കൊ​ട്ടാ​ര​ക്ക​ര: കെഎ​സ്ആ​ർടിസി ഓ​ർ​ഡി​ന​റി ബ​സി​ൽ സ​ഞ്ച​രി​ക്കു​ക​യാ​യി​രു​ന്ന വീ​ട്ട​മ്മ​യു​ടെ ഒ​രു ല​ക്ഷം രൂ​പ ക​വ​ർ​ന്നു. നാ​ടോ​ടി സ്ത്രീ​ക​ളാ​ണെ​ന്ന് സം​ശ​യം.

ഇ​ന്ന​ലെ വൈ​കുന്നേരം അഞ്ചോടെ​യാ​ണ് സം​ഭ​വം. എ​ഴു​കോ​ൺ ഈ​ലി​യേ​ട് സ്വ​ദേ​ശി​നി​യാ​യ വീ​ട്ട​മ്മ​യു​ടെ പ​ണ​മാ​ണ് ന​ഷ്ട​മാ​യ​ത്.

​കൊ​ട്ടാ​ര​ക്ക​ര​യി​ലെ ബാ​ങ്കി​ൽ പ​ണ​യം വെ​ച്ച് ല​ഭി​ച്ച ര​ണ്ടു ല​ക്ഷം രൂ​പ​യാ​ണ് ഇ​വ​രു​ടെ ബാ​ഗി​ലു​ണ്ടാ​യി​രു​ന്ന​ത്. കൊ​ട്ടാ​ര​ക്ക​ര​യി​ൽ നി​ന്നും എ​ഴു​കോ​ൺ വ​ഴി പോ​കു​ന്ന ബ​സി​ലാ​ണ് ഇ​വ​ർ ക​യ​റി​യ​ത്. ഒ​പ്പം മാ​ന​സി​ക വൈ​ക​ല്യ​മു​ള്ള മ​ക​നു​മു​ണ്ടാ​യി​രു​ന്നു.

നെ​ടു​വ​ത്തൂ​ർ കി​ള്ളൂ​ളൂ​രെ​ത്തി​യ​പ്പോ​ൾ ഇ​രി​ക്കാ​ൻ സീ​റ്റു ല​ഭി​ച്ചു. ​അ​പ്പോ​ഴാ​ണ് ബാ​ഗ് തു​റ​ന്നു കി​ട​ക്കു​ന്ന​ത് ശ്ര​ദ്ധ​യി​ൽ പെ​ട്ട​ത്.​ പ​രി​ശോ​ധി​ച്ച​പ്പോ​ൾ നാ​ലു​കെ​ട്ടു​ക​ളാ​യി ല​ഭി​ച്ച ര​ണ്ടു ല​ക്ഷം രൂ​പ​യി​ൽ ര​ണ്ടു കെ​ട്ടു​ക​ൾ ന​ഷ്ട​പ്പെ​ട്ട​താ​യി മ​ന​സി​ലാ​യ​ത്.​

ബ​സി​ലു​ണ്ടാ​യി​രു​ന്ന ര​ണ്ടു നാ​ടോ​ടി സ്ത്രീ​ക​ൾ തൊ​ട്ടു മു​ൻ​പു​ള്ള സ്റ്റോ​പ്പി​ൽ ഇ​റ​ങ്ങി​യ​താ​യി മ​റ്റു യാ​ത്ര​ക്കാ​ർ പ​റ​യു​ന്നു. വീ​ട്ട​മ്മ​യു​ടെ നി​ല​വി​ളി കേ​ട്ട് ബ​സ് നി​ർ​ത്തു​ക​യും ക​ണ്ട​ക്ട​ർ നാ​ടോ​ടി സ്ത്രീ​ക​ൾ ഇ​റ​ങ്ങി​യ സ്റ്റോ​പ്പു വ​രെ അ​ന്വേ​ഷി​ച്ചു പോ​വു​ക​യും ചെ​യ്തെ​ങ്കി​ലും അ​വ​രെ ക​ണ്ടെ​ത്താ​ൻ ക​ഴി​ഞ്ഞി​ല്ല.

മ​ദ്യ​പി​ച്ചെ​ത്തി​യ ഒ​രാ​ൾ ബ​സി​ൽ ഒ​ച്ച​പ്പാ​ടു​ണ്ടാ​ക്കു​ക​യും എ​ല്ലാ​വ​രു​ടെ​യും ശ്ര​ദ്ധ അ​യാ​ളി​ലേ​ക്ക് തി​രി​യു​ക​യും ചെ​യ്ത​പ്പോ​ഴാ​ണ് മോ​ഷ​ണം ന​ട​ന്ന​തെ​ന്നാ​ണ് വീ​ട്ട​മ്മ​യു​ടെ നി​ഗ​മ​നം.​ ഇ​യാ​ൾ ക​സ്റ്റ​ഡി​യി​ലാ​ണ്. കൊ​ട്ടാ​ര​ക്ക​ര പോ​ലീ​സ് അ​ന്വേ​ഷ​ണം ആ​രം​ഭി​ച്ചു.