ഹാ​പ്പി ബ​ര്‍​ത്ത്‌​ഡേ കാ​സ​ര്‍​ഗോ​ഡ്
Friday, May 24, 2024 1:27 AM IST
കാ​സ​ര്‍​ഗോ​ഡ്: 1984 മെ​യ് 24ന് ​രൂ​പീ​കൃ​ത​മാ​യ കാ​സ​ര്‍​കോ​ട് ജി​ല്ല​യ്ക്ക് ഇ​ന്നു 40 വ​യ​സ്. പ​ശ്ചി​മ​ഘ​ട്ട മ​ല​നി​ര​ക​ള്‍​ക്കും അ​റ​ബി​ക്ക​ട​ലി​നു​മി​ട​യി​ല്‍ ക​ര്‍​ണാ​ട​ക​യോ​ടു തൊ​ട്ടു​രു​മ്മി നി​ല്‍​ക്കു​ന്ന കേ​ര​ള​ത്തി​ന്‍റെ വ​ട​ക്കേ അ​റ്റ​ത്ത് സ്ഥി​തി ചെ​യ്യു​ന്ന 14-ാമ​ത്തെ ജി​ല്ല​യാ​ണ് കാ​സ​ര്‍​ഗോ​ഡ്.

ഏ​ക​ദേ​ശം 90 കി​ലോ​മീ​റ്റ​റോ​ളം നീ​ണ്ടു കി​ട​ക്കു​ന്ന ക​ട​ല്‍​ത്തീ​രം. കി​ഴ​ക്ക​ന്‍ മ​ല​യോ​ര​ങ്ങ​ളി​ല്‍ നി​ന്നു​ത്ഭ​വി​ക്കു​ന്ന ചെ​റു​തും വ​ലു​തു​മാ​യ നി​ര​വ​ധി ന​ദി​ക​ള്‍, ഒ​ന്‍​പ​ത് കോ​ട്ട​ക​ള്‍. ഭൂ​പ്ര​കൃ​തി​യ​നു​സ​രി​ച്ച് കാ​സ​ര്‍​ഗോ​ഡി​നെ മ​ല​നാ​ട്, ഇ​ട​നാ​ട്, ക​ട​ലോ​രം എ​ന്നി​ങ്ങ​നെ മൂ​ന്നാ​യി ത​രം തി​രി​ക്കാം. ഈ ​സ്വാ​ഭാ​വി​ക വി​ഭ​ജ​ന​മാ​ണ് കാ​സ​ര്‍​ഗോ​ഡി​ന്‍റെ കാ​ര്‍​ഷി​ക രീ​തി​യും അ​ധി​വാ​സ മാ​തൃ​ക​യും രൂ​പ​പ്പെ​ടു​ത്തി​യ​ത്.

