ബി​രി​ക്കു​ളം സ്കൂ​ൾ പ്ര​ശ്നം; സി​പി​എം ലോ​ക്ക​ൽ ക​മ്മി​റ്റി അം​ഗ​ങ്ങ​ൾ​ക്ക് കാ​ര​ണംകാ​ണി​ക്ക​ൽ നോ​ട്ടീ​സ്
Wednesday, June 19, 2024 1:51 AM IST
പ​ര​പ്പ: സി​പി​എം നി​യ​ന്ത്ര​ണ​ത്തി​ലു​ള്ള ബി​രി​ക്കു​ളം എ​യു​പി സ്കൂ​ളി​ലെ അ​ധ്യാ​പ​ക നി​യ​മ​ന​വു​മാ​യി ബ​ന്ധ​പ്പെ​ട്ട വി​വാ​ദ​ത്തി​ൽ പാ​ർ​ട്ടി തീ​രു​മാ​ന​ത്തി​നൊ​പ്പം നി​ല്ക്കാ​തി​രു​ന്ന ആ​റ് ലോ​ക്ക​ൽ ക​മ്മി​റ്റി അം​ഗ​ങ്ങ​ൾ​ക്ക് കാ​ര​ണം കാ​ണി​ക്ക​ൽ നോ​ട്ടീ​സ്. സ​ർ​ക്കാ​ർ ഏ​റ്റെ​ടു​ക്കാ​ൻ തീ​രു​മാ​നി​ച്ച സ്കൂ​ളി​ൽ ധൃ​തി​പി​ടി​ച്ച് അ​ധ്യാ​പ​ക നി​യ​മ​ന​ങ്ങ​ൾ ന​ട​ത്താ​നു​ള്ള നീ​ക്ക​ത്തെ എ​തി​ർ​ത്ത് ഇ​വ​ർ പാ​ർ​ട്ടി യോ​ഗ​ങ്ങ​ളി​ൽ നി​ന്നും വി​ട്ടു​നി​ന്നി​രു​ന്നു.

സ്കൂ​ളി​ന്‍റെ ഉ​ട​മ​സ്ഥാ​വ​കാ​ശ​മു​ള്ള ട്ര​സ്റ്റി​ന്‍റെ ത​ല​പ്പ​ത്തു​ള്ള ഏ​താ​നും നേ​താ​ക്ക​ൾ വ​ൻ തു​ക കോ​ഴ വാ​ങ്ങി​യാ​ണ് അ​ധ്യാ​പ​ക നി​യ​മ​ന​ങ്ങ​ൾ​ക്കു​ള്ള നീ​ക്കം ന​ട​ത്തു​ന്ന​തെ​ന്നാ​ണ് ഒ​രു​വി​ഭാ​ഗം സി​പി​എം പ്ര​വ​ർ​ത്ത​ക​രും കോ​ൺ​ഗ്ര​സ് നേ​താ​ക്ക​ളും ആ​രോ​പി​ക്കു​ന്ന​ത്. ഈ ​വാ​ദ​ത്തി​നൊ​പ്പം നി​ന്ന നേ​താ​ക്ക​ൾ​ക്കാ​ണ് പാ​ർ​ട്ടി കാ​ര​ണം കാ​ണി​ക്ക​ൽ നോ​ട്ടീ​സ് ന​ല്കി​യ​ത്.

ലോ​ക്ക​ൽ ക​മ്മി​റ്റി​ക്ക് കീ​ഴി​ലെ ബ്രാ​ഞ്ച് ക​മ്മി​റ്റി​ക​ൾ വി​ളി​ച്ചു​ചേ​ർ​ത്ത് പാ​ർ​ട്ടി തീ​രു​മാ​നം വി​ശ​ദീ​ക​രി​ക്കാ​ൻ തീ​രു​മാ​നി​ച്ചി​രു​ന്നെ​ങ്കി​ലും ആ​കെ​യു​ള്ള 12 ബ്രാ​ഞ്ച് ക​മ്മി​റ്റി​ക​ളി​ൽ ര​ണ്ടെ​ണ്ണം മാ​ത്ര​മാ​ണ് വി​ളി​ച്ചു​ചേ​ർ​ക്കാ​ൻ സാ​ധി​ച്ച​ത്. മ​റ്റു ബ്രാ​ഞ്ച് ക​മ്മി​റ്റി​ക​ളെ​ല്ലാം അ​ധ്യാ​പ​ക നി​യ​മ​ന​ങ്ങ​ൾ ന​ട​ത്താ​നു​ള്ള തീ​രു​മാ​ന​ത്തെ എ​തി​ർ​ക്കു​ക​യാ​ണ്. അ​ധ്യാ​പ​ക നി​യ​മ​ന​ങ്ങ​ൾ ന​ട​ത്തു​മ്പോ​ൾ സാ​ധാ​ര​ണ പാ​ർ​ട്ടി കു​ടും​ബ​ങ്ങ​ളി​ൽ നി​ന്നു​ള്ള​വ​രെ പ​രി​ഗ​ണി​ച്ചി​ല്ലെ​ന്നും ആ​രോ​പ​ണ​മു​യ​രു​ന്നു​ണ്ട്.

