വീ​ണ്ടു​മൊ​രു പു​ഞ്ച​കൃ​ഷി​ക്കാ​ല​ം : വി​ത്തി​ന്‍റെ കാ​ര്യ​ത്തി​ൽ കർഷകർക്ക് ആ​ശ​ങ്ക
Friday, September 29, 2023 11:13 PM IST
മ​ങ്കൊ​മ്പ്: പു​ഞ്ച​കൃ​ഷി പ​ടി​വാ​തി​ൽ​ക്ക​ലെ​ത്തി നി​ൽ​ക്കെ വി​ത്ത് ല​ഭ്യ​ത​യു​ടെ കാ​ര്യ​ത്തി​ൽ ക​ർ​ഷ​ക​ർ​ക്ക്് ആ​ശ​ങ്ക. ക​ഴി​ഞ്ഞ പു​ഞ്ച​കൃ​ഷി​യു​ടെ നെ​ല്ലു​ വി​റ്റ​തി​ന്‍റെ പ​ണം സ​പ്ലൈ​കോ​യി​ൽനി​ന്നു ല​ഭി​ക്കാ​ത്ത​തി​ന്‍റെ ബാ​ധ്യ​ത​ക​ൾ ചു​മ​ലി​ലേ​റ്റി​യാ​ണ് ക​ർ​ഷ​ർ അ​ടു​ത്ത കൃ​ഷി​ക്കു ത​യാ​റെ​ടു​ക്കു​ന്ന​ത്.

പു​ഞ്ച​കൃ​ഷി​ക്കു​ള്ള നി​ല​മൊ​രു​ക്ക​ൽ ജോ​ലി​ക​ൾ പാ​ട​ശേ​ഖ​ര​ങ്ങ​ളി​ൽ പു​രോ​ഗ​മി​ച്ചു​വ​രിക​യാ​ണ്. ര​ണ്ടാം​കൃ​ഷി​യി​റ​ക്കി​യി​രു​ന്ന കാ​യ​ൽ നി​ല​ങ്ങ​ളി​ലാ​ണ് ഇ​പ്പോ​ൾ നി​ല​മൊ​രു​ക്ക​ൽ പൂ​ർ​ത്തി​യാ​യിവ​രു​ന്ന​ത്. ര​ണ്ടാം കൃ​ഷി​യി​റ​ക്കി​യ പാ​ട​ശേ​ഖ​ര​ങ്ങ​ളി​ൽ വി​ള​വെ​ടു​പ്പാ​രം​ഭി​ച്ചുക​ഴി​ഞ്ഞു.

ഇ​ത്ത​രം പാ​ട​ങ്ങ​ളി​ൽ നി​ല​മൊ​രു​ക്ക​ൽ ജോ​ലി​ക​ൾ വൈ​കും. നി​ല​മൊ​രു​ക്ക​ൽ പു​രോ​ഗ​മി​ക്കു​ന്ന പാ​ട​ങ്ങ​ളി​ൽ മൂ​ന്നാ​ഴ്ച​യ്ക്കു​ള്ളി​ൽ വി​ത​യാ​രം​ഭി​ക്കേ​ണ്ടി​വ​രും. ഈ ​മാ​സം തു​ട​ക്ക​ത്തി​ൽത​ന്നെ ക​ർ​ഷ​ക​ർ കൃ​ഷി​ഭ​വ​നു​ക​ൾവ​ഴി​ വി​ത്തി​നു​ള്ള അ​പേക്ഷ ന​ല്കിയിരുന്നു. സ്വ​ന്തം നി​ല​മു​ള്ള​വ​ർ ഇ​ക്കൊ​ല്ല​ത്തെ ക​ര​മ​ട​ച്ച ര​സീ​ത്, ആ​ധാ​ർ കാ​ർ​ഡ്, ബാ​ങ്ക് പാ​സ് ബു​ക്ക് എ​ന്നി​വ​യു​ടെ കോ​പ്പി​ക​ൾ അ​ട​ക്ക​മാ​ണ് അ​പേ​ക്ഷ ന​ൽ​കേ​ണ്ട​ത്. പാ​ട്ട​ത്തി​നു കൃ​ഷി​ചെ​യ്യു​ന്ന​വ​ർ ഇ​വ​യ്ക്കു പു​റ​മേ 200 രൂ​പ​യു​ടെ മു​ദ്ര​പ​ത്ര​ത്തി​ൽ പാ​ട്ട​ക്കാ​ര​ന്‍റെ ഒ​പ്പി​ട്ട സ​ത്യ​വാ​ങ്മൂ​ല​വും ന​ൽ​ക​ണം.