പു​ഴ​ക​ളും അ​രു​വി​ക​ളും കു​ള​ങ്ങ​ളു​മെ​ല്ലാം ചേ​ര്‍​ന്ന് സു​ല​ഭ​മാ​യ വെ​ള്ള​വും മ​ണ്ണി​ന്‍റെ വൈ​വി​ധ്യ​മാ​ര്‍​ന്ന പ്ര​കൃ​തി​യും ചേ​ര്‍​ന്നാ​ണ് വി​വി​ധ​ങ്ങ​ളാ​യ വി​ള​ക​ള്‍ ഈ ​നാ​ട്ടി​ല്‍ ഉ​യ​ര്‍​ന്നു വ​ന്ന​ത്. നെ​ല്‍​കൃ​ഷി, തെ​ങ്ങ്, ക​വു​ങ്ങ്, ക​പ്പ ക​ശു​വ​ണ്ടി, വാ​ഴ, റ​ബ്ബ​ര്‍ തു​ട​ങ്ങി വി​ള​ക​ള്‍ ഏ​റെ. തു​ളു മാ​തൃ​ഭാ​ഷ​യാ​യി സം​സാ​രി​ക്കു​ന്ന ജ​ന​ത​യു​ടെ നാ​ട് തു​ളു​നാ​ട്. മ​ല​യാ​ള നാ​ടി​നും ക​ന്ന​ട നാ​ടി​നു​മി​ട​യി​ല്‍ സ്ഥി​തി​ചെ​യ്യു​ന്നു തു​ളു​നാ​ട്. കാ​സ​ര്‍​ഗോ​ഡ് ബ​ഹു​ഭാ​ഷാ പ്ര​ദേ​ശ​മാ​ണ്. തു​ളു, മ​ല​യാ​ളം, ക​ന്ന​ട, കൊ​ങ്ക​ണി, ബ്യാ​രി, മ​റാ​ഠി, ഹി​ന്ദു​സ്ഥാ​നി, കൊ​ട​വ തു​ട​ങ്ങി​യ ഭാ​ഷ​ക​ള്‍ ഇ​വി​ടെ ഏ​റി​യും കു​റ​ഞ്ഞും പ്ര​ചാ​ര​ത്തി​ലു​ണ്ട്. തു​ളു​വി​ന്‍റെ എ​ത്ര വ​ക​ഭേ​ദ​ങ്ങ​ള്‍! തു​ളു​നാ​ടി​ന്‍റെ ഭാ​ഷ തു​ളു. ഇ​വി​ടേ​യ്ക്ക് ക​ട​ന്നു​വ​ന്ന ജ​ന​വി​ഭാ​ഗ​ങ്ങ​ള്‍ നി​ര​വ​ധി. അ​വ​ര്‍ കൊ​ണ്ടു​വ​ന്ന ഭാ​ഷ​യും ശൈ​ലി​യും അ​നേ​കം. അ​വ​യൊ​ക്കെ കാ​സ​ര്‍​ഗോ​ഡി​ന്‍റെ വ്യ​വ​ഹാ​ര ഭാ​ഷ​യു​ടെ ഭാ​ഗ​മാ​യി മാ​റി.

തോ​റ്റം പാ​ട്ടു​ക​ളും തു​ളു​പാ​ഡ്ദ​ണ​ക​ളും കാ​സ​ര്‍​ഗോ​ഡി​ന്‍റെ പൗ​രാ​ണി​ക ച​രി​ത്ര​ത്തെ​ക്കു​റി​ച്ച് മ​നോ​ഹ​ര​മാ​യ ചി​ത്ര​ങ്ങ​ളാ​ണ് മു​ന്നോ​ട്ട് വെ​ക്കു​ന്ന​ത്. കാ​സ​ര്‍​ഗോ​ഡി​ന്‍റെ വ​ട​ക്ക​ന്‍ ഭാ​ഗ​ങ്ങ​ളി​ല്‍ പ്ര​ചാ​ര​ത്തി​ലു​ള്ള പാ​ഡ്ദ​ണ​ക​ള്‍ നാ​ട​ന്‍ പാ​ട്ടു​ക​ളാ​ണ്.

വ​യ​ലേ​ല​ക​ളി​ലും ആ​ഘോ​ഷ​വേ​ള​ക​ളി​ലും പാ​ടു​ന്ന​താ​ണ് പാ​ഡ്ദ​ണ​ക​ള്‍. ഒ​പ്പം തെ​യ്യ​ങ്ങ​ളു​ടെ തോ​റ്റ​വു​മാ​ണ് അ​ത്. കാ​ര്‍​ഷി​ക സ​മൂ​ഹം, ജീ​വി​തം, ജ​ന​ങ്ങ​ള്‍ ത​മ്മി​ലു​ള്ള ബ​ന്ധം തു​ട​ങ്ങി പ​ല​തും പാ​ഡ്ദ​ണ​ക​ള്‍​ക്ക് വി​ഷ​യ​മാ​കു​ന്നു.

