നീ​ലേ​ശ്വ​രം: ആ​രെ​ങ്കി​ലും ഉ​ട​ക്കി​യാ​ൽ അ​വ​രു​ടെ വീ​ട്ടി​ലെ വൈ​ദ്യു​തി ക​ണ​ക്ഷ​ൻ വി​ച്ഛേ​ദി​ക്കു​മെ​ന്നു പ​റ​ഞ്ഞ് കോ​ഴി​ക്കോ​ട് തി​രു​വ​മ്പാ​ടി​യി​ൽ അ​ത് ന​ട​പ്പാ​ക്കി​യ കെ​എ​സ്ഇ​ബി​ക്ക് അ​തേ നാ​ണ​യ​ത്തി​ൽ എ​ട്ടി​ന്‍റെ പ​ണി​കൊ​ടു​ത്ത് നീ​ലേ​ശ്വ​ര​ത്തെ ബി​എ​സ്എ​ൻ​എ​ൽ അ​ധി​കൃ​ത​ർ.

വാ​ട​ക അ​ട​ച്ചി​ല്ലെ​ന്നു​പ​റ​ഞ്ഞ് വൈ​ദ്യു​ത​ത്തൂ​ണു​ക​ളി​ലെ ബി​എ​സ്എ​ൻ​എ​ൽ കേ​ബി​ളു​ക​ൾ കെ​എ​സ്ഇ​ബി അ​ധി​കൃ​ത​ർ അ​ഴി​ച്ചു​മാ​റ്റി​യ​തി​നു പി​ന്നാ​ലെ നീ​ലേ​ശ്വ​രം വൈ​ദ്യു​തി സെ​ക്ഷ​ൻ ഓ​ഫീ​സി​ലെ ഫോ​ണും ഇ​ന്‍റ​ർ​നെ​റ്റു​മ​ട​ക്ക​മു​ള്ള ക​ണ​ക്ഷ​ൻ വി​ച്ഛേ​ദി​ക്കു​ക​യാ​യി​രു​ന്നു.

വൈ​ദ്യു​തി ക​ണ​ക്ഷ​നാ​യാ​ലും ഫോ​ൺ ക​ണ​ക്ഷ​നാ​യാ​ലും കൃ​ത്യ​മാ​യി ബി​ല്ല​ട​ച്ചി​ട്ടു​ള്ള​തും മ​റ്റു ക്ര​മ​ക്കേ​ടു​ക​ളൊ​ന്നും ന​ട​ത്താ​ത്ത​തു​മാ​യ​വ വി​ച്ഛേ​ദി​ക്കു​ന്ന​ത് നി​യ​മ​വി​രു​ദ്ധ​മാ​ണ്.

അ​തു​കൊ​ണ്ടു​ത​ന്നെ കെ​എ​സ്ഇ​ബി അ​ധി​കൃ​ത​ർ പ​രാ​തി​യു​മാ​യി എ​ത്തി​യ​തി​നു പി​ന്നാ​ലെ ഫോ​ണും ഇ​ന്‍റ​ർ​നെ​റ്റും പു​നഃ​സ്ഥാ​പി​ച്ച് ബി​എ​സ്എ​ൻ​എ​ൽ അ​ധി​കൃ​ത​ർ ത​ടി​യൂ​രി.

വൈ​ദ്യു​ത​ത്തൂ​ണു​ക​ളി​ലൂ​ടെ ബി​എ​സ്എ​ൻ​എ​ൽ കേ​ബി​ളു​ക​ൾ വ​ലി​ച്ച​തി​ന്‍റെ വാ​ട​ക​യി​ന​ത്തി​ൽ എ​ട്ടു​ല​ക്ഷ​ത്തോ​ളം രൂ​പ​യാ​ണ് കെ​എ​സ്ഇ​ബി​യി​ൽ അ​ട​ക്കാ​നു​ണ്ടാ​യി​രു​ന്ന​ത്.