എ​ന്നാ​ൽ ഒ​രു വി​ഭാ​ഗം ക​ർ​ഷ​ക​ർ​ക്ക് ഇ​നി​യും വി​ത്തി​നു​ള്ള ര​ജി​സ്്‌​ട്രേ​ഷ​ൻ ന​ട​ത്താ​നാ​യി​ട്ടി​ല്ല. മി​ച്ച​ഭൂ​മി​യി​ലൂ​ടെ നി​ലം ല​ഭി​ച്ച ക​ർ​ഷ​ക​ർ​ക്കു ക​ര​മ​ട​ച്ച പു​തി​യ ര​സീ​ത് ഇ​ല്ലാ​ത്ത​തി​നാ​ലാ​ണി​ത്. നീ​ലം​പേ​രൂ​ർ കൃ​ഷി​ഭ​വ​ൻ പ​രി​ധി​യി​ൽ വ​രു​ന്ന ഇ ​ബ്ലോ​ക്ക് ഇ​രു​പ​ത്തി​നാ​ലാ​യി​രം കാ​യ​ലി​ലെ ക​ർ​ഷ​ക​ർ​ക്കാ​ണ് ഇ​ത്ത​രം ത​ട​സ​ങ്ങ​ളു​ള്ള​ത്. ഇ​വ​രി​ൽനി​ന്നു കൃ​ഷി​വ​കു​പ്പ് വി​ത്തി​നു​ള്ള അ​പേ​ക്ഷ​ സ്വീ​ക​രി​ച്ചി​ട്ടി​ല്ല.

ര​ജി​സ്‌​ട്രേ​ഷ​ൻ ന​ട​ത്തി​യ​വ​ർ​ക്കു വി​ത്തു കി​ട്ടു​മോ എ​ന്ന ആ​ശ​ങ്ക​യു​ണ്ട്. നെ​ല്ലു​വി​ല കി​ട്ടാ​ത്ത​തി​രു​ന്ന​തി​നെ​ത്തു​ട​ർ​ന്നു​ള്ള അ​നു​ഭ​വ​ങ്ങ​ളാ​ണ് കൃ​ഷി​വ​കു​പ്പി​നെ സം​ശ​യ​ത്തോ​ടെ നോ​ക്കാ​ൻ ക​ർ​ഷ​ക​രെ പ്രേ​രി​പ്പി​ക്കു​ന്ന​ത്. വി​ത്ത് സ​മ​യ​ത്തു ന​ൽ​കു​മെ​ന്ന് കൃ​ഷി​വ​കു​പ്പ് ഉദ്യോ​ഗ​സ്ഥ​ർ ഉ​റ​പ്പു​ന​ൽ​കു​ന്നെ​ങ്കി​ലും ക​ർ​ഷ​ക​ർ​ വി​ശ്വാ​സ​ത്തി​ലെ​ടു​ത്തിട്ടി​ല്ല.

കേ​ര​ള സീ​ഡ് കോ​ർ​പ​റേ​ഷ​ന്‍റെ വി​ത്താ​ണ് മു​ൻ വ​ർ​ഷ​ങ്ങ​ളി​ൽ കൃ​ഷി വ​കു​പ്പ് ന​ൽ​കു​ന്ന​ത്. വി​ത്തി​ന്‍റെ ഗു​ണ​മേ​ൻ​മ​യി​ൽ ക​ർ​ഷ​ക​ർ​ക്കു വി​ശ്വാ​സ​ക്കു​റ​വു​ണ്ട്. നാ​ഷ​ണ​ൽ സീ​ഡ് കോ​ർ​പ​റേ​ഷ​ന്‍റെ വി​ത്താ​ണ് ക​ർ​ഷ​ക​ർ​ക്ക പ്രി​യം. സാ​മ്പ​ത്തി​ക ബാ​ധ്യ​ത​ക​ൾ ഏ​റെ​യു​ണ്ടെ​ങ്കി​ലും മ​റ്റു വ​രു​മാ​ന മാ​ർ​ഗ​ങ്ങ​ളൊ​ന്നുമി​ല്ലാ​ത്ത​തി​നാ​ലാ​ണ് ക​ട​ത്തി​നു മു​ക​ളി​ൽ ക​ടം വാ​ങ്ങി​യും ക​ർ​ഷ​ക​ർ വീ​ണ്ടും കൃ​ഷി​ക്കി​റ​ങ്ങു​ന്ന​ത്. ക​ഴി​ഞ്ഞ പു​ഞ്ച​കൃ​ഷി​യു​ടെ നെല്ല് വി​റ്റ​യി​ന​ത്തി​ൽ ജി​ല്ല​യി​ൽ ഇ​നി​യും 14 കോ​ടി രൂ​പ​യോ​ള​മാ​ണ് സ​പ്ലൈ​കോ കൊ​ടു​ത്തുതീ​ർക്കാ​നു​ള്ള​ത്.

Copyright @ 2022 , Rashtra Deepika Ltd.