ജോ​സ​ഫ് ജി. ഫെർ​ണാ​ണ്ട​സി​ന്‍റെ ജ​ന്മ​ശ​താബ്ദി ആഘോഷങ്ങൾക്ക് തുടക്കമായി
Wednesday, September 18, 2024 6:05 AM IST
കൊ​ല്ലം: കാ​ല​ത്തി​ന്‍റെ ക​ർ​മയോ​ഗി എ​ന്ന നാ​മ​ത്താ​ൽ ധ​ന്യ​മാ​യ ജീ​വി​തം കാ​ഴ്ച​വെ​ച്ച ദൈ​വ​ദാ​സ​ൻ ബി​ഷ​പ് ജെ​റോ​മി​ന്‍റെ പി​ൻ​ഗാ​മി​യാ​യി 23 വ​ർ​ഷ​ം കൊ​ല്ലം രൂ​പ​ത​യെ ന​യി​ച്ച ആ​ത്മീ​യ ആ​ചാ​ര്യ​ൻ ജോ​സ​ഫ് ജി ​ഫെ​ർ​ണാ​ണ്ട​സി​ന്‍റെ ജ​ന്മ​ശ​താ​ബ്ദി സ്മ​ര​ണാ​ച​ര​ണ​ത്തി​നു തു​ട​ക്ക​മാ​യി. കൊ​ല്ലം രൂ​പ​താ മെ​ത്രാ​നാ​യ റൈ​റ്റ് റ​വ. ഡോ.​പോ​ൾ ആ​ന്‍റ​ണി മു​ല്ല​ശേ​രി അ​ധ്യ​ക്ഷ​നാ​യി​രു​ന്ന പൊ​തു​സ​മ്മേ​ള​ന​ത്തി​ൽ തി​രു​വ​ന​ന്ത​പു​രം ലത്തീൻ അ​തി​രൂ​പ​ത​ ആർച്ച്ബിഷപ് ഡോ. തോ​മ​സ് ജെ. ​നെ​റ്റൊ ജോ​സ​ഫ് ജി ഫെർണാണ്ടസിന്‍റെ ജീ​വ​ച​രി​ത്ര ഗ്ര​ന്ഥം പ്ര​കാ​ശ​നം ചെയ്തു.

സൗ​മ്യ​ത കൊ​ണ്ട് വി​ശ്വാ​സ മ​ന​സു​ക​ളി​ൽ ഇ​ടം പി​ടി​ച്ച​വ​നാ​ണ് ബി​ഷ​പ് ജോ​സ​ഫ് ജി. ​ഫെ​ർ​ണാ​ണ്ട​സെന്ന് അ​ദ്ദേ​ഹം ശ​താ​ബ്ദി ആ​ച​ര​ണ സ​മ്മേ​ള​ന ഉ​ദ്ഘാ​ട​ന പ്ര​സം​ഗ​ത്തി​ൽ അ​നു​സ്മ​രി​ച്ചു. ന​ർ​മം മ​ന​സി​ലും വാ​ക്കി​ലും സൂ​ക്ഷി​ച്ച് മ​റ്റു​ള്ള​വ​രെ ബ​ഹു​മാ​നി​ച്ച ഇ​ട​യ് ശ്രേ​ഷ്ഠ​നാ​യി​രു​ന്നു ജോ​സ​ഫ് തി​രു​മേ​നി എ​ന്ന് പു​സ്ത​കം ഏ​റ്റു​വാ​ങ്ങി​യ മാ​വേ​ലി​ക്ക​ര രൂ​പ​താ മെ​ത്രാ​ൻ ജോ​ഷ്വാ മാ​ർ ഇ​ഗ്നാ​ത്യോ​സ് പ​റ​ഞ്ഞു.


വി​ശ്വാ​സ​ത്തി​ന്‍റെ പി​ൻ​ബ​ല​ത്തി​ൽ പ്ര​ത്യാ​ശ നി​റ​ഞ്ഞ ച​രി​ത്രം സൃ​ഷ്ടി​ച്ച മെ​ത്രാ​ൻ തീ​ര​ദേ​ശ മ​ത്സ്യ​ത്തൊ​ഴി​ലാ​ളി​ക​ളു​ടെ അ​വ​കാ​ശ പോ​രാ​ട്ട​ങ്ങ​ളി​ൽ ചാ​ല​ക ശ​ക്തി​യാ​യി​രു​ന്നു​വെ​ന്ന് കൊ​ല്ലം എം​പി പ്രേ​മ​ച​ന്ദ്ര​ൻ അ​നു​സ്മ​രി​ച്ചു.

കൊ​ല്ലം രൂ​പ​ത മു​ൻ മെ​ത്രാ​ൻ സ്റ്റാ​ൻ​ലി റോ​മ​ൻ, വി​കാ​രി ജ​ന​റ​ൽ ഡോ. ​ബൈ​ജു ജൂ​ലി​യ​ൻ, പി​.സി .വി​ഷ്ണു​നാ​ഥ് എം​എ​ൽ​എ, അ​നി​ൽ സേ​വ്യർ, പ്രഫ. എ​സ്. വ​ർ​ഗീ​സ്, ഗ്ര​ ന്ഥ​ക​ർ​ത്താ​വ് റൊ​മാ​ൻ​സ് ആ​ന്‍റണി , സി​സ്റ്റ​ർ അ​ഡോ​ൾ​ഫ് മേ​രി , സി​സ്റ്റ​ർ വി​ൻ​സി തെ​രു​വ​ത്ത്, വി.​ടി. കു​രീ​പ്പു​ഴ, മി​ൽ​ട്ട​ൺ സ്റ്റീ​ഫ​ൻ തു​ട​ങ്ങി​യ​വ​ർ പ്ര​സം​ഗി​ച്ചു.