തു​റ​വൂ​ർ: അ​രൂ​ർ വ്യ​വ​സാ​യ കേ​ന്ദ്ര​ത്തി​നോ​ട് അ​നു​ബ​ന്ധി​ച്ചു​ള്ള വ്യ​വ​സാ​യ​ശാ​ല​ക​ളി​ൽ​നി​ന്നു പു​റം​ത​ള്ളു​ന്ന മാ​ലി​ന്യംമൂ​ലം വേ​മ്പ​നാ​ട്ട് കാ​യ​ലി​ന്‍റെ അ​വ​സ്ഥ ദു​ര​ന്തപൂ​ർ​ണ്ണ​മാ​കു​ന്നു. ഇ​വി​ടെ പ്ര​വ​ർ​ത്തി​ക്കു​ന്ന വ്യ​വ​സാ​യ സ്ഥാ​പ​ന​ങ്ങ​ൾ പൂ​ർ​ണ്ണ​മാ​യും മ​ലി​നീ​ക​ര​ണ നി​യ​ന്ത്ര​ണ ബോ​ർ​ഡി​ന്‍റെ നി​യ​മ​ങ്ങ​ൾ പാ​ലി​ക്കാ​തെ​യാ​ണ് പ്ര​വ​ർ​ത്തി​ക്കു​ന്ന​തെ​ന്ന് ക​ണ്ടെ​ത്തി​യ​തോ​ടു കൂ​ടി​യാ​ണ് സ്ഥാ​പ​ന​ങ്ങ​ൾ അ​ട​ച്ചു​പൂ​ട്ട​ലി​ന്‍റെ വ​ക്കി​ലെ​ത്തി​യി​രി​ക്കു​ന്ന​ത്.

ഇ​വി​ടെ നൂ​റു​ക​ണ​ക്കി​നു വ്യ​വ​സാ​യ സ്ഥാ​പ​ന​ങ്ങ​ൾ പ്ര​വ​ർ​ത്തി​ക്കു​ന്നു​ണ്ടെ​ങ്കി​ലും വി​ര​ലി​ലെ​ണ്ണാ​വു​ന്ന വ്യ​വ​സാ​യ സ്ഥാ​പ​ന​ങ്ങ​ൾ​ക്ക് മാ​ത്ര​മാ​ണ് പൊ​ലൂ​ഷ​ൻ ക​ൺ​ട്രോ​ൾ ബോ​ർ​ഡി​ന്‍റെ സ​ർ​ട്ടി​ഫി​ക്ക​റ്റ് നി​ല​വി​ലു​ള്ള​ത്. ഇ​തി​ൽ ത​ന്നെ പൊ​ലൂ​ഷ​ൻ ക​ൺ​ട്രോ​ൾ ബോ​ർ​ഡി​ന്‍റെ സ​ർ​ട്ടി​ഫി​ക്ക​റ്റ് ല​ഭി​ക്കാ​നാ​യി ഈ ​വ്യ​വ​സാ​യ​സ്ഥാ​പ​ന​ങ്ങ​ൾ ട്രീ​റ്റ്മെ​ന്‍റ് പ്ലാ​ൻ​റു​ക​ളും മ​റ്റും സ്ഥാ​പി​ച്ചി​ട്ടു​ണ്ടെ​ങ്കി​ലും ഇ​വ​യൊ​ന്നും പ്ര​വ​ർ​ത്തി​ക്കു​ന്നു​മി​ല്ല. പി​സി​ബി സ​ർ​ട്ടി​ഫി​ക്ക​റ്റു​ക​ൾ കി​ട്ടു​വാ​ൻ വേ​ണ്ടി മാ​ത്ര​മാ​ണ് ഇ​ത് സ്ഥാ​പി​ച്ചി​രി​ക്കു​ന്ന​ത്.

ഇ​വി​ടു​ത്തെ വ്യ​വ​സാ​യ സ്ഥാ​പ​ന​ങ്ങ​ളി​ലെ മു​ഴു​വ​ൻ മാ​ലി​ന്യ​ങ്ങ​ളും വേ​മ്പ​നാ​ട്ടു​കാ​യ​ലി​ലെ​ക്കാ​ണ് ഒ​ഴു​കി​ക്കൊ​ണ്ടി​രി​ക്കു​ന്ന​ത്. ഇ​തു​മൂ​ലം ഈ ​മേ​ഖ​ല​യി​ൽ വ​ള​രെ​യ​ധി​കം പാ​രി​സ്ഥി​തി​ക പ്ര​ശ്ന​ങ്ങ​ളാ​ണ് നേ​രി​ട്ടു​കൊ​ണ്ടി​രി​ക്കു​ന്ന​ത്.

