യി​ച്ച​തോ​ടെ​യാ​ണ് വൈ​ദ്യു​തി ബ​ന്ധം വിഛേ​ദി​ച്ച​ത്.

അ​ല്ലാ​യി​രു​ന്നു​വെ​ങ്കി​ൽ നി​ര​വ​ധി​യാ​ളു​ക​ൾ അ​പ​ക​ട​ത്തി​ൽ പെ​ടു​മാ​യി​രു​ന്നു. പു​ല​ർ​ച്ചെ മു​ത​ൽ ക്ഷീ​ര​ക​ർ​ഷ​ക​ർ, ജോ​ലി​ക​ൾ​ക്കാ​യി ദൂ​രെ സ്ഥ​ല​ങ്ങ​ളി​ലേ​ക്കു പോ​കു​ന്ന​വ​ർ, പ​ത്ര​വി​ത​ര​ണ​ക്കാ​ർ, പ്ര​ഭാ​ത ന​ട​ത്ത​ക്കാ​ർ തു​ട​ങ്ങി നി​ര​വ​ധി​യാ​ളു​ക​ളാ​ണ് ഇ​തു​വ​ഴി യാ​ത്ര ചെ​യ്യു​ന്ന​ത്.

കാ​റ്റി​ൽ മ​രം വീ​ണ​തി​നെ​ത്തു​ട​ർ​ന്ന് ര​ണ്ടാ​ഴ്ച മു​ൻ​പ് ഇ​വി​ടെ പോ​സ്റ്റു​ക​ൾ ഒ​ടി​ഞ്ഞു​വീ​ണി​രു​ന്നു. ഇ​തേ​ത്തു​ട​ർ​ന്ന് മാ​റ്റി​യി​ട്ട പോ​സ്റ്റു​ക​ളാ​ണ് ഇ​പ്പോ​ൾ വീ​ണ​ത്. വെ​ള്ള​ക്കെ​ട്ടു നി​റ​ഞ്ഞ പാ​ട​ത്ത് കേ​വ​ലം ര​ണ്ട​ടി മാ​ത്രം ആ​ഴ​ത്തി​ലാ​ണ് പോ​സ്റ്റു​ക​ൾ കു​ഴി​ച്ചി​ട്ട​തെ​ന്നു പ്ര​ദേ​ശ​വാ​സി​ക​ൾ ആ​രോ​പി​ക്കു​ന്നു.

സു​ര​ക്ഷി​ത​മാ​യ സ്റ്റേ ​വ​യ​റു​ക​ളും സ്ഥാ​പി​ച്ചി​രു​ന്നി​ല്ലെ​ന്നാ​ണ് പ​രാ​തി. ഇ​തു ഗു​രു​ത​ര​മാ​യ അ​നാ​സ്ഥ​യാ​ണെ​ന്നും ഇ​വ​ർ കു​റ്റ​പ്പെ​ടു​ത്തു​ന്നു. മ​ഴ​ക്കാ​ല​ത്ത് വെ​ള്ള​ക്കെ​ട്ടു മൂ​ലം നൂ​റു​ക​ണ​ക്കി​നു കു​ടും​ബ​ങ്ങ​ൾ​ക്ക് റോ​ഡി​ലൂ​ടെ​യു​ള്ള യാ​ത്ര ത​ട​സ​പ്പെ​ടും. ഇ​ന്ന​ലെ വൈ​കു​ന്നേ​ര​ത്തോ​ടെ കെ​എ​സ്ഇ​ബി അ​ധി​കൃ​ത​രെ​ത്തി പോ​സ്റ്റു​ക​ൾ പു​ന​ഃസ്ഥാ​പി​ച്ചെ​ങ്കി​ലും വേ​ണ്ട​ത്ര സു​ര​ക്ഷി​ത​മ​ല്ലെ​ന്നു നാ​ട്ടു​കാ​ർ ആ​രോ​പി​ക്കു​ന്നു.