ആല​പ്പു​ഴ: 70-ാമ​ത് നെ​ഹ്‌​റു ട്രോ​ഫി വ​ള്ളം​ക​ളി​യു​ടെ ഭാ​ഗ്യ​ചി​ഹ്ന​മാ​യ ക​ളി​വ​ള്ളം തു​ഴ​ഞ്ഞു നീ​ങ്ങു​ന്ന നീ​ല​പ്പൊ​ന്മാ​ന് നീ​ലു എ​ന്ന് പേ​രി​ട്ടു. എ​ന്‍ടിബിആ​ര്‍ സൊ​സൈ​റ്റി ചെ​യ​ര്‍​പേ​ഴ്സ​ണ്‍ ജി​ല്ലാ ക​ള​ക്ട​ര്‍ അ​ല​ക്‌​സ് വ​ര്‍​ഗീ​സാ​ണ് നീ​ലു എ​ന്ന പേ​ര് പ്ര​ഖ്യാ​പി​ച്ച​ത്. പേ​ര് പ​തി​ച്ച ഭാ​ഗ്യ​ചി​ഹ്നം സി​നി​മാ​താ​രം ഗ​ണ​പ​തി ഏ​റ്റു​വാ​ങ്ങി.

ഭാ​ഗ്യ​ചി​ഹ്ന​ത്തി​ന്റെ പേ​ര് പ്ര​ഖ്യാ​പി​ക്കു​ന്ന ച​ട​ങ്ങി​ലൂ​ടെ കേ​ര​ള​ത്തി​ന്റെ ആ​വേ​ശ​മാ​യ നെ​ഹ്റു ട്രോ​ഫി വ​ള്ളം​ക​ളി​യു​ടെ ഭാ​ഗ​മാ​കാ​ന്‍ സാ​ധി​ച്ച​തി​ല്‍ അ​തി​യാ​യി സ​ന്തോ​ഷി​ക്കു​ന്നി​താ​യി പേ​ര് പ​തി​ച്ച ഭാ​ഗ്യ​ചി​ഹ്നം ഏ​റ്റു​വാ​ങ്ങി​ക്കൊ​ണ്ട് ഗ​ണ​പ​തി പ​റ​ഞ്ഞു. ആ​ല​പ്പു​ഴ​യും ആ​ല​പ്പു​ഴ​ക്കാ​രും ഏ​റെ പ്രി​യ​പ്പെ​ട്ട​താ​ണെ​ന്നും ഗ​ണ​പ​തി പ​റ​ഞ്ഞു.

പേ​രി​നു​ള്ള എ​ന്‍​ട്രി​ക​ള്‍ ത​പാ​ല്‍ മു​ഖേ​ന​യാ​ണ് ക്ഷ​ണി​ച്ച​ത്. സം​സ്ഥാ​ന​ത്തി​ന്‍റെ വി​വി​ധ ഭാ​ഗ​ങ്ങ​ളി​ല്‍ നി​ന്നു​മാ​യി ല​ഭി​ച്ച 609 എ​ന്‍​ട്രി​ക​ള്‍ ല​ഭി​ച്ചു.

നീ​ലു എ​ന്ന പേ​ര് 33 പേ​ര്‍ നി​ര്‍​ദേ​ശി​ച്ചു. ഇ​വ​രി​ല്‍ നി​ന്ന് ന​റു​ക്കെ​ടു​പ്പി​ലൂ​ടെ​യാ​ണ് മ​ല​പ്പു​റം പു​ത്തൂ​ര്‍​പ​ള്ളി​ക്ക​ല്‍ സ്വ​ദേ​ശി വി​ദ്യാ​ര്‍​ഥി​യാ​യ കീ​ര്‍​ത്തി വി​ജ​യ​നെ വി​ജ​യി​യാ​യി പ്ര​ഖ്യാ​പി​ച്ച​ത്.
വി​ജ​യി​ക്ക് ആ​ല​പ്പു​ഴ മു​ല്ല​യ്ക്ക​ല്‍ നൂ​ര്‍ ജ്വ​ല്ല​റി ന​ല്‍​കു​ന്ന സ്വ​ര്‍​ണ നാ​ണ​യം സ​മ്മാ​ന​മാ​യി ല​ഭി​ക്കും.