ക്ഷീ​ര​ക​ര്‍​ഷ​ക​യി​ല്‍നി​ന്ന് കൈ​ക്കൂ​ലി വാ​ങ്ങി​യ വെ​റ്റ​റി​ന​റി ഡോ​ക്ട​ര്‍ അ​റ​സ്റ്റി​ൽ
Tuesday, December 6, 2022 10:31 PM IST
പ​ത്ത​നം​തി​ട്ട: ക്ഷീ​ര ക​ര്‍​ഷ​ക​യി​ല്‍ നി​ന്ന് 2,500 രൂ​പ കൈ​ക്കൂ​ലി വാ​ങ്ങി​യ വെ​റ്റ​റി​ന​റി ഡോ​ക്ട​റെ വി​ജി​ല​ന്‍​സ് അ​റ​സ്റ്റ് ചെ​യ്തു. റാ​ന്നി പെ​രു​നാ​ട് മൃ​ഗാ​ശു​പ​ത്രി​യി​ലെ ഡോ. ​ബി​ലോ​ണി ചാ​ക്കോ​യാ​ണ് ഇ​ന്ന​ലെ ഉ​ച്ച​യ്ക്ക് വി​ജി​ല​ന്‍​സ് അ​റ​സ്റ്റ് ചെ​യ്ത​ത്. ക്ഷീ​ര​ക​ര്‍​ഷ​ക​യു​ടെ 10 പ​ശു​ക്ക​ള്‍​ക്ക് ഇ​ന്‍​ഷു​റ​ന്‍​സ് ശ​രി​യാ​ക്കി ന​ല്‍​കാ​നാ​ണ് ബി​ലോ​ണി ചാ​ക്കോ കൈ​ക്കൂ​ലി ആ​വ​ശ്യ​പ്പെ​ട്ട​ത്.
ചൊ​വ്വാ​ഴ്ച ക​ര്‍​ഷ​ക​യു​ടെ വീ​ട്ടി​ല്‍ എ​ത്തി പ​ശു​ക്ക​ളു​ടെ ചെ​വി​യി​ല്‍ ടാ​ഗ് ഘ​ടി​പ്പി​ച്ച ശേ​ഷ​മാ​ണ് ഡോ​ക്ട​ര്‍ കൈ​ക്കൂ​ലി ആ​വ​ശ്യ​പ്പെ​ട്ട​ത്. നേ​ര​ത്തെ ത​ന്നെ ഡോ​ക്ട​ര്‍ കൈ​ക്കൂ​ലി ആ​വ​ശ്യ​പ്പെ​ട്ടി​രു​ന്ന​തി​നാ​ല്‍ ക​ര്‍​ഷ​ക വി​വ​രം പ​ത്ത​നം​തി​ട്ട വി​ജി​ല​ന്‍​സി​നെ അ​റി​യി​ച്ചി​രു​ന്നു. പ​ണം വാ​ങ്ങി​യ ഉ​ട​ന്‍ വി​ജി​ല​ന്‍​സ് സം​ഘം ഡോ​ക്ട​റെ പി​ടി​കൂ​ടു​ക​യാ​യി​രു​ന്നു. ക​ഴി​ഞ്ഞ ഒ​ക്ടോ​ബ​ര്‍ 21ന് ​ഇ​തേ ക​ര്‍​ഷ​ക​യു​ടെ പ​ശു ച​ത്ത​പ്പോ​ള്‍ പോ​സ്റ്റ്‌​മോ​ര്‍​ട്ടം ന​ട​ത്തി ഇ​ന്‍​ഷു​റ​ന്‍​സ് തു​ക ല​ഭി​ക്കു​ന്ന​തി​നും ഇ​യാ​ള്‍ 2,500 രൂ​പ കൈ​ക്കൂ​ലി വാ​ങ്ങി​യി​രു​ന്ന​താ​യി പ​റ​യു​ന്നു. എ​ട്ടു​മാ​സം മു​മ്പാ​ണ് ബി​ലോ​ണി ചാ​ക്കോ റാ​ന്നി പെ​രു​നാ​ട് ആ​ശു​പ​ത്രി​യി​ല്‍ എ​ത്തി​യ​ത്.
എ​ല്ലാ ക്ഷീ​ര​ക​ര്‍​ഷ​ക​രി​ല്‍ നി​ന്നും എ​ന്ത് ആ​വ​ശ്യ​ത്തി​ന് ചെ​ന്നാ​ലും പ​ണം നി​ര്‍​ബ​ന്ധ​മാ​യി വാ​ങ്ങു​ന്ന​ത് ബി​ലോ​ണി ചാ​ക്കോ​യു​ടെ പ​തി​വാ​ണെ​ന്ന് നി​ര​വ​ധി​പേ​ര്‍ വി​ജി​ല​ന്‍​സി​നോ​ടു് നേ​രി​ട്ട് പ​രാ​തി പ​റ​ഞ്ഞു. അ​റ​സ്റ്റി​ലാ​യ ഡോ​ക്ട​റെ തി​രു​വ​ന​ന്ത​പു​രം വി​ജി​ല​ന്‍​സ് കോ​ട​തി​യി​ല്‍ ഹാ​ജ​രാ​ക്കു​മെ​ന്ന് വി​ജി​ല​ന്‍​സ് ഡി​വൈ​എ​സ്.​പി ഹ​രി​വി​ദ്യാ​ധ​ര​ന്‍ അ​റി​യി​ച്ചു.
ഇ​ന്‍​സ്‌​പെ​ക്ട​ര്‍​മാ​രാ​യ അ​ഷ​റ​ഫ്, രാ​ജീ​വ്, അ​നി​ല്‍​കു​മാ​ര്‍, സ​ബ്ഇ​ന്‍​സ്‌​പെ​ക്ട​ര്‍​മാ​രാ​യ ആ​ര്‍.​അ​നി​ല്‍, അ​സി​സ്റ്റ​ന്റ് സ​ബ് ഇ​ന്‍​സ്‌​പെ​ക്ട​ര്‍​മാ​രാ​യ ഷാ​ജി,രാ​ജേ​ഷ് തു​ട​ങ്ങി​യ​വ​രാ​ണ് അ​ന്വേ​ഷ​ണ​സം​ഘ​ത്തി​ലു​ണ്ടാ​യി​രു​ന്ന​ത്.
Copyright @ 2022 , Rashtra Deepika Ltd.