സി​പി​എം നി​യ​ന്ത്ര​ണ​ത്തി​ലു​ള്ള കി​നാ​നൂ​ർ സെ​ക്ക​ൻ​ഡ് ഗ്രാ​മ​സേ​വാ​സം​ഘം എ​ന്ന ട്ര​സ്റ്റി​നാ​ണ് സ്കൂ​ളി​ന്‍റെ ഉ​ട​മ​സ്ഥാ​വ​കാ​ശ​മു​ള്ള​ത്. എ​ന്നാ​ൽ, സ്കൂ​ൾ ന​ട​ത്തി​പ്പി​നാ​വ​ശ്യ​മാ​യ ഭൂ​മി ട്ര​സ്റ്റി​ന്‍റെ കൈ​യി​ലി​ല്ലെ​ന്നും സ​ർ​ക്കാ​ർ ഭൂ​മി കൈ​യേ​റി​യാ​ണ് സ്കൂ​ൾ കെ​ട്ടി​ട​ങ്ങ​ൾ നി​ർ​മി​ച്ചി​ട്ടു​ള്ള​തെ​ന്നും റ​വ​ന്യൂ വ​കു​പ്പ് റി​പ്പോ​ർ​ട്ട് ന​ല്കി​യ​തി​ന്‍റെ​യും ഇ​തു​മാ​യി ബ​ന്ധ​പ്പെ​ട്ട ഹൈ​ക്കോ​ട​തി ഉ​ത്ത​ര​വി​ന്‍റെ​യും അ​ടി​സ്ഥാ​ന​ത്തി​ലാ​ണ് സ്കൂ​ൾ സ​ർ​ക്കാ​ർ ഏ​റ്റെ​ടു​ക്കാ​നു​ള്ള ന​ട​പ​ടി​ക്ര​മ​ങ്ങ​ൾ തു​ട​ങ്ങി​യ​ത്.

സ്കൂ​ൾ സ​ർ​ക്കാ​രി​ന് വി​ട്ടു​കൊ​ടു​ക്കു​ന്ന കാ​ര്യ​ത്തി​ൽ സി​പി​എ​മ്മി​ന​ക​ത്തും ധാ​ര​ണ​യാ​യി​ട്ടു​ണ്ടെ​ങ്കി​ലും നി​ല​വി​ലു​ള്ള മൂ​ന്ന് അ​ധ്യാ​പ​ക ഒ​ഴി​വു​ക​ളി​ൽ അ​തി​നു മു​മ്പേ നി​യ​മ​നം ന​ട​ത്താ​നു​ള്ള നീ​ക്ക​മാ​ണ് വി​വാ​ദ​മാ​യ​ത്. സ​ർ​ക്കാ​ർ ഏ​റ്റെ​ടു​ക്കാ​ൻ പോ​കു​ന്ന സ്കൂ​ളി​ൽ മാ​നേ​ജ്മെ​ന്‍റ് കോ​ഴ വാ​ങ്ങി അ​ധ്യാ​പ​ക നി​യ​മ​ന​ങ്ങ​ൾ ന​ട​ത്തു​ന്ന​ത് ത​ട​യ​ണ​മെ​ന്നാ​വ​ശ്യ​പ്പെ​ട്ട് കോ​ൺ​ഗ്ര​സ് നേ​താ​ക്ക​ൾ ബ​ന്ധ​പ്പെ​ട്ട​വ​ർ​ക്ക് പ​രാ​തി ന​ല്കി​യി​രു​ന്നു.

വി​വാ​ദ​ങ്ങ​ൾ​ക്കി​ടെ ക​ഴി​ഞ്ഞ ദി​വ​സം ചേ​ർ​ന്ന ട്ര​സ്റ്റ് യോ​ഗം ഏ​റെ നാ​ളാ​യി സ​ജീ​വ പ്ര​വ​ർ​ത്ത​ന​ങ്ങ​ളി​ൽ​നി​ന്നും വി​ട്ടു​നി​ല്ക്കു​ന്ന ട്ര​സ്റ്റ് ചെ​യ​ർ​മാ​ൻ എ​ങ്ക​പ്പ ഭ​ട്ടി​ന് പ​ക​രം സി​പി​എം ലോ​ക്ക​ൽ സെ​ക്ര​ട്ട​റി വി. ​മോ​ഹ​ന​നെ ചെ​യ​ർ​മാ​നാ​യും പി. ​പ​ദ്മ​നാ​ഭ​ന് പ​ക​രം ജോ​യി പി. ​പൗ​ലോ​സി​നെ സെ​ക്ര​ട്ട​റി​യാ​യും തെ​ര​ഞ്ഞെ​ടു​ത്തി​രു​ന്നു. നി​ല​വി​ലു​ള്ള മൂ​ന്ന് ഒ​ഴി​വു​ക​ളി​ലും ട്ര​സ്റ്റി​നു കീ​ഴി​ൽ​ത​ന്നെ അ​ധ്യാ​പ​ക നി​യ​മ​ന​ങ്ങ​ൾ ന​ട​ത്തി​യ​തി​നു ശേ​ഷം സ്കൂ​ൾ സ​ർ​ക്കാ​രി​ന് വി​ട്ടു​കൊ​ടു​ക്കാ​നാ​ണ് പാ​ർ​ട്ടി ത​ല​ത്തി​ലു​ള്ള ധാ​ര​ണ.

Copyright @ 2022 , Rashtra Deepika Ltd.