കുളത്തൂപ്പുഴ: അൽ ഇഹ്സാൻ പ്രവാസി ചാരിറ്റി സമിതിയുടെ ആഭിമുഖ്യത്തിൽ റമദാൻ റിലീഫ് ഭക്ഷ്യകിറ്റ് വിതരണവും പ്രാർഥനാ സംഗമവും സംഘടിപ്പിച്ചു. സമിതി ചെയർമാൻ അസീം നസീർ അധ്യക്ഷത വഹിച്ച യോഗത്തിൽ കുളത്തൂപ്പുഴ ഗ്രാമപഞ്ചായത്ത് പ്രസിഡന്‍റ് പി.അനിൽകുമാർ ഉദ്ഘാടനം ചെയ്തു.
ഫാ. മാത്യു ഫിലിപ് മുഖ്യപ്രഭാഷണം നടത്തി. റമദാൻ സന്ദേശം ഗ്രാമപഞ്ചായത്ത് മുൻ പ്രസിഡന്‍റ് സി.സുഭിലാഷ്കുമാറും ഭക്ഷ്യകിറ്റ് വിതരണോദ്ഘാടനം കുളത്തൂപ്പുഴ മുസ്ലീം ജമാഅത്ത് പ്രസിഡന്‍റ് ജാഫർ ഹാജിയും നിർവഹിച്ചു.
പ്രാർഥനാ സംഗമത്തിന് കുളത്തൂപ്പുഴ അൽഫാറൂഖിയ അറബി കോളേജ് മുദരിസ് ഉസ്താദ് താജുദീൻ ബാഖവി നേതൃത്വം നൽകി. ചാരിറ്റി സമിതി ജിസിസി ചെയർമാൻ നുജൂമുദീൻ, ജമാ അത്ത് അംഗങ്ങളായ സൈഫുദീൻ തലച്ചിറ, മുഹമ്മദ്, സുബൈർ, ഷെരീഫ് മന്നാനി, പാട്ടപ്പളളി ഷെരീഫ്, സുമീർ, മുഹമ്മദ് ഫൈസൽ, ഷംനാദ്, ഷാനവാസ് കുളത്തൂപ്പുഴ, ഹുസൈൻ, താജുദീൻ, നവാസ്, നൈസാം, അസ്ഹർ, അൻഷാദ്,. സമിതി വൈസ് ചെയർമാൻ സലീം മൗലവി, ജനറൽ സെക്രട്ടറി ഷാനിമോൻ തുടങ്ങിയവർ പ്രസംഗിച്ചു.