ചാ​രും​മൂ​ട്: മൊ​ബൈ​ൽ ഫോ​ൺ ഷോ​പ്പി​ൽ ക​യ​റി ജീ​വ​ന​ക്കാ​രെ ആ​ക്ര​മി​ക്കു​ക​യും തോ​ക്കു ചൂ​ണ്ടി ഭീ​ഷ​ണി​പ്പെ​ടു​ത്തു​ക​യും ചെ​യ്ത വി​മു​ക്ത​ഭ​ട​നെ നൂ​റ​നാ​ട് പോ​ലീ​സ് അ​റ​സ്റ്റ് ചെ​യ്തു. കാ​യം​കു​ളം പ​ത്തി​യൂ​ർ, എ​രു​വ പ​ടി​ഞ്ഞാ​റ്, ക​ളീ​ക്ക​ൽ വീ​ട്ടി​ൽ ശി​വ​കു​മാ​ർ എ​സ് . (47) നെ​യാ​ണ് നൂ​റ​നാ​ട് പോ​ലീ​സ് ഇ​ൻ​സ്പെ​ക്ട​ർ ഷൈ​ജു ഇ​ബ്രാ​ഹി​മി​ന്‍റെ നേ​തൃ​ത്വ​ത്തി​ൽ അ​റ​സ്റ്റ് ചെ​യ്ത​ത്. മൊ​ബൈ​ൽ ഫോ​ൺ ന​ന്നാ​ക്കാ​ൻ ചാ​രും​മൂ​ട്ടി​ലെ ഷി​ഹ​റാ​സ് ഖാ​ന്‍റെ ഉ​ട​മ​സ്ഥ​ത​യി​ലുള്ള സൈ​റ മൊ​ബൈ​ൽ ഷോ​പ്പി​ൽ എ​ത്തി​യ ഇ​യാ​ൾ ക​ട​യി​ലെ വ​നി​താ ജീ​വ​ന​ക്കാ​രി ജ്വാ​ല​യോ​ട് വാ​ക്ക്ത​ർ​ക്ക​മു​ണ്ടാ​ക്കു​ക​യും അ​സ​ഭ്യം പ​റ​ഞ്ഞ് ബാ​ഗി​ൽ നി​ന്നു തോ​ക്ക് എ​ടു​ത്ത് ജീ​വ​ന​ക്കാ​രെ കൊ​ന്നുക​ള​യും എ​ന്ന് ഭീ​ഷ​ണി​പ്പെ​ടു​ത്തു​ക​യും ചെ​യ്തു. ആ​ൾ​ക്കാ​ർ ബ​ഹ​ളം കേ​ട്ട് ക​ട​യി​ലേ​ക്ക് വ​ന്ന​തോ​ടെ ഇ​യാ​ൾ കാ​റി​ൽ ക​യ​റി ക​ട​ന്നു ക​ള​ഞ്ഞു. ക​ട​യി​ലെ സി​സിടിവി ദൃ​ശ്യം ഉ​ൾ​പ്പ​ടെ ക​ട​യു​ട​മ ന​ൽ​കി​യ പ​രാ​തി​യി​ൽ ന​ട​ത്തി​യ അ​ന്വേ​ഷ​ണ​ത്തി​ലാ​ണ് പ്ര​തി പി​ടി​യി​ലാ​യ​ത്.

ചെ​ങ്ങ​ന്നൂ​ർ ഡി ​വൈ എ​സ് പി ​കെ എ​ൻ രാ​ജേ​ഷി​ന്‍റെ നി​ർ​ദ്ദേ​ശ പ്ര​കാ​രം നൂ​റ​നാ​ട് പോ​ലീ​സ് ഇ​ൻ​സ്പ​ക്ട​റു​ടെ നേ​തൃ​ത്വ​ത്തി​ൽ പോ​ലീ​സ് പ്ര​തി വ​ന്ന വാ​ഹ​നം കേ​ന്ദ്രീ​ക​രി​ച്ച് അ​ന്വേ​ഷ​ണം ന​ട​ത്തി കാ​യം​കു​ളം ര​ണ്ടാം​കു​റ്റി ഭാ​ഗ​ത്ത്പ്ര​തി​യെ വാ​ഹ​നം സ​ഹി​തം ക​സ്റ്റ​ഡി​യിലെ​ടു​ത്തു. തു​ട​ർ​ന്ന് ന​ട​ത്തി​യ അ​ന്വേ​ഷ​ണ​ത്തി​ൽ പ്ര​തി​യു​ടെ വീ​ട്ടി​ൽനി​ന്നു തോ​ക്കും വെ​ടി​യു​ണ്ട​ക​ളും പി​ടി​ച്ചെ​ടു​ത്തു. വി​മു​ക്ത​ഭ​ട​നാ​യ ഇ​യാ​ൾ സ്വ​കാ​ര്യ സെ​ക്യൂ​രി​റ്റി സ​ർ​വീ​സ് സ്ഥാ​പ​ന​ത്തി​ൽ ജോ​ലി ചെ​യ്യു​ന്നു​ണ്ട്.

ജോ​ലി ആ​വ​ശ്യ​ത്തി​നാ​യി ഉ​പ​യോ​ഗി​ക്കു​ന്ന തോ​ക്കി​ന് ലൈ​സ​ൻ​സ് ഉ​ള്ള​താ​ണ്. ലൈ​സ​ൻ​സ് രേ​ഖ​ക​ളും ക​ണ്ടെ​ടു​ത്തി​ട്ടു​ണ്ട്. പ്ര​തി​യെ ഇ​ന്ന് മാ​വേ​ലി​ക്ക​ര ജു​ഡീ​ഷ്യ​ൽ ഒ​ന്നാം ക്ലാ​സ് മ​ജി​സ്ട്രേ​റ്റ് കോ​ട​തി ര​ണ്ടി​ൽ ഹാ​ജ​രാ​ക്കും. പ്ര​തി​യു​ടെ ആ​യു​ധ ലൈ​സ​ൻ​സ് റ​ദ്ദ് ചെ​യ്യു​ന്ന​തി​നു​ള്ള ന​ട​പ​ടി​ക​ൾ ആ​രം​ഭി​ച്ച​താ​യും ,ഇ​യാ​ളെ പോ​ലീ​സ് ക​സ്റ്റ​ഡി​യി​ൽ വാ​ങ്ങി കൂ​ടു​ത​ൽ അ​ന്വേ​ഷ​ണം ന​ട​ത്തു​മെ​ന്നും പോ​ലീ​സ് പ​റ​ഞ്ഞു.