പ്ര​ദേ​ശ​ത്തെ കാ​യ​ലി​ലേ​യും പു​ഴ​ക​ളി​ലേ​യും തോ​ടു​ക​ളി​ലേ​യും മ​ത്സ്യ​ങ്ങ​ളും മ​റ്റും ച​ത്തു​പൊ​ങ്ങി യ​തോ​ടു​കൂ​ടി​യാ​ണ് പ്ര​ദേ​ശ​ത്തെ മ​ത്സ്യ​ത്തൊ​ഴി​ലാ​ളി​ക​ൾ നി​യ​മ​പോ​രാ​ട്ട​ത്തി​ന് ഇ​റ​ങ്ങി​യ​ത്. പ്ര​ദേ​ശ​ത്തു​ള്ള മ​ത്സ്യ​ത്തൊ​ഴി​ലാ​ളി​ക​ളു​ടെ ഹൈ​ക്കോ​ട​തി​യി​ൽ ന​ൽ​കി​യ പ​രാ​തി​യു​ടെ അ​ടി​സ്ഥാ​ന​ത്തി​ൽ ഹൈ​ക്കോ​ട​തി സം​സ്ഥാ​ന പൊ​ലൂ​ഷ​ൻ ക​ൺ​ട്രോ​ൾ ബോ​ർ​ഡി​നോ​ട് പ്ര​ദേ​ശം സ​ന്ദ​ർ​ശി​ച്ച് റി​പ്പോ​ർ​ട്ട് ത​യ്യാ​റാ​ക്കി ന​ൽ​കാ​ൻ ആ​വ​ശ്യ​പ്പെ​ട്ടി​രു​ന്നു.

എ​ന്നാ​ൽ വ്യ​വ​സാ​യ സ്ഥാ​പ​ന​ങ്ങ​ൾ​ക്ക് അ​നു​കൂ​ല​മാ​യി​ട്ടു​ള്ള റി​പ്പോ​ർ​ട്ടു​ക​ളാ​ണ് സം​സ്ഥാ​ന പൊ​ലൂ​ഷ​ൻ ക​ൺ​ട്രോ​ൾ ബോ​ർ​ഡ് കോ​ട​തി സ​മ​ർ​പ്പി​ച്ച​തെ​ന്നാ​ണ് നാ​ട്ടു​കാ​രു​ടെ ആ​രോ​പ​ണം. ഇ​തേ​തു​ട​ർ​ന്ന് കേ​ന്ദ്ര പൊ​ലൂ​ഷ​ൻ ക​ൺ​ട്രോ​ൾ ബോ​ർ​ഡി​നോ​ട് റി​പ്പോ​ർ​ട്ട് ആ​വ​ശ്യ​പ്പെ​ട്ടു .ഇ​തി​ൻ​പ്ര​കാ​രം മേ​ഖ​ല​യി​ലെ വ്യ​വ​സാ​യ സ്ഥാ​പ​ന​ങ്ങ​ളി​ൽ ന​ട​ത്തി​യ പ​രി​ശോ​ധ​ന​യി​ലാ​ണ് ഒ​രു​മി​ക്ക സ്ഥാ​പ​ന​ങ്ങ​ളി​ലും പൊ​ലൂ​ഷ​ൻ ക​ൺ​ട്രോ​ൾ ബോ​ർ​ഡി​ന്‍റെ നി​ബ​ന്ധ​ന​ക​ൾ ന​ട​പ്പി​ലാ​ക്കാ​തെ​യും യാ​തൊ​രു​വി​ധ നി​യ​ന്ത്ര​ണ​ങ്ങ​ളു​മി​ല്ലാ​തെ​യു​മാ​ണ് ഇ​വി​ട​ത്തെ വ്യ​വ​സാ​യ സ്ഥാ​പ​ന​ങ്ങ​ൾ പ്ര​വ​ർ​ത്തി​ക്കു​ന്ന​ത് എ​ന്ന് ക​ണ്ടെ​ത്തി​യ​ത്.

