ചിറ്റാർ: പി. പി. മത്തായിയുടെ കൊലപാതികളെ അറസ്റ്റ് ചെയ്യാതെ ഡിഎഫ്ഒയെ സ്ഥലം മാറ്റിയത് കേസിനെ അട്ടിമറിക്കാൻ വേണ്ടിയാണെന്ന് കേരളാ യൂത്ത് ഫ്രണ്ട് - എം ജോസ് വിഭാഗം സംസ്ഥാന പ്രസിഡന്‍റ് സാജൻ തൊടുക. പി. പി. മത്തായിയുടെ ഭവനം സന്ദർശിച്ച ശേഷം വീടിനു മുന്പിലെ സമരപന്തലിൽ പ്രസംഗിക്കുകയായിരുന്നു അദ്ദേഹം. വനംമന്ത്രി അടിയന്തരമായി ഭവനം സന്ദർശിക്കുകയും കുറ്റക്കാർക്കെതിരെ ജാമ്യമില്ലാ വകുപ്പ് ചുമത്തി കേസെടുക്കുകയും അനാഥരായ കുടുംബത്തിന് നഷ്ടപരിഹാരം നൽകുകയും ചെയ്യണമെന്ന് അദ്ദേഹം ആവശ്യപ്പെട്ടു.
ബസലേൽ റമ്പാൻ, സംസ്ഥാന ഭാരവാഹികളായ ബിജു കുന്നേപ്പറമ്പിൽ, സുമേഷ് ആൻഡ്രൂസ്, ദീപക് മാമ്മൻ മത്തായി, ഷൈൻ കുമരകം, ആൽവിൻ ചെണ്ടനം, ജില്ലാ പ്രസിഡന്‍റ് ജേക്കബ് മാമ്മൻ വട്ടശേരിൽ, ജോജി പി. തോമസ്, സന്തോഷ് തോമസ്, നെബു തങ്ങളത്തിൽ, റെജി പ്ലാന്തോട്ടം, ഡോ. വർഗീസ് പേരയിൽ, ജോർജ് ഏബ്രഹാം, ആലിച്ചൻ ആറെന്നിൽ, കെഎസ്‌സി ജില്ലാ പ്രസിഡന്‍റ് റിന്‍റോ തോപ്പിൽ, ജോൺ പോൾ, ബിനോജ് കുമ്മണ്ണൂർ, മനോജ് മടത്തുംമൂട്ടിൽ, മാത്യു നൈനാൻ, ക്ലീബോ ഇടുക്കള എന്നിവർ പ്രസംഗിച്ചു.