ഹ​യ​ര്‍​സെ​ക്ക​ന്‍​ഡ​റി തു​ല്യ​താ പ​രീ​ക്ഷ: ജില്ലയിൽ 80.5 ശ​ത​മാ​നം വി​ജ​യം
Monday, August 12, 2024 1:03 AM IST
കാ​സ​ര്‍​ഗോ​ഡ്: പൊ​തു​വി​ദ്യാ​ഭ്യാ​സ വ​കു​പ്പ് സാ​ക്ഷ​ര​താ മി​ഷ​ന്‍ വ​ഴി മു​തി​ര്‍​ന്ന​വ​ര്‍​ക്ക് വേ​ണ്ടി ന​ട​ത്തു​ന്ന ഹ​യ​ര്‍​സെ​ക്ക​ൻ​ഡ​റി തു​ല്യ​താ പ​രീ​ക്ഷ​യി​ല്‍ (ഏ​ഴാം ബാ​ച്ച്) ഈ ​വ​ര്‍​ഷം ജി​ല്ല​യി​ല്‍ നി​ന്ന് പ​രീ​ക്ഷ എ​ഴു​തി​യ 521 പേ​രി​ല്‍ 419 പേ​രും വി​ജ​യി​ച്ചു. വി​ജ​യ​ശ​ത​മാ​നം 80.5. ച​ന്ദ്ര​ഗി​രി ജി​എ​ച്ച്എ​സ്എ​സി​ല്‍ പ​രീ​ക്ഷ​യെ​ഴു​തി​യ വാ​ഹി​ദ മും​താ​സ് അ​ഞ്ച് എ​പ്ല​സും ഒ​രു എ​യും നേ​ടി ജി​ല്ല​യി​ല്‍ ഏ​റ്റ​വും മി​ക​ച്ച സ്‌​കോ​ര്‍ നേ​ടി​യ പ​ഠി​താ​വാ​യി. എ​ല്ലാ​വ​രും മി​ക​ച്ച ഗ്രേ​ഡോ​ടു​കൂ​ടി​യാ​ണ് വി​ജ​യി​ച്ച​ത്.

ജൂ​ലൈ അ​ഞ്ച് മു​ത​ല്‍ 15 വ​രെ​യാ​യി​രു​ന്നു പ​രീ​ക്ഷ. ര​ണ്ടു​വ​ര്‍​ഷ​ങ്ങ​ളി​ലാ​യി എ​ല്ലാ ഞാ​യ​റാ​ഴ്ച​ക​ളി​ലും അ​വ​ധി ദി​വ​സ​ങ്ങ​ളി​ലു​മാ​യി​രു​ന്നു സ​മ്പ​ര്‍​ക്ക പ​ഠ​ന ക്ലാ​സു​ക​ള്‍ സാ​ക്ഷ​ര​താ മി​ഷ​ന്‍ ഇ​വ​ര്‍​ക്കാ​യി ന​ട​ത്തി​യി​രു​ന്ന​ത്. 88 പേ​ര്‍ ക​ന്ന​ട മീ​ഡി​യ​ത്തി​ല്‍ പ​ഠി​ച്ചു വി​ജ​യി​ച്ചു. ഹ്യു​മാ​നി​റ്റീ​സ്, കൊ​മേ​ഴ്സ് വി​ഭാ​ഗ​ത്തി​ല്‍ ആ​യി​ട്ടാ​ണ് ക്ലാ​സു​ക​ളും പ​രീ​ക്ഷ​യും ന​ട​ത്തി​യി​രു​ന്ന​ത്. ഹ​യ​ര്‍​സെ​ക്ക​ൻ​ഡ​റി സ്‌​കൂ​ളു​ക​ളി​ല്‍ പ​ഠി​പ്പി​ക്കു​ന്ന അ​ധ്യാ​പ​ക​ര്‍ ത​ന്നെ​യാ​യി​രു​ന്നു ക്ലാ​സ് എ​ടു​ത്തി​രു​ന്ന​ത്. എ​ല്ലാ വി​ഷ​യ​ത്തി​നും നി​ര​ന്ത​ര മൂ​ല്യ​നി​ര്‍​ണ​യ​വും ന​ട​ത്തി.


വി​ജ​യി​ച്ച​വ​ര്‍ ഭൂ​രി​ഭാ​ഗ​വും തു​ട​ര്‍ പ​ഠ​ന​ത്തി​നു​ള്ള ത​യാ​റെ​ടു​പ്പി​ലാ​ണ്. വി​ജ​യി​ച്ച​വ​ര്‍​ക്ക് പ​ഞ്ചാ​യ​ത്തു​ക​ള്‍ പ്രാ​ദേ​ശി​ക ത​ല​ത്തി​ല്‍ വി​ജ​യോ​ത്സ​വം സം​ഘ​ടി​പ്പി​ക്കും. ജി​ല്ലാ സാ​ക്ഷ​ര​താ മി​ഷ​ന്‍റെ ആ​ഭി​മു​ഖ്യ​ത്തി​ല്‍ മി​ക​ച്ച ഗ്രേ​ഡ് നേ​ടി വി​ജ​യി​ച്ച​വ​രെ ഉ​ള്‍​ക്കൊ​ള്ളി​ച്ച് ജി​ല്ലാ​ത​ല വി​ജ​യോ​ത്സ​വ​വും ന​ട​ത്തും. വി​ജ​യി​ക​ളെ ജി​ല്ലാ സാ​ക്ഷ​ര​ത മി​ഷ​ന്‍ ചെ​യ​ര്‍​പേ​ഴ്സ​ണ്‍ കൂ​ടി​യാ​യ ജി​ല്ലാ പ​ഞ്ചാ​യ​ത്ത് പ്ര​സി​ഡ​ന്‍റ് ബേ​ബി ബാ​ല​കൃ​ഷ്ണ​നും സാ​ക്ഷ​ര​ത മി​ഷ​ന്‍ ജി​ല്ലാ കോ-​ഓ​ര്‍​ഡി​നേ​റ്റ​ര്‍ പി.​എ​ന്‍.​ബാ​ബു​വും അ​ഭി​ന​ന്ദി​ച്ചു.