ചന്ദനക്കാവ് ശാലേം മാർത്തോ മാ ഇടവക പരിസ്ഥിതി സമ്മേളനം നടത്തി
1429800
Sunday, June 16, 2024 11:23 PM IST
കുളത്തൂപ്പുഴ: ചന്ദനക്കാവ് ശാലേം മാർത്തോമാ ഇടവകയുടെ നേതൃത്വത്തിൽ പരിസ്ഥിതി സമ്മേളനം നടത്തി.മാർത്തോമാ സഭ പരിസ്ഥിതി കമ്മീഷൻ അംഗം ജോസ് പി വയയ്ക്കൽ ഉദ്ഘാടനം ചെയ്തു. ഭൂമിയുടെ സംരക്ഷകരാകുന്നതിലൂടെ ദൈവകൃപയുടെ നീർച്ചാലികൾ സൃഷ്ടിക്കാൻ ജീവിത ഇടങ്ങളിൽകഴിയുമെന്ന് അദ്ദേഹം പറഞ്ഞു. കാർബൺ ന്യൂട്രൽ കൃഷിയിലൂടെ പരിസ്ഥിതി മലിനമാക്കാതെ ഭൂമിയെ ഫലഭൂഷ്ടം ആക്കാൻ കഴിയും. എന്റെ ഭൂമി എന്റെ ഭാവി എന്ന ചിന്തയിൽ ഭൂമിയെ സംരക്ഷിക്കുകയും പരിപാലിക്കുകയും ചെയ്യേണ്ടത് കാലഘട്ടത്തിന്റെ ആവശ്യമാണെന്നും അദ്ദേഹം പറഞ്ഞു.
ഇടവക വികാരി റവ. സ്റ്റലിൻ തോമസ് അധ്യക്ഷത വഹിച്ചു. യോഗത്തിൽ ഡെവലപ്മെന്റ് ഡിപ്പാർട്ട്മെന്റ് ഭദ്രാസന സെക്രട്ടറി ജോസ് തോമസ് പരിസ്ഥിതി ദിന പ്രതിജ്ഞ ചൊല്ലിക്കൊടുത്തു. സാനു ജോർജ്, ദിനു തോമസ്, ഡാനിയേൽ വർഗീസ്, കുര്യൻ തരകൻ, ജോസ് ഏബ്രഹാം, ലാലു ജേക്കബ്, ഏലിയാമ്മ മാത്യു, റീനു ജോയ്, കുഞ്ഞുമോൾ കുഞ്ഞപ്പി എന്നിവർ പ്രസംഗിച്ചു. ഫല വൃക്ഷത്തൈ നടീൽ, പച്ചക്കറി വിത്ത് വിതരണം എന്നിവ ഇതിനോട് ചേർന്ന് നടന്നു. ഇടവക ക്വയർ പരിസ്ഥിതി ഗാനം ആലപിച്ചു.