ഓർക്കാസ് കഥകളി പുരസ്കാരം പ്രഖ്യാപിച്ചു
Tuesday, January 24, 2023 11:41 PM IST
കൊ​ല്ലം: ഓ​ച്ചി​റ രാ​ഘ​വ​ൻ പി​ള്ള ക​ഥ​ക​ളി ആ​സ്വാ​ദ​ക സ​മി​തി​യു​ടെ (ഓ​ർ​ക്കാ​സ്) വാ​ർ​ഷി​ക​വും പു​ര​സ്കാ​ര സ​മ​ർ​പ്പ​ണ​വും 28 ന് ​വൈ​കു​ന്നേ​രം നാ​ലി​ന് ഓ​ച്ചി​റ വ​ലി​യ കു​ള​ങ്ങ​ര ഓ​ണാ​ട്ട് ഭ​ഗ​വ​തി ക്ഷേ​ത്രം ടി​ഡി​എ​ൻ ഹാ​ളി​ൽ ന​ട​ക്കും. ക​ലാ​മ​ണ്ഡ​ലം മു​ൻ ചെ​യ​ർ​മാ​ൻ ഡോ.​വി.​ആ​ർ. പ്ര​ബോ​ധ​ച​ന്ദ്ര​ൻ നാ​യ​ർ ഉ​ദ്ഘാ​ട​ന​വും പു​ര​സ്കാ​ര സ​മ​ർ​പ്പ​ണ​വും നി​ർ​വ്.​ഹി​ക്കും. ഡോ.​എം.​ജി. ശ​ശി​ഭൂ​ഷ​ൺ മു​ഖ്യ​പ്ര​ഭാ​ഷ​ണം ന​ട​ത്തും.
ക​ഥ​ക​ളി​യി​ലെ സ​മ​ഗ്ര സം​ഭാ​വ​ന​യ്ക്കു​ള്ള തോ​ട്ടം ദി​വാ​ക​ര​ൻ ന​മ്പൂ​തി​രി പു​ര​സ്കാ​രം കൊ​ട്ടാ​ര ഗം​ഗ​യ്ക്കും, ക്ഷേ​ത്ര ക​ല​ക​ളി​ലെ മി​ക​വി​നു​ള്ള ദേ​വ​നാ​ദം പു​ര​സ്കാ​രം ക​ഥ​ക​ളി മേ​ള ആ​ചാ​ര്യ​ൻ ആ​യാം​കു​ടി കു​ട്ട​പ്പ​മാ​രാ​ർ​ക്കും , ക​ഥ​ക​ളി​യി​ലെ മി​ക​ച്ച യു​വ ക​ലാ​കാ​ര​നു​ള്ള കു​വ​ല​യ പു​ര​സ്കാ​രം ക​ലാ​മ​ണ്ഡ​ലം പ്ര​ശാ​ന്ത് പ​ന്മ​ന​യ്ക്കും, അ​ര​ങ്ങി​ന് പി​ന്നി​ലെ മി​ക​വി​നു​ള്ള അ​ന​ന്ത പ്ര​ദീ​പം പു​ര​സ്കാ​രം ചു​ട്ടി ക​ലാ​കാ​ര​ൻ മു​തു​പി​ലാ​ക്കാ​ട് ച​ന്ദ്ര​ശേ​ഖ​ര പി​ള്ള​യ്ക്കും ന​ൽ​കും .
തു​ട​ർ​ന്ന് ന​ള​ച​രി​തം ഒ​ന്നാം ദി​വ​സം ക​ഥ​ക​ളി​യും ഉ​ണ്ടാ​യി​രി​ക്കും. ഓ​ർ​ക്കാ​സി​ന്‍റെ 2023 പ്ര​വ​ർ​ത്ത​ന വ​ർ​ഷം ന​ള​ച​രി​തോ​ത്സ​വ​മാ​യി ന​ട​ത്താ​ൻ തീ​രു​മാ​നി​ച്ചു. ഇ​തി​ന്‍റെ ഭാ​ഗ​മാ​യി 2023 - ലെ ​ആ​ദ്യ​ത്തെ നാ​ല് അ​ര​ങ്ങു​ക​ൾ ന​ള​ച​രി​തം ഒ​ന്നാം ദി​വ​സം മു​ത​ൽ ന​ള​ച​രി​തം നാ​ലാം ദി​വ​സം വ​രെ അ​വ​ത​രി​പ്പി​ക്ക​പ്പെ​ടു​ന്ന​താ​ണെ​ന്നും ഓ​ർ​ക്കാ​സ് ഭാ​ര​വാ​ഹി​ക​ളാ​യ കെ ​ബി രാ​ധാ​കൃ​ഷ്ണ​ൻ (പ്ര​സി​ഡ​ന്‍റ്) , സി.​ആ​ർ. പ്ര​ഭ (വൈ​സ്പ്ര​സി​ഡ​ന്‍റ്) പ്ര​ഫ കൈ​പ്പു​ഴ നീ​ല​ക​ണ്ഠ​ൻ ന​മ്പൂ​തി​രി (സെ​ക്ര​ട്ട​റി) എം. ​ഹ​ർ​ഷ​ൻ ( മു​ൻ ദേ​വ​സ്വം ക​മ്മീ​ഷ​ണ​ർ) റ്റി ​ജെ ഉ​ണ്ണി​ക്കൃ​ഷ്ണ​ൻ ന​മ്പൂ​തി​രി (നി​ർ​വാ​ഹ​ക സ​മി​തി അം​ഗം) എ​ന്നി​വ​ർ പ​ത്ര സ​മ്മേ​ള​ന​ത്തി​ൽ അ​റി​യി​ച്ചു.

Copyright @ 2022 , Rashtra Deepika Ltd.