പക്ഷിപ്പനി: നിരോധനം ലംഘിച്ച് കച്ചവടം നടത്തിയ മുട്ടകൾ പിടിച്ചെടുത്തു
1429335
Friday, June 14, 2024 11:39 PM IST
ചേര്ത്തല: ചേര്ത്തലയില് പക്ഷിപ്പനി വ്യാപകമാകുമ്പോഴും നിരോധനം ലംഘിച്ച് കച്ചവടം നടത്തിയ മുട്ടകൾ നഗരസഭ അധികൃതര് പിടിച്ചെടുത്തു. ചേർത്തല മാർക്കറ്റിലെ മുട്ട മൊത്ത വ്യാപാരിയിൽനിന്നാണ് നിരോധനം ലംഘിച്ച് വിപണനം നടത്തിയ മുട്ടകൾ നഗരസഭ ആരോഗ്യവിഭാഗം പിടികൂടിയത്. റെയ്ഡിന് നഗരസഭ സീനിയർ പബ്ലിക് ഹെൽത്ത് ഇൻസ്പെക്ടർ എസ്. സുനിലാൽ, പബ്ലിക് ഹെൽത്ത് ഇൻസ്പെക്ടർമാരായ ജി. പ്രവീൺ, ടി.പി. ആരിഷ് മോൻ തുടങ്ങിയവർ നേതൃത്വം നൽകി. പിടിച്ചെടുത്ത മുട്ടകൾ വാഹനം സഹിതം ചേർത്തല പോലീസിനു കൈമാറി.