ഇ​ക്കാ​ര്യം ചൂ​ണ്ടി​ക്കാ​ട്ടി പ​ല​ത​വ​ണ ബി​എ​സ്എ​ൻ​എ​ലി​ന് ക​ത്തു​ന​ല്കി​യി​ട്ടും പ​ണ​മ​ട​ച്ചി​ല്ല. തു​ട​ർ​ന്ന് ക​ഴി​ഞ്ഞ​ദി​വ​സം കെ​എ​സ്ഇ​ബി അ​ധി​കൃ​ത​ർ നീ​ലേ​ശ്വ​രം ന​ഗ​ര​സ​ഭാ പ​രി​ധി​യി​ലെ വൈ​ദ്യു​ത​ത്തൂ​ണു​ക​ളി​ലെ ബി​എ​സ്എ​ൻ​എ​ൽ കേ​ബി​ളു​ക​ൾ അ​ഴി​ച്ചു​മാ​റ്റു​ക​യാ​യി​രു​ന്നു.

ഇ​തി​നു പി​ന്നാ​ലെ സെ​ക്ഷ​ൻ ഓ​ഫീ​സി​ലെ​ത്തി​യ ജീ​വ​ന​ക്കാ​ർ​ക്ക് കാ​ണാ​ൻ ക​ഴി​ഞ്ഞ​ത് ഓ​ഫീ​സി​ലെ ഫോ​ണും ഇ​ന്‍റ​ർ​നെ​റ്റും വി​ച്ഛേ​ദി​ക്ക​പ്പെ​ട്ടു കി​ട​ക്കു​ന്ന​താ​ണ്.

വൈ​ദ്യു​തി ബി​ല്ലു​ക​ൾ സ്വീ​ക​രി​ക്കു​ന്ന​തു പോ​ലും ഇ​പ്പോ​ൾ ഓ​ൺ​ലൈ​നി​ലാ​യ​തി​നാ​ൽ ഓ​ഫീ​സി​ന്‍റെ പ്ര​വ​ർ​ത്ത​ന​ങ്ങ​ളെ​ല്ലാം നി​ല​ച്ചു.

നീ​ലേ​ശ്വ​ര​ത്തെ ബി​എ​സ്എ​ൻ​എ​ൽ അ​ധി​കൃ​ത​രു​മാ​യി പ​ല​ത​വ​ണ ബ​ന്ധ​പ്പെ​ട്ടെ​ങ്കി​ലും യാ​തൊ​രു ന​ട​പ​ടി​യും ഉ​ണ്ടാ​യി​ല്ല. വൈ​ദ്യു​ത​ബ​ന്ധം ത​ക​രാ​റി​ലാ​യാ​ൽ മ​ണി​ക്കൂ​റു​ക​ളോ​ളം കെ​എ​സ്ഇ​ബി​ക്കാ​രെ കാ​ത്തി​രി​ക്കു​ന്ന ഉ​പ​ഭോ​ക്താ​ക്ക​ളു​ടെ അ​തേ അ​വ​സ്ഥ​യി​ൽ കെ​എ​സ്ഇ​ബി​ക്കാ​രും കാ​ത്തി​രു​ന്നു.

അ​വ​സാ​നം സ​ഹി​കെ​ട്ട​പ്പോ​ൾ ബി​എ​സ്എ​ൻ​എ​ലി​ന്‍റെ ക​ണ്ണൂ​ർ മേ​ഖ​ലാ ഓ​ഫീ​സി​ൽ വി​ളി​ച്ച് പ​രാ​തി പ​റ​ഞ്ഞ​തോ​ടെ​യാ​ണ് നീ​ലേ​ശ്വ​ര​ത്തു​നി​ന്ന് ജീ​വ​ന​ക്കാ​രെ​ത്തി ഫോ​ൺ ബ​ന്ധ​വും ഇ​ന്‍റ​ർ​നെ​റ്റും പു​നഃ​സ്ഥാ​പി​ച്ച​ത്.

കെ​എ​സ്ഇ​ബി ജീ​വ​ന​ക്കാ​ർ കേ​ബി​ളു​ക​ൾ അ​ഴി​ച്ചു​മാ​റ്റി​യ​പ്പോ​ഴാ​ണ് അ​വ​രു​ടെ സ്വ​ന്തം ഓ​ഫീ​സി​ലേ​ക്കു​ള്ള ക​ണ​ക്ഷ​നും ത​ക​രാ​റി​ലാ​യ​തെ​ന്നാ​ണ് ഇ​പ്പോ​ൾ ബി​എ​സ്എ​ൻ​എ​ൽ അ​ധി​കൃ​ത​രു​ടെ വി​ശ​ദീ​ക​ര​ണം.