കാസര്‍ഗോഡ്: ജില്ലയില്‍ 122 പേര്‍ക്ക് കൂടി കോവിഡ്-19 പോസിറ്റീവായി. സമ്പര്‍ക്കത്തിലൂടെ 113 പേര്‍ക്കും ഇതരസംസ്ഥാനത്ത് നിന്നെത്തിയ അഞ്ച് പേര്‍ക്കും വിദേശത്ത് നിന്നെത്തിയ നാല് പേര്‍ക്കുമാണ് കോവിഡ് സ്ഥിരീകരിച്ചത്. ചികിത്സയിലുണ്ടായിരുന്ന 114 പേര്‍ക്ക് ഇന്നലെ രോഗമുക്തി ലഭിച്ചു. ജില്ലയില്‍ ആകെ നിരീക്ഷണത്തിലുള്ളത് 8,287 പേരാണ്. ഇന്നലെ പുതിയതായി 1,368 പേരെ കൂടി നിരീക്ഷണത്തിലാക്കി. സെന്‍റിനല്‍ സര്‍വേയടക്കം പുതിയതായി 1,778 സാമ്പിളുകള്‍ കൂടി പരിശോധനയ്ക്ക് അയച്ചു. 977 പേര്‍ നിരീക്ഷണ കാലയളവ് പൂര്‍ത്തിയാക്കി. 132 പേരെ ആശുപത്രികളിലും കോവിഡ് കെയര്‍ സെന്‍ററുകളിലുമായി പ്രവേശിപ്പിച്ചു. 96 പേരെ ഡിസ്ചാര്‍ജ് ചെയ്തു.
21,814 പേര്‍ക്കാണ് ജില്ലയില്‍ ഇതുവരെ കോവിഡ് സ്ഥിരീകരിച്ചത്. ഇതില്‍ 1,042 പേര്‍ വിദേശത്ത് നിന്നെത്തിയവരും 825 പേര്‍ ഇതരസംസ്ഥാനത്ത് നിന്നെത്തിയവരുമാണ്. 19,947 പേര്‍ക്ക് സമ്പര്‍ക്കത്തിലൂടെയാണ് രോഗം ബാധിച്ചത്. 20,498 പേര്‍ക്ക് ഇതുവരെ കോവിഡ് നെഗറ്റീവായി. കോവിഡ് ബാധിച്ച് മരണപ്പെട്ടവരുടെ എണ്ണം 231 ആയി. നിലവില്‍ 1,085 പേരാണ് കോവിഡ് ചികിത്സയിലുള്ളത്. ഇതില്‍ 723 പേര്‍ വീടുകളില്‍ തന്നെയാണ് ചികിത്സയില്‍ കഴിയുന്നത്.
ഇന്നലെ കോവിഡ് സ്ഥിരീകരിച്ചവരുടെ വിവരങ്ങള്‍
കുറ്റിക്കോല്‍- 15, നീലേശ്വരം- 13, കാഞ്ഞങ്ങാട് നഗരസഭ -10, കയ്യൂര്‍ ചീമേനി, കിനാനൂര്‍ കരിന്തളം- 8, ദേലംപാടി, ഉദുമ- 6, ഈസ്റ്റ് എളേരി, തൃക്കരിപ്പൂര്‍-5, ബളാല്‍, മടിക്കൈ-നാല്, കാസര്‍ഗോഡ് നഗരസഭ, മൊഗ്രാല്‍-പുത്തൂര്‍, പള്ളിക്കര, പനത്തടി-മൂന്ന്, അജാനൂര്‍, ബദിയഡുക്ക, കള്ളാര്‍, ചെമ്മനാട്, കോടോം-ബേളൂര്‍, മധൂര്‍, പിലിക്കോട്, വെസ്റ്റ് എളേരി, മംഗളൂരു-രണ്ട്, ബേഡഡുക്ക, ചെങ്കള, ചെറുവത്തൂര്‍, കുംബഡാജെ, കുമ്പള, മഞ്ചേശ്വരം, മുളിയാര്‍, വൊര്ക്കാടി-ഒന്ന്.