ച​ന്തി​രൂ​ർ, എ​ര​മ​ല്ലൂ​ർ, അ​രൂ​ർ , എ​ഴു​പു​ന്ന, ഭാ​ഗ​ങ്ങ​ളി​ലെ മു​ഴു​വ​ൻ വ്യ​വ​സാ​യ സ്ഥാ​പ​ന​ങ്ങ​ളി​ലെ​യും , മ​ത്സ്യ സം​സ്ക​ര​ണ ശാ​ല​ക​ളി​ലേ​യും, ഖ​ര, ദ്രാ​വ​ക, മാ​ലി​ന്യ​ങ്ങ​ൾ പൂ​ർ​ണ​മാ​യും വേ​മ്പ​നാ​ട്ടു​കാ​യ​ലി​ലെ​ക്കാ​ണ് ഒ​ഴു​ക്കി​വി​ടു​ന്ന​ത്. കൂ​ടാ​തെ ഇ​വി​ട​ത്തെ രാ​സ​വ​സ്തു​ക്ക​ളും ഈ ​വേ​മ്പ​നാ​ട്ടു കാ​യ​ലി​ലേ​ക്കാ​ണ് നി​ക്ഷേ​പി​ക്കു​ന്ന​ത്. ഇ​തു​മൂ​ലം ഇ​വി​ടു​ത്തെ മു​ഴു​വ​ൻ ജ​ന​ങ്ങ​ളും വ​ള​രെ ഗു​രു​ത​ര​മാ​യ ആ​രോ​ഗ്യ​പ്ര​ശ്ന​ങ്ങ​ളു​ടെ ന​ടു​വി​ലാ​ണ്.

എം​പി ഫ​ണ്ട് ഉ​പ​യോ​ഗി​ച്ച് പ്ര​ദേ​ശ​ത്ത് എ​ല്ലാ വ്യ​വ​സാ​യ സ്ഥാ​പ​ന​ങ്ങ​ൾ​ക്ക് വേ​ണ്ടി ട്രീ​റ്റ്മെ​ൻ​റ് പ്ലാ​ൻ​റ് സ്ഥാ​പി​ക്കാ​ൻ ത​യ്യാ​റാ​യി​ട്ടും വ്യ​വ​സാ​യ സ്ഥാ​പ​ന​ങ്ങ​ളു​ടെ ഉ​ട​മ​ക​ളു​ടെ സ​ഹ​ക​ര​ണം ഇ​ല്ലാ​താ​യ​തോ​ടു​കൂ​ടി​യാ​ണ് ഈ ​നീ​ക്ക​വും പ​രാ​ജ​യ​പ്പെ​ട്ടി​രി​ക്കു​ന്ന​ത്. സം​സ്ഥാ​ന സ​ർ​ക്കാ​ർ ഇ​ത്ത​ര​ത്തി​ൽ ട്രീ​റ്റ്മെ​ൻ​റ് പ്ലാ​ൻ​റു​ക​ൾ സ്ഥാ​പി​ക്കാ​നാ​യി ത​യ്യാ​റാ​യി മു​ന്നോ​ട്ടു​വ​ന്നെ​ങ്കി​ലും അ​തി​ന്‍റെ പ്ര​വ​ർ​ത്ത​ന​ങ്ങ​ളും ഏ​റെ​ക്കു​റെ നി​ല​ച്ച അ​വ​സ്ഥ​യാ​ണ്.

ചേ​ർ​ത്ത​ല താ​ലൂ​ക്കി​ലെ വ​ട​ക്ക​ൻ മേ​ഖ​ല നി​ല​വി​ൽ വ്യ​വ​സാ​യ സ്ഥാ​പ​ന​ങ്ങ​ളി​ൽ നി​ന്നും പു​റം​ത​ള്ളു​ന്ന വി​ഷ ദ്രാ​വ​ക​ങ്ങ​ൾ മൂ​ല​വും, മാ​ലി​ന്യ​ങ്ങ​ൾ മൂ​ല​വും ദു​ര​ന്ത​പൂ​ർ​ണ്ണ​മാ​യ അ​വ​സ്ഥ​യി​ലേ​ക്ക് നീ​ങ്ങു​ക​യാ​ണ്. അ​ടി​യ​ന്ത​ര​മാ​യി പ്ര​ദേ​ശ​ത്തെ മു​ഴു​വ​ൻ വ്യ​വ​സാ​യ സ്ഥാ​പ​ന​ങ്ങ​ളി​ലും മാ​ലി​ന്യ ട്രീ​റ്റ്മെ​ൻ​റ് പ്ലാ​ൻ​റു​ക​ൾ സ്ഥാ​പി​ച്ചു പ്ര​ദേ​ശ​ത്ത് ജ​ന​ങ്ങ​ളു​ടെ ആ​രോ​ഗ്യം സം​ര​ക്ഷി​ക്കു​വാ​നു​ള്ള ന​ട​പ​ടി സ്വീ​ക​രി​ക്ക​ണ​മെ​ന്ന ആ​വ​ശ്യം ശ​ക്ത​മാ​കു​ന്നു.