മാ​വി​ല​രു​ടെ മം​ഗ​ലം​പാ​ട്ടും പൂ​ര​ക്ക​ളി​പ്പാ​ട്ടും, കോ​ല്‍​ക്ക​ളി പാ​ട്ടും ഇ​വി​ടെ നി​ല​വി​ലു​ണ്ടാ​യി​രു​ന്ന കാ​ര്‍​ഷി​ക സം​സ്‌​കാ​ര​ത്തി​ന്‍റെ ചി​ത്രം വ​ര​ച്ചു​കാ​ട്ടു​ന്നു. യ​ക്ഷ​ഗാ​ന​ത്തി​ന്‍റെ ഈ​റ്റി​ല്ലം. ഇ​വ കൂ​ടാ​തെ നാ​ട്ടി​ലാ​കെ പ്ര​ചാ​ര​ത്തി​ലു​ള്ള പാ​ട്ടു​ക​ളും ചൊ​ല്ലു​ക​ളും ക​ഥ​ക​ളും കാ​സ​ര്‍​ഗോ​ഡി​ന്‍റെ ആ​ധു​നി​ക പൂ​ര്‍​വ​ച​രി​ത്ര​ത്തി​ലേ​ക്ക് വെ​ളി​ച്ചം വീ​ശു​ന്നു.


നാ​ല്‍​പ​തി​ന്‍റെ ത​ഴ​ക്കം ഓ​രോ മേ​ഖ​ല​യി​ലും

നാ​ലു താ​ലൂ​ക്കു​ക​ളും ആ​റു​ബ്ലോ​ക്ക് പ​ഞ്ചാ​യ​ത്തു​ക​ളും മൂ​ന്നു ന​ഗ​ര​സ​ഭ​ക​ളും 38 പ​ഞ്ചാ​യ​ത്തു​ക​ളു​മാ​യി നി​റ​ഞ്ഞു നി​വ​ര്‍​ന്ന് നി​ല്‍​ക്കു​ക​യാ​ണ് കാ​സ​ര്‍​ഗോ​ഡ്. നാ​ല്‍​പ​തി​ന്‍റെ നി​റ​വി​ല്‍ കാ​സ​ര്‍​ഗോ​ഡി​ന്‍റെ വ​ള​ര്‍​ച്ച​യു​ടെ കാ​ല​മാ​ണ് ക​ട​ന്നു​പോ​യ​ത്. ഇ​നി​യും കാ​ത്തി​രി​ക്കു​ന്ന സ്വ​പ്ന പ​ദ്ധ​തി​ക​ളും.

വി​ദ്യാ​ഭ്യാ​സ മേ​ഖ​ല​യി​ല്‍ കേ​ര​ള കേ​ന്ദ്ര​സ​ര്‍​വ​ക​ലാ​ശാ​ല പെ​രി​യ, എ​ല്ലാ നി​യോ​ജ​ക മ​ണ്ഡ​ല​ങ്ങ​ളി​ലും സ​ര്‍​ക്കാ​ര്‍ കോ​ള​ജു​ക​ള്‍, കാ​ര്‍​ഷി​ക ഗ​വേ​ഷ​ണ കേ​ന്ദ്ര​ങ്ങ​ള്‍, കാ​ര്‍​ഷി​ക കോ​ള​ജ്, ക​ണ്ണൂ​ര്‍ യൂ​ണി​വേ​ഴ്‌​സി​റ്റി​യു​ടെ കാ​മ്പ​സു​ക​ള്‍, മ​ഞ്ചേ​ശ്വ​രം ലോ ​കോ​ള​ജ്, ടെ​ക്‌​നി​ക്ക​ല്‍ സ്‌​കൂ​ളു​ക​ള്‍, മോ​ഡ​ല്‍ റ​സി​ഡ​ന്‍​ഷ്യ​ല്‍ സ്‌​കൂ​ളു​ക​ള്‍ തു​ട​ങ്ങി വ​ലി​യ മാ​റ്റ​മാ​ണ് പ്ര​ക​ട​മാ​യ​ത്. കാ​സ​ര്‍​ഗോ​ഡ് വി​ക​സ​ന പാ​ക്കേ​ജ് ജി​ല്ല​യു​ടെ സ​മ​ഗ്ര വി​ക​സ​ന​ത്തി​ന് വേ​ഗ​ത കൂ​ട്ടി.

മ​ല​യോ​ര ഹൈ​വേ, തീ​ര​ദേ​ശ ഹൈ​വേ, ദേ​ശീ​യ പാ​ത ആ​റു​വ​രി​യാ​യി ന​വീ​ക​രി​ക്ക​ല്‍ തു​ട​ങ്ങി​യ​വ കൂ​ടി യാ​ഥാ​ര്‍​ഥ്യ​മാ​കു​ന്ന​തോ​ടെ ജി​ല്ല വി​ക​സ​ന​ത്തി​ന്‍റെ മ​റ്റൊ​രു തീ​ര​ത്തെ​ത്തും. റെ​യി​ല്‍ പാ​ത ഇ​ര​ട്ടി​പ്പി​ച്ച​തും വൈ​ദ്യു​തീ​ക​രി​ച്ച​തും വ​ന്ദേ ഭാ​ര​ത് പോ​ലു​ള്ള അ​തി​വേ​ഗ ട്രെ​യി​നു​ക​ള്‍​ക്ക് സ്റ്റോ​പ്പു​ക​ള്‍ അ​നു​വ​ദി​ച്ച​തും ജി​ല്ല​യു​ടെ നേ​ട്ട​മാ​ണ്.

ജി​ല്ല​യു​ടെ വി​നോ​ദ സ​ഞ്ചാ​ര മേ​ഖ​ല​യി​ല്‍ വ​ലി​യ പു​രോ​ഗ​തി​യാ​ണു​ണ്ടാ​യ​ത്. നാ​ല്‍​പ​തി​ലെ​ത്തു​മ്പോ​ള്‍ ബേ​ക്ക​ലി​ന്‍റെ പ്രൗ​ഢി​യും റാ​ണി​പു​ര​ത്തി​ന്‍റെ ഹ​രി​താ​ഭ​യും അ​റ​ബി​ക്ക​ട​ലി​ന്‍റെ​യും കൗ​വ്വാ​യി കാ​യ​ലി​ന്‍റെ​യും വ​ശ്യ​ത​യും വി​നോ​ദ സ​ഞ്ചാ​രി​ക​ളെ കൂ​ടു​ത​ല്‍ ആ​ക​ര്‍​ഷി​ക്കു​ന്നു

. ച​ല​ച്ചി​ത്ര നി​ര്‍​മാ​താ​ക്ക​ള്‍​ക്ക് ഇ​ഷ്ട ലൊ​ക്കേ​ഷ​നാ​യി കാ​സ​ര്‍​ഗോ​ഡി​ന്‍റെ വ​ശ്യ​സൗ​ന്ദ​ര്യം മാ​റി.

ജി​ല്ലാ​ത​ല ഉ​ദ്ഘാ​ട​നം ഇ​ന്ന്

കാ​സ​ര്‍​ഗോ​ഡ് ജി​ല്ല​യു​ടെ 40-ാം പി​റ​ന്നാ​ള്‍ ദി​ന​മാ​യ ഇ​ന്നു ക​ള​ക്ട​റേ​റ്റ് പ​രി​സ​ര​ത്ത് ജി​ല്ലാ ഇ​ന്‍​ഫ​ര്‍​മേ​ഷ​ന്‍ ഓ​ഫീ​സും വ​നം വ​കു​പ്പും ജി​ല്ലാ ഭ​ര​ണ സം​വി​ധാ​ന​വു​മാ​യി സ​ഹ​ക​രി​ച്ച് 40 ഫ​ല​വൃ​ക്ഷ തൈ​ക​ള്‍ ന​ടു​ന്നു.

ക​ള​ക്ട​റേ​റ്റി​ന് മു​ന്നി​ല്‍ ജി​ല്ല​യു​ടെ ത​ന​ത് വൃ​ക്ഷ​മാ​യ കാ​ഞ്ഞി​ര​മ​രം ന​ട്ട് ജി​ല്ലാ ക​ള​ക്ട​ര്‍ പ​രി​പാ​ടി ഉ​ദ്ഘാ​ട​നം ചെ​യ്യും.

Copyright @ 2022 , Rashtra Deepika